ابدء مشاركتي بهذا الصرح الشامخ بمساجلة شعرية بين الشاعرين

ناصر المسميري الكثيري وفيحان الشغار العتيبي


وهي :


يقول فيحان :


ياناس مظلوم الهوى مـن يشكويـه
دام الشريعه مـن فرضهـا تناسـاه
وسنة محمـد مالهـا فيـه توجيـه
وأهل المذاهب ما أحد جاب طريـاه
ساق الحلال وساق ماتملـك إيديـه
وجاب الوجاهة مير ماينفـع الجـاه
ضاقت به الدنيـا وكبـرت بلاويـه
ويشمت نصيب ساعفه ضيم دنيـاه
وذكر بعد ما ايس رفيـق مصافيـه
دكتور من مثلـي نقـل داه بـرداه
ناصر من إللي ذاق مـره وحاليـه
ويعرف مواريده وصدره ومضمـاه
أظن ناصر فيـه تنجـح مساعيـه
ناصر اليا من وقف العلـم ينصـاه
حكيم راي . ولـه عـزوم تهقويـه
ويبطش على الكايد اليا عمست اياه
وترى على الطيب تجوز المشاريـه
اشره على ناصر ومثلـه وشـرواه
وعساه ينخى جـاره إللـي يواليـه
يفـزع ويبـدي جهدتـه لاعدمنـاه
مفوضيـن وماتقولـون راضـيـه
تبصروا في اللي اليـا قـام قـال آه
حاله قضت ..ماعاد له جهد يجديـه
ومن شافها قال المرض شين عـزاه
وترى ردود الخـط منكـم تداويـه
مثل الدريك اليا أعترض ورد وأسفاه
وتمت بذكر إللـي نخافـه ونرجيـه
خلقه تحت عطفه ولطفـه ورجـواه

رد ناصر المسيميري




أهـلا هـلا بالـخـط وايضا براعـيـه
ترحيبـة مابـي وراهـا مجـازاه
ترحيبة الغالي اليـا شـاف غاليـه
عقب المغيبه نوخـت بـه مطايـاه
ساعـات أفلـه وساعـاتٍ أطويـه
وعرفت ماجاء فيه من كثر مقـراه
ونويت أجهز لـه إردود إتجاريـه
لو الجهد واني ولا أقـدر مجـاراه
ماجبـت يالعطنـي لـزوم توديـه
أعطيك خط أوصـل الخـط ملفـاه
فيحان شوق اللي إجعـوده إتغطيـه
عوق الخطيم إليا أوصل العلم منهاه
ريفٍ لجيرانه ومـن جـاه ناصيـه
الناس طبع فعل الناس ماهوب خافيه
الطيـب كـل وده إنـه يسـويـه
لاشك ياكـوده علـى اللـي تمنـاه
راع السنـام بمركبـه مايخلـيـه
وكل رزقه الله على قـدر ممشـاه
وقل له طريق الحب ماهوب خافيـه
والعلم الأول كيف فيحـان ينسـاه
مهوب حب وخاسر مـن يصاليـه
ودايم على باله عشيـره وطريـاه
الحـب لاماصـار توجـع مكاويـه
وش ينبغي في عقلة غثربو ا مـاه
وأنـت حبـك ساميـات معانـيـه
شورك بزورك وفعل اللـي تـوراه
وجاري يجيك وهرجه من إشافيـه
وفي لازمك ما أظن نحتـاج ننخـاه
ذا قول مـن خـلاه للـي شقافيـه
بيـع معاويـده ودفــن ركـايـاه