جعل أبو عساف فدوتك
--------------------------------------------------------------------------------
أي بالله يابو عساف ما جاك غير الصحيح
صمنا عن شعر الغرابيل فعرض عارض افطر بنا
إسمع يا مال الذهاب
أمّـك الله لا يبيحـه نوتنـي بالـخـراب
جابتك يا الكارثه لأجل تهدم بـك بيـوت
ودشّروك أهلك مع السوق تمشي ماتهـاب
تلبس مخصّر وجدانك من أهـل البشـوت
الجمال اللي خلق فيـك مكتمـل النّصـاب
لو تزكّي يشبع الصين .. لو الزين قـوت
والحسد موجود والعالـم عيونـه حـراب
روح ربي يسترك من عوينـات النّحـوت
والله انك للبشر جيت سـوطٍ مـن عـذاب
زولك ان مر العيون .. اتحرّك بالريمـوت
لو تمر بدرب .. من يمّك اتلـف الرقـاب
وأتحدى من يغـظ النظـر يومـك تفـوت
جعل أبو عساف فدوتك يا ترف الشبـاب
وكل لوتي بالعرب شاب وليومـه يلـوت
لو يشوفك ابن لادن رجع يسمـع حجـاب
وانتكس حالـه وخـلا جهـاده والقنـوت
ولو تجي في وسط ( تيما ) تسبب انقـلاب
انتذابح بالشوارع علـى شمّـه يـا تـوت
كل حيّ فاني .. وقلت من قـل الصـواب
ستغفر الله مثل هذا حـرام إنـه يمـوت!
والله انك شـي ممنـوع منـه الإقتـراب
تل قلبي تلّـت الجمـس أو تـل الفـروت
وبلّـد التفكيـر والـدم بالشـريـان راب
جيتك مطفي وأنـا خلقـةٍ مابـي ليـوت
قصتـك قصـه كبيـره وتبغالـه كتـاب
كل حلوات العرب من تجي صارن سحوت
لاتصوبنـي وأنـا قبلكـم فينـي صـواب
نكتفي بالشوف من غير لمس وغير صوت
انت وضعك بالسما ووضع مثلي بالتـراب
ماجـداي إلا آتنهـت بصـوتٍ ومخفـوت
صابني من يوم شفتـك تشنـج وإكتئـاب
يوم أفكّر بالفوارق .. تخيّـرت السكـوت
والحقيقة طرد مثلي لمـن مثلـك سـراب
حظّي مبوّش وحظك مع كبـار البخـوت
لو دخلت ( اليانصيب ) البخت لون الغراب
ماينول الجايزه لو شرى كـل الكـروت !
ناطحك بالله يا الشمس من قبـل الغيـاب
القلـوب هوينـه مثـل بيـت العنكبـوت
لاتـروح وباقـي بذمتـك تالـي حسـاب
وفني ديني وعقبه عسـى يبلعـك حـوت
مابقى يا زاهـي الخـد فرصـه للعتـاب
والبشر ماهو بميـتٍ بعـد ميتتـه مـوت
.................................................. .............................
أثر العرب يا فهد
--------------------------------------------------------------------------------
هذي القصيدة سالفتها سالفه
جاءت في لحظة اختلاط أفكار والأفكار دشت في بعضها
وبعد ما دشت في بعضها عكيتها عك وعجنت الأفكار وطلعت هالبويتات وصارت من نصيب أبو سالم فهد حمود الحيص من غير سابق انذار
والمسألة بكل إختصار وللتسهيل على المعنيين وعشان ما يكلفون أذهانهم المريضة بالتفكير وعلى بلاطه : أهل النكات المستعارة اللي يسبون ( مهل ) حتى برسايلهم الخاصة من غير لا يعرفوننا بحضرة جنابهم الغير موقر عندي ، وحتى المرأة تقدر تسب بنك مستعار.
وبنفس الوقت كنت أمر بحالة حنين مزمنة لا انفكاك لها حتى يقضي الله أمراً كان مفعولا .. !!
فجاءت القصيده بوجه وقفا ( غزل + سب )
وعاد انتم يا أعزائي المشاهدين براحتكم ، اللي يحب الغز يقرى أبيات الغزل من القصيده بس ، واللي يدور الملاكش يقرى أبيات السب ( هذا اذا جازت له القصيدة )
أثر العرب يا فهـد مشغلهـم اظلالـي
والحقد بصغيرهم كاتـم علـى جاشـه
أنام مرتاح بال ... مروّق ... وسالـي
وما همني من ينابح من ورى الشاشـه
أكتب باسمٍ صريـح ... مبيّـنٍ حالـي
ما اكذب ولا أغش لو النـاس غشاشـه
وآرد على الما بالأول وأشرب زلالـي
وأشوم لو جعت عن فضلات وعراشـه
واللي يدلبح يبـي يشغـل معـه بالـي
بدري عليـه اللـي براسـه ولاناشـه
ولاّ عميلـي يجـي ويوقـف قبـالـي
ماهو من رخوم خلـق الله ولا أوباشـه
النور لـه حـرٍ وفـي مرقبـه عالـي
والليل له بومه .. وفـاره .. وخفّاشـه
وكلٍ علـى ساسـه ومربـاه بالتالـي
مثل الطيور اللي اتعوّد على أعشاشـه
لكن يابـو سالـم اليـا جـاك موّالـي
إن كان به دين خلّـه وإستلـم كاشـه
أنـا بـلا حالـي وسمّـه وغربـالـي
حلـوٍ رمانـي وسـط فكّيـن كمّاشـه
بلاي والله مـن اللـي منطقـه حالـي
بيـن البنـي لا تمشـى كنـه الباشـا
يمشي متغطرس .. وحقه .. ماهو مبالي
لاوا هني التغطرس فيـه لـو حاشـه
موتٍ حمر وان تهزّع والكعـب عالـي
تخاف ثوبـه تشـب النـار بقماشـه!
اليا عرضلي مسا ليل المسـا اهتالـي
واليا لمحته غبش يـا زيـن مغباشـه
صوته يرد الحيـاة اشلـون لا جالـي
أعيش في جو محد من البشـر عاشـه
شيصير لـو أمطـرت سحبـه جالـي
وديمة كلامه ترد الـروح بطشاشـه ؟
لو كان قلبي حجـر صـوّان وجبالـي
ما غيره أحدٍ قدر يقدم علـى ارعاشـه
لاغاب غالـي ولا جـا يمّتـي غالـي
واهو قبال النظـر يوحشنـي أوحاشـه
عليه أهوجـس وأهـل الدمـع همّالـي
إي بالله انه مـرض للقلـب وانعاشـه
من قبل لاحـط فـوق الهامـه عقالـي
وانا معه مندهر .. وبليـس محراشـه
أمشي معه بالهوى من حيث مـا مالـي
والوقت بلشه ولاهـي تقضـي أبلاشـه
واليـوم كـلٍ بدربـه سامـح الفالـي
لـو ان الأفكـار بالتفكيـر منـداشـه
منسـاه واللـي فتنـي فيـه بهبـالـي
كود الذي بالقبر يرجـع علـى فراشـه
وسلامتن تنصاكم
وأدري فيه ناس اتلعني بقلوبه وهذا أقصى ما تطوله يدينهم :0 (3):
.................................................. .................................................. .....
إلى الغالي / خالد الشقيم
--------------------------------------------------------------------------------
بويتات إلى أبو محمد خالد الشقيم
بعض العرب لو تعصره ما يفيـدك
نذلٍ ولد نـذلٍ ولا يعـرف العيـب
لو كان بيده كـان مبطـي يبيـدك
بس يعقب .. دونك نقص الأشانيب
يا خالد ابن شقيم خذنـي عضيـدك
اضرب على الكايد ولا يلحقك ريب
سب الردايا فيك .. أصلا يزيـدك
عمر الغنم ما تمدح الذيب يا الذيب
كل همهم ينقص بعينـي رصيـدك
لأنّك مطلع في مفارقهـم الشيـب
زرزور شاره يا القطامي يصيـدك
ما قلت لك : هذا زمان الأعاجيب!!
.................................................. .......................................
(( فــــراس العـــــروج ))
--------------------------------------------------------------------------------
هذه القصيده قيلت بالأخ فراس العروج حينما زار الكويت قبل ثلاثة أعوام تقريبا
وهي جهد المقل
جلست ( أتـمتـم ) بين نفسـي وبينـي
....................... وينفث ( تعـاويذ ) الشعر حبــر الأقـلام
ألـعن شيـــاطــين القصيــــد وتجينــي
...................... وألــعن ( أبالــيس ) البشر قبل لا نــام
أهلـــي وأنــا صغيــر كــذا معلمينــي
..................... ( أتعب ) علــى الطيب ولا أجــامـل لآم
أقطع لســاني وأكسر أيضــا يمينــي
..................... اذا كتبــت الشعــر فـي مــدح الأقــزام
وأكبر دليل ان نـــاس منــي وفينــي
..................... مــا قلت بيــت فمـدحهــا بـأحد الأيـــام
بــي عـــزة عن مثـل هذا تحدينـــي
.................... لأنــي مــوارث عـــود للضــــد لـــــطام
أخاف من ( خبلن ) يجــي يبتلينــي
................... يقول : قصدي بالشعر ( دهنة ) حـــزام
ومــدحك يابن ( عروج ) حق ويقيني
................... أقسم على ما قلت وأمضــي بالابهـــام
ان كان ( بالكثــران ) راس سميني
.................. فـــأنت سمين القوم يا ( شــامة ) الشام
ولانــي براجي منك شــيء يجينـي
.................. ولا أنت بحــاجة مــدح يــا نســل الأكـرام
يكفيــك عن كــل الشعــر كلمتينــي
................. قيلت قبل أعـــوام وأعــــــوام وأعـــــوام
مشى من العارض ( بذيك السنيني )
................ ( يتلــــون ابن عــــروج مقــــدم بني لام )
.................................................. .................................................. .................................................. .....
خواطر
--------------------------------------------------------------------------------
مشاعـري كلهـا ثـارت
من الأف للياء هستربـه
من ضحكته بوهتي طارت
متسمّـرٍ بـس أبحّربـه
عيني من عيونه احتارت
يـا صقـر والله أفكربـه
بالموقف أعصابي إنهارت
قلب العشاشيق تسعربـه
واكبر غلّـي ليـا دارت
وش جابن اليوم في دربه
الله حسبي ليـا غـارت
سلّمت روحي قبل حربـه
ان كان ينشد كيفها أحوالـي
لا والله إلاّ بشـره بالـدجّـه
الله ولا غيره يروف الحالـي
ولاّ العدا ماله علينـا حجّـه
يبي الشعر والنفس فيها صالي
رايق يبيله بالقصايـد سجّـه
قله عليـك الله مانـي خالـي
لايبحث الخافي وتقلب عجّـه
قول الشعر لو أكتبه مابالـي
أقدر أسوي من سكوتي ضجّه
لكنهـا متغـيّـره أحـوالـي
من واقعي عقليتـي مرتجّـه
قله تطمن تر غـلاك فبالـي
ومن كان غيره فالشعور يمجّه
مبطي معك بأفكار والفكر مـاراق
وصورتك تحرقني طواريها حـرق
إخلص ترى ما عاد به شي ينطاق
إليا متى نوقف على مفرق الطـرق
كانك صحيح مبيّتٍ بعـد وفـراق
إليا وسعك الغرب يا سعني الشرق
بالعون ما عندك مشاعر ولا أخلاق
تلعب وأنا من واقعي ماكلٍ ........
.................................................. ..................................................
شخابيط جديده وقديمه
--------------------------------------------------------------------------------
(1)
بعض المشاعر تخالجني
والوقت طبعـه يفاجينـا
ان كان وقتي مدججنـي
من عرض من دج دجينا
نذرٍ علي كان يحوجنـي
لظل طلـق الحجاجينـا
بلاش يا الشعر تحرجني
منهو بنا صـار لاجينـا
خوتك خـوه ولا نجنـي
من خوتك غير تشجينـا
كنك مصمم على سجنـي
ماكن رحنـا ولا جينـا
من الأمل ليه تخرجنـي
بالياس تحيـي تناجينـا
أرهجك ولا انت ترهجني
ياما ارتججنـا ورجينـا
يا الشعر بسك تولجنـي
لـولاك تبنـا وحجينـا
(2) منه شلبي
الشعر به سجه عن الضيق مار إنـه
يقلع بنا نوبات مـن خانـه لخانـه
كم معناً أدّاركـه بالصـدر واكنـه
كـن المدخـن لا تضايـق لدخانـه
حلو الشعر لاجـاك راقـي ولكنـه
ودك تخربهـا ليـا جتـك خربانـه
لاهزّتك صلفات الأيـام قـم غنـه
والشوق يفتح لـك مغاليـق بيبانـه
تجيك قيفانه على السمـع لـه رنـه
ولا رزيـم اللـي تـرازم بميدانـه
من هاجسٍ بالراس يقدح بـلا منـه
يومن بعض شاعر هجوسه بكرعانه
مار البلا ياخـوك وش ماخـذٍ منـه
غير الولع والوجد في كان وأزمانـه
كم أمنية بالبال كفـي قصـر عنـه
ومالك بتفصيـل الأمانـي وتبيانـه
وان قابلك من ينشـد النقـد والهنـه
سلم عليه وقول لـه : يبلـع لسانـه
عـزاه يـا حـالٍ لياليـه حتـنـه
حت الشجر بالقيض لا حتت أغصانه
ويامل قلبٍ لاعبن بـه هـوى منّـه
لعب اليهود بغـزه ودمـر أركانـه
أثر على التفكير لينـه غـدى كنـه
تفكير مسطولٍ لحس مخـه إدمانـه
من مثلها بالزين مـا عذربـه فنـه
وش عاد لو قالـوا تغـزل بفنانـه
تلحى رعابيب الهوى مـا يلاحنـه
متفرعنه بالزيـن حـده وبطرانـه
خده من القشطـه أو الزبـد يمكنـه
وكن العسل يجري بعرقه وشريانـه
والعين شيهانه على الصيـد مستنـه
عاقنـه سبوقـه وتكفـخ بجنحانـه
من زينها وش ظل للحور بالجنـه؟
يالله ثبـت عقلـي وثبـت إيمـانـه
لاضاق صدري والحشا صار به حنه
على الرسيفر عجل حطيت روتانـا
وشفته ياجعل البيض والسمر يفدنـه
كل يوم عن قبلـه تألـق وحليانـه
مـا حبـه لذاتـه أنـا حبهـا لنـه
تشبه لمخلوق عذابـي علـى شانـه
اغزيـل تـوه وسنـه علـى سنـه
مبطي عن علومـه ولادل عنوانـه
ليـت الليالـي مـا خذنـه يجيبنـه
ولاّ يكرمنـي زمـانـي بنسيـانـه
(3) بويتات عالطاير
أبحرت مع مبتدى الأيام في رحله
وأشوفها طوّلت ما شفت له شاطي
أمهلتها والعمر كله غـدى مُهلـه
والظاهر ان الزمن والحظ متواطي
محبط وأدير النظر وأدوّر القبلـه
وكل الذي حولي يزوّد بي احباطي
ماعاد تفرق معي وش له أفكرلـه
من كثر مغلط تعبت أعدد أغلاطي
وحده من اثنين لا ثالث يفرّج لـه
حظوظي الواطيه ولا الزمن واطي
(4) النزاهه
قالوا نزاهـه قلـت ويـن النزاهـه
هاتولي لمعنـى نزاهتكـم إعـراب
تقدر من التزويـر تبنـي وجاهـه
مضمونها خالـي وياكبـر الألقـاب
دخلت مـع بـاب الزمـان بمتاهـه
ولاكنت حاسب في متاهاتي حسـاب
كل الأمـور إزداد وجـه إشتباهـه
والوقت له شلف وسكاكين وحـراب
وشمالي اللي كـان ضـاع اتجاهـه
وشفت الأوادم كلها أحزاب بحـزاب
باليوم تصدف لـك ثلاثيـن عاهـه
مابيـن مطلـوبٍ ومابيـن طـلاّب
أحـدٍ منعّـم عايـش فـي رفاهـه
وأحدٍ مع الخليان موتـره سكـراب
وأحـدٍ فقيـه ولا يعـرف الفقاهـه
وأمي اذا اتكلم تحـس انـه اكتـاب
وبعض العرب تركع وتحني اجباهه
وتلقاه ابن كلب وكلكجـي ونصّـاب
وبعض الغلا يوصلك حـد السفاهـه
وتصير كنك ورع لو عارضك شاب
يبهرك أبو شامـه بزينـه وجاهـه
ثم تبتدي بلواك من نظـرة إعجـاب
إليـا صفـا ويـاك تـروى مياهـه
وإليا تعوكس لك تبي تاكـل تـراب
ولي صاحبٍ مغـرم بخـده وفاهـه
والخشم سلة سيف وحجاج وأهـداب
لبق ورزيـن وفيـه روح الفكاهـه
ثقيـل لا رزتـه ولاهـو بلـعّـاب
اليا ندهتـه تونـا مـا حكـى هـه
بس هاه منه كـل مابـي لهـا ذاب
هاه العرب ماتشبـه بشـي هاهـه
هاهه بها نبـره وشفـره وإسهـاب
تجتثنـي وتصيبـنـي بالبـواهـه
ومدري بعدها وشتكلم مـن خطـاب
آخذ معاهـا عـن زمانـي نقاهـه
وتنسيني همـوم الليالـي والأتعـاب
ولو كان مابـي للسوالـف شراهـه
وعن الفضول مغلقٍ كـل الأبـواب
لكن أمـور إدراكـه مـن البداهـه
من غير تفكيرٍ ولا بحـث بأسبـاب
يعلمـك وقتـك أصـول التيـاهـه
وينجمك لو انك على راس مرقـاب
ويعلمـك عقـب الغـلا للكـراهـه
وتصير تكره ناس كانوا لك أحبـاب
مابيـن سهـوات الفكـر وانتباهـه
لحظات تبهت به وتصفن وترتـاب
لـوّك مفـوّه ماتفـيـد الفـواهـه
ولو كنت زيزومٍ لزوم انـك اتهـاب
ولـو كنـت نبـهٍ ماتفيـد النباهـه
مالك عن المقسوم مزبـن ومهـراب
اكتم وسـط قلبـك همومـه وآهـه
الله أمر بالستر لا تكشـف حجـاب
وسو اللـي براسـك يلـوّه عتاهـه
مالك ومال النـاس مـادح وشـذاب
كـلٍ علـى دينـه ويعبـد إلـهـه
اللي كفر واللي عبـد رب الأربـاب
ما تجني من التافه ياغيـر التفاهـه
وما تاخذ إلا الكذب من شخص كذاب
ومن لام خله ليـن تيبـس اشفاهـه
مادام لايحيـي ولا يقطـع أرقـاب
لاوا هنـي اللـي دلـه بالـدلاهـه
بارد شعور ولا يـوّدي ولا جـاب
أثر البلاهـه فـود لأهـل البلاهـه
اتريّحك نوبات من حرق الأعصاب
(5) مالها عنوان
أرتبهـا وأحطـه فـي سياقـه
وأزينهـا مـن الأفكـار باقـه
أبيها مثـل مـا قالـوا حداثـه
وتخرج لا كتبته عـن سياقـه
حداثتهـم لهـم ماهـي لمثلـي
أنـا ويـاه مـا حنـا رفاقـه
سهجت اعلامهـم دقـه وجلـه
ولالي وسط ساحتهـم علاقـه
يا فكري رح لك الله ما نـردك
نبي نطلق وثاقك مـن وثاقـه
وقول اللـي تحسـه لا تـردد
واذا يحرجك هاته فـي لباقـه
تحزّم واكرب حبـال المعانـي
أنا رايق عسى عنـدك رواقـه
وكانك والـم وعنـدك دوافـع
هلابك صاحبـك زاد اشتياقـه
قصيد بغير دافع مـا نسومـه
لـك الله مانبـي إلا فـراقـه
كأنه شاهيٍ مـن غيـر سكّـر
ولونه ما يحسّـن مـن مذاقـه
حلاته لا لفالـك مـن عذابـك
ولا يذبحه يـا غيـر اختلاقـه
تعال ولا يهمك طـرق طرقـه
على طرق الطرق عندي لياقه
إذا بكـار المعانـي درهمنـي
تشوّف بـأوّل الحـرّات ناقـه
عليها وسم ابن عـدوان بيّـن
كثيري من بنـي لام العراقـه
أنا البارح غدابي مـا غدابـي
وصدري ضاق من زود اختناقه
مع التفكير والشاهـي زقـاره
إلين النور مـا بـان انبثاقـه
خذاني هاجسـي ويـاه جولـه
معاه العقل خارج عن نطاقـه
ماهي سكرت شراب أستغفر الله
شراب الوقـت مامنـه إفاقـه
على الله يا صواديـف الليالـي
أشيلك كان بي للشيـل طاقـه
عليك أصبر ولا أشكي للخلايق
وثوب الصبر مابـان انفتاقـه
خلقنـا للصبـر والمعضلاتـي
على الشدات مـا حنـا رقاقـه
وإلامني وقعـت بحيـن غفلـه
أسوي مـن وقوعـي انطلاقـه
خذيت من التجارب ما كفانـي
وعرفت أهل الحماقه والحماقـه
أعرف الناس وأتنقـى خويـي
ولا اتشرف بحـي الله صداقـه
|