الطيب بين النـاس يحتـاج تحليـل=والعلـم ثابـت والرجاجيـل قـدام
وانا علي اعطـي للامثـال تمثيـل=واقول لاصـارة مفاهيـم واعـلام
النور واضح مادخل فيـه تضليـل=نور العقول اللي لها الطيب مقـدام
نايف ولد من يركب الكنس الحيـل=اللي على العيرات بالشرق والشـام
حاز المفاخر مارضى يرقـد الليـل=من نار بن عروج في طيـب لـزام
والغزوة اللي تتعب الجيش والخيـل=محدٍ غزاها غيـر مقـدم بنـي لام
وابن الكثيري من سيوفٍ مصاقيـل=من راس عودٍ من صعاصيع ضرغام
ودارة ودارة واليـالـي مقـابـيـل=تظهر علوم الناس عـامٍ بثـر عـام
ونايف برز مثل الجبل بالرجاجيـل=احيا مئاثر كـادت اتـروح احـلام
ابومحمـد مـن صقـورٍ مداهيـل=يكفخ بجنحان السعـد فوقنـا حـام
راس الطناخه من زحولٍ حلاحيـل=مطنوخ والمطنوخ في صدره اوسام
وخوالـه العتبـان ذباحـت الحيـل=وعمامه العروج ياطيـب الاعمـام
ياطى على الصعبات مايشكي الميل=ويدخل على الغبات لوكانـت الغـام
من نجد من نبع الرجـال المشاكيـل=اللي نهـار اللازمـه درع وحـزام
قـدام وجهـه يفتحـن المقافـيـل=من طيب قلبه يرتكز سـاق وعظـام
يطول عمر اللي عطى البن والهيـل=قيمه ومعنى ماحصـل فيـه مثـلام
سمر الـدوب ومكثـرات البهاذيـل=ماوقفن معشوق مـن حطـة الثـام
ولوغاب نجم الجدي مانفقـد سهيـل=كلٍ يشوف النجم في لليل الاظـلام
شيخٍ لك الصعبـات كلـه تساهيـل=تعتز من عـزك صناديـد وحشـام