قراءت هذه الابيات في احد المنتديات وشدني هذا البيت
يامشرفين ِ ِ في مواقع بني لام
..........تكفون بالله وصلولي رسالـه
فنقلت هذه القصيده للمنتدىولعلي اوفيت مطلب الهاجري في نقلها
قال الذي من كثر الافكار مانـام
............كثرت هواجيسـه وزاد انشغالـه
تضارب أفكاره جنوبِ ِ وبـالشام
..............على سنا ناره وحيدن لحـاله
مـاله جـدا غير التواجد والأحـلام
...........وفنـجال بن ِ ِ ضابـطه في دلالـه
هذي سنـه وهو يتصبـر من الـعام
...........نومـه وزاده لو ضحـك ما هنـاله
راحـت سنينه في مواعيد واوهام
.............ماراق له جو ِ ِ ولا انساح باله
يالله ياللي للمخاليق علام
.................أنك تفرج كربتي بـسهاله
وقال المثل لاصار ماعندك حزام
.............أحذر تحيزم في ردي الثعاله
عليك في اللي للصعبيات جزام
..........اللي يظلل من لجا في ظلاله
واليوم آبنصا اللي يفكك إاليا قــــام
......هو مسند اللي من زمانه لجاله
يامشرفين ِ ِ في مواقع بني لام
..........تكفون بالله وصلولي رسالـه
رسالتن من زيد تنصا الضرغام
...........شيخ ِ ِ بوقت اللازمة ينعناله
ماتنفع الشكوى اليا صرت منضام
..........إلا على شيخن يفكك بماله
نايف عوين اللي تحــــــدته الأيام
...........عكر مزاجه والزمن ماصفاله
شيخِ ِ بـكسب المجد حصله وسام
...........يعرف بطيبه بالجنوب وشماله
ابن مدرهم كاسب الطيب مقدام
...........ربعه وتفخر لابته في مجاله
حطم بطيبه بالعطا كل الارقام
...........جعله فداه اللي يحسب رياله
صيته تسولفبه قبايل وحكام
...........وفي نجد صيته سولفتبه ارجاله
وبالشرق ثابت مثل تثبيت الأبهام
...........ومنصن وعونِ ِ للضعيف إن شكاله
منصا الرجال ومسند لأم الايتام
...........يبا رجاها عند رب الجلاله
علام ماتخفى الضماير والارحام
...........الواحد اللي ماخسر من شكاله
وخواله اللي لو كتبنا بـ الاقلام
...........عن مجدهم نعجز نوفي مقاله
عتيبه الهيلا هل الصيت مانام
...........عدوهم مايهتني في حلاله
وارجع واكرر ماكتبته من اشمام
...........بيت ِ ِ يوضح ما أحتوته الرساله
ماتنفع الشكوى اليا صرت منضام
...........إلا على شيخن يفكك ابماله
ودخيل ابوك اللي توفى هالأيام
...........راع الشجاعه والكرم والجماله
أنك تحقق رغبتي يا ابن الكرام
...........وعوايدك من لاذ بك طاب فاله
: الشاعر زيد الهاجري