الشاعر سلطان بن مبارك الادغم السبيعي عاش في مواطن قومه من قبيلته مابين رماح الي الصمان
وكان من شانه أنه ورد علي بئر ماء فوجد عليه أناس يسقون فطلب من إمراة كانت قريبة من الماء أن تعطيه ماء ليشرب فناولته الماء ولم يكن صافي كما ينبغي عند الشرب فأبدى لها ذلك .

فقالت المرأة : شايب ونفسك عيافه...!!
ولم تعجبه كلمت (شايب)
فرد عليها بقوله :
يا بنت والله مابهرجك خمالي
.... وانحاس بالي يوم طريتي الشيب
والشيب هو قبله وجيه الرجال
....فحول الرجال اللي تسمو علي الطيب
كم أشمط لأهاب بعض العيال
....يرد علي حوض المنـايا ليـاهيب
وخطو الغليم لو بوجهه جمال
....يجبيك دعبول هــروجه دباديب
يابنت ياللي مثل وصف الغزال
....يا أم الجعود اللي تنــثر علي الجيب
انت من اللي يبعــدون المفــالي
.... شقح البكار اللي زهــن بالدباديب
والا من عــوس الغنم والــطفال
.... صفر العيــون اللي يفرسهن الذيب
فلما سمعت ذلك منه تأســفت علي مابدرمنها واعتـذرت إليه

منقول.....

_________________________________
وياسعد والله فلا اسلى هواها لاحرام
لو يلوح الشيب في لحيتي وقرونها
لا شرت ثوب الفرح تشتري لي باع خام""يدفنوني ليلة العرس ويزفونها