وشانت ضروفك والدهر به جنوفي = وتلمس لفزعات من يدرك العون
عليك باللي باللزوم معروفي = كنه معك في لازم الوقت مرهون
انا هواجيسي تجيني صفوفي = مثل الجراد المنتشر باوسط الكون
قعدت اقلب دفتري في كفوفي = وازهم بقولت يالمطاليق تكفون
واقول ليت سعود عندي يشوفي = حيثه من اللي بالمهمات يافون
من راس عود ٍ لاهرج هرج يوفي = بشهود ناس ٍ يم بيته يمرون
يالمظهري حنا لشخصك ضيوفي = والضيف له عند المعازيب قانون
يابو محمد ياربيع الضعوفي = يريف من جو لك على الرجل يمشون
الاحمدي لاصار بالوقت خوفي = يمشي على الصعبات مايتبع الهون
عطنى الخبر ياشوق زين الوصوفي = ابيك تفزع لي وانا منك ممنون
ياسعود علمك طيب ٍ ومعروفي = عريب ساس ومن رجال ٍ يسدون
حملي ثقيل ولاتشيله كتوفي = ونباح سدي والعرب مايعذرون
صدقاننا وقت الرخا بالالوفي = وعند الوازم بالاصابع يعدون
عبيد العثالي