بسم الله الرحمن الرحيم
كنت طفشان وقاعد ادور في صفحة العم قوقل أي شي عن قبيلة بني لام وكتبت في محرك البحث (فرسان قبيلة بني لام) وكنت أبشوف تفاعل المنتديات الثانيه مع فرسان قبيلتنا .. الصراحه كنت متوقع ألقى نتائج بحث كثيره عن هالموضوع وخصوصاً في مواقع القبائل الاخرى ولكن المفاجأه اني شفت اول موضوع عطاني اياه قوقل بعنوان (قبائل عرب قبل الاسلام : بنو لام) وكانت المفاجأه اني لقيتها في موقع اسمه بيت القدس ... يمكن بعضكم يقول وين المفاجأه فيه او وش الغريب ... الصراحه الغريب في الموضوع انه كل ماسألني واحد وقالي (وش اصلك؟ او وش ترجع) اقوله كثيري .. يقولي يعني وشو كثيري؟؟ واقعد أفصله ان الكثران من بني لام من طي واننا وقبيلة شمر نلتقي في طي يعني عيال عم ... بعضهم يفهمون وبعضهم بكل وقاحه يقولي ( يعني انت حضري؟) والله يا اخوان اني ماقد قابلت واحد وقلت له اني كثيري وعرف القبيله علطول لازم يقعد يسأل يعني وشو كثيري ... ارجع للغريب في الموضوع وهو كيف اخونا الفلسطيني كاتب الموضوع عن قبيلتنا يعرف معلومات عنها ومع الأسف ان كثير من السعوديين ( اللي عليهم الشرهه) مايدري وشلون يعني بني لام؟؟ ... انا بعرف شي واحد بس ... سبب عدم شهرة القبيله هل هو خطأ مننا؟؟ اوخطأ من الناس؟
اتمنى اني اكون وفقت في طرح الموضوع ... وان كان من خطأ فمن نفسي والشيطان.
هذا رابط موضوع اخونا الفلسطيني سجل لمشاهدة الروابط