قصيدة ألقاها الشاعر / عبد اللطيف آل علي الفضلي
الحبر خاطبني من اجواف الاقـلام
يقول تكفا اكتـب قصيـده جديـده
يقول تكفا اذكر مفاخـر بنـي لام
اللي لهم بالمجـد صفحـه مجيـده
اللي احكموا شبه الجزيره مع الشام
أهل المراجـل والجمـوع المديـده
أوديد حاكمهم ومـن عقـب لـزام
اللي لهـم كـل الخلايـق شهيـده
حكم الأماجـد دام أربعميـة عـام
أربعميـة مـا بـه قبأيـل نديـده
مامثلهم في باسهـم نعـم الاقـوام
أقوى الفوارس في لقاهـم رعيـده
فضلي عزيز النفس للضـد لطـام
وكثيـر ومغيـره ليـوثٍ شديـده
عدوهـم لامـا تهـنـا ولا نــام
يعيش عمـره فـي حيـاةٍ نكيـده
صغيرهم في بيعة العمر ضرغـام
أرواحهـم يـوم الملاقـا زهيـده
أهل الكرم والمرجلة مثل الاعـلام
واهل المواقف والعقـول الرشيـده
يقولهـا عبداللطيـف الـذي شـام
يقـول دايـم للعـلـوم الأكـيـده
من آل عليٍ بالشعر صابـه الهـام
يرسم قوافـي بالمعانـي الفريـده
أهلي هل الطولات لي درع وحزام
سبحـان خالقهـم بصفـوة عبيـده
بامراح عاشوا في وسط خير وانعام
في ظل ابو متعب معيشـة رغيـده
هذي مفاخرنا على طـول الايـام
مفاخـر الأجــواد لام العتـيـده
يـارب تجعلهـم معـزة للاسـلام
وماضي زمنهم يـا إلهـي تعيـده