عرض مشاركة واحدة
قديم 28-10-2008, 01:40 AM   #1
عضو لامـــــي مميز
 

الصورة الرمزية المظهري اللامي
 

تاريخ التسجيل: Nov 2007
المشاركات: 1,712
آخـر مواضيعي
 

سؤال قصيدة الشيخ والفارس (( فراج أبن ريفه القرقاح )) يالله وأنا طالبك حمـرا هـوا بالـي

قال ابن ريفه بدا في المرقب العالـي
بأعلا المراقيب تومـي بـه هبايبهـا
مايدهله كود صافي الريش والوالـي
والا الولع يوم يفنك فـي عجايبهـا
هيضني الرجم وانا مـن اولٍ سالـي
لهم على القلب ديران شطيـت بهـا
يامرقبٍ جاك مـن الأمطـار همالـي
إنصوب صيف من المنشا يهل بهـا
لهم عليه أشـدوق الثفـن لاسالـي
وعطفة طريب ليـا زافـت جوانبهـا
لما غدا الفيـض كنـه زرع عمالـي
سيله مـن القـدم للبطنـان ناهبهـا
كم مرةٍ قـد نزلنـا عشبـه المالـي
ببيوت لامن وزا المجرم يلـوذ بهـا
نبنـي بيـوت بعـراف وجهـالـي
وأن جاء النذر من حفيف مانرث هبها
بعوال مفلـح وهـم حمايـة التالـي
بمصقـلات عطيـبـات ضرايبـهـا
صبيان قومٍ تحـل المنجـم الخالـي
كسابـة المـدح حمايـة ركايبـهـا
ربعي عبيدة وأنا من حربهـم جالـي
هل صبحه في الضحى تشعى كسايبها
وأنشد عبيدة هل الطالات من حالـي
وأنشد الاجانيب يـوم إنـا نقاربهـا
من هو يقلط على فـرش وفنجالـي
سعد أبـن عمـه لياجاتـه مكاربهـا
لمـا غـدا بيـن نقـاض وفتـالـي
وصفوا ألاجانيـب وأذتـه بطلايبهـا
عديتهم ثم نسفت ابهم على الجالـي
نسف الدلي للمعدي صـوب جاذبهـا
فأن كان ربعي نسوني ماني بغالـي
بأعيش فـي ديـرةٍ قفـرٍ جوانبهـا
عسى هل الشين مايبقى لهـم تالـي
وأهل سلوك الـردى يـارب تذهبهـا
واللـي رفيـع وللشطـات حمالـي
أرفع نواصيـه يـا ربـي وقطبهـا
أنا من الخبرة اللي شورهـم عالـي
واما هل البخـل بأمـر الله نجنبهـا
ياراكبٍ من على اللي مشيها إرمالـي
مامونـةٍ يرفـع الهـلان غاربـهـا
تزهى السفايف وتزهى الخرج وحبالي
ومجرب لا سرا في الليـل صالبهـا
حي الطويله وحي اللي شراهـا لـي
من واحد جابهـا للسـوق جالبهـا
شريتها في الدهر يوم ارخص الغالي
بميه وعشرين مـا يمهـل بغايبهـا
حديدهـا وأذكـر الله كنـه ريـالـي
كن الحيايا تطـوى فـي مقاضبهـا
بنـة غراهـا زبـادٍ عنـد دلالــي
والا طموح هواء الغربـي يلاعبهـا
لي بندق ماصنعها الصانـع التالـي
من دقـة المـرك نحـالٍ خشايبهـا
عطوا الطويله عريب الجد والخالـي
وابن الردي لا تخلونـه يـزول بهـا
بيدي قـرارٍ تكـف الجمـع لأنهالـي
طويلـةٍ ناحـلٍ مقـدم خشايبـهـا
أضرب بها الوعل لامنـه تهيـا لـي
أبوحنيـة كبيـر الـراس شايبـهـا
لا ثـار بارودهـا الا العـود متالـي
منهـا الريـاي ا مقطعـةٍ نشايبهـا
ضربت عشرٍ بهـا والفـى مامالـي
والحاديـه روحـت تثلـغ مضاربـا
آقف مع لابتي وأمنـع بهـا التالـي
لاهاب ولد الـردي ماعـاد يزهبهـا
اليا لفونـا مـن المقنـاص زعالـي
أحدٍ مـدح بندقـه وأحـد يعذربهـا
بشرتهم بالعشاء من عقـب مقيالـي
والقايدة من مـرد الكـوع ضاربهـا
واسرح بها في السحر مانيب كسالي
وكم جملـةٍ فرقـت منهـا ربايبهـا
يالله وأنا طالبك حمـرا هـوا بالـي
حمرا من الجيـش طفـاح جنايبهـا
لاروح الجيش حادية اشهب اللالـي
لاهي تروح وسيـع صـدر راكبهـا
اللي على كورهـا واللـي بالحبالـي
واللي على عيزهـا واللـي بغاربهـا
لاروحت مع تخاتيخ الخـلا الخالـي
كن الذيابـة تنهـش مـن جوانبهـا
وأستغفـر الله وحـده فوقنـا عالـي
وحطيت فـي حفـرة رزوا نصايبهـا
المظهري اللامي غير متواجد حالياً