اسمحلي اقولك يالظلماوي انت سويت نفس ماسوى بوش مع فارق التكريم لك طبعا
لانك بكلامك هذا كانك تقول اذا مشعل مو مع ابن لادن يعني مع بوش (ان لم تكن معي فانت ضدي ) مع اني قلت لك انا ضد بووش وضد ابن لادن .
ادري امريكا تبي راس العرب والمسلمين ويدورن الحجة علينا .. لكن منو عطاهم الحجة والذريعة هذا اللي لازم نلومه خاصة اذا كان واحد منا (ابن لادن) اما عدوك فلايمكن انك تلومه لانه يبي يقضي عليك لانه معروف عدو ومتوقع منه السوء وامريكا عدو قديم مو اليوم صاروا اعداء.
وانت تقولي بما ان بوش الكافر ضد ابن لادن المسلم فلازم اوقف مع ابن لادن لان اللي ضده كافر ... فهل هذا الكلام ينطبق على صدام ؟؟ وكان لازم اوقف معاه لان امريكا ضده؟؟؟ يعني هل اقول الله ينصر صدام او الله يهديه؟؟ ودي القى اجابة !!
انا استشهدت بابن باز وانت تشتهد بال الشيخ .. هل افهم منك ان فتوى ابن باز مو مقنعة لك؟؟ ثم ان ال الشيخ مايكفر العين .. يعني لو سالته حاكم البلد الفلاني كافر ولا مسلم . ماراح يكفره .. مع اني افهم من كلامك انك مفتنع بان حكامنا كفار ... مع انهم يوحدون الله .
الامر الاخر نعم من لايحكم بشرع الله فهو كافر لكن هل قرات التفاصيل اللي ذكرها العلماء في هذا الموضوع وابرزهم ابن باز ؟؟ هناك ثلاث حالات في هذا المجال وفيه تفصيل يعني مو كل واحد لايحكم بشرع الله فهو كافر على الاطلاق.. واحدى هذه الحالات لاتيكفر فيها من لايحكم بشرع الله ياعزيزي .. هذا كلام علماء مو مشايخ ولا كلامي.
للحين ماجاوبتني ماهي الفوائد التي عادت على الاسلام والمسلمين من افعال ابن لادن ؟؟ سجل لمشاهدة الصور
اضف اليهم هل تكفر حكام الخليج والعرب ؟؟
ايضا هل كان يجب علينا الوقوف مع صدام ضد امريكا وهل كان موقف الاردن والسودان بالوقوف مع صدام خطأ ام صح؟
ايضا وايضا سجل لمشاهدة الصور موقف القذافي نفس موقف ابن لادن هو يرى ان غزو الكويت جريمة ولكن يجب ان تحرر بجيوش عربية واسلامية ... فهل هذا الكلام يقنعك؟؟؟ مع ان مافيه شي بالاسلام يمنع من الاستعانة بالكفار سجل لمشاهدة الصور
تحياتي
|