الحمازى ترسل أزهارٍ وطيف = للمظاهر بالتّهاني والسّلام
تشكر اللي من جمعنا في عفيف = في لقى الكثران ضيّان الظلام
ما بدا منكم قصورٍ لو خفيف = حاشمين الضيف وافين التّمام
الجهود اللي بذلتوها تضيف = للقى روعه وصوره واهتمام
شوف عين الكل لا نقدٍ وحيف = الميزيّه بالتفاعل والنظام
يا قروم اللام رايتكم رفيف = ترجمتها ضيفنا فوق الغمام
من نزل في داركم يلقى المضيف = ما نساها لو بعد ستين عام
الكبار اللي مع الشاكي نصيف = يرتدي ثوب النصر بعد انهزام
الرجال اللي مع الطّوله وقيف = ما وقف قدامهم صعب المرام
ياالمظاهر يا دوى الأمر الرهيف = يا الدواهي في حلاحيل العظام
من حمولتنا تحيّه وقت صيف = والشتا ترسل تراحيب وسلام

شعر
أبو فيصل الحميزي