فى قصايد اعرفها قديمه ترددها العجوز بالبيت وبصراحه مانى عارف مصداقيتها او كمالتها
ولما شفت العجاجى وابن دعاس والحيص قلت ليش ما يتفاعلون معانا ويجيبون
قصايد شيبانهم لنا مثل :
القصيده الاولى للدعاس
امس الضحى شد ابن دعاس مذكور بالخير يامحمد
يالقرم يامحرق المحماس يوم الردى ما قده سمد
====================
والقصيده الثانيه
للجريد
ياعزيزه غدى قلبى حنيه
ياليت تفيدونا بهالقصيده
والجريد من المشهورين بقصايد المدح
واعتقد فى لهم كنايه اللى هى حباب خاطره
ياليت نعرف سر هالتسميه
=================
عايلة الحيص
سبيت الحيص
عجعج الصيف والمقطان قرب
كلن يبكى على ملااما عشيره
واعشيرى مع البدوان غرب
كاسب الشرط منى يابشيره
والضرايب على زين المطب
افيدونا بالباقى الله يجزكم خير
والمناسبه والقصه
=================
يم حربى الحيص عدينا الركايب
شوق ملهوف الحشا رادع شفيه
دايمن نجره ينادى بالجذايب
يعجب اللى راكبن كور المطيه
ربعى الكثران عطبين الضرايب
واترك اللى مابهم طيب وحميه
واترك العوجان واترك كل خايب
افيدونا بالباقى
================
العايله الثالثه
العجاجى
لا واحلالاة ياضاحى
عريفنا دامح الزله
عساه طيب ومتعافى
والرزق كله حواليه
واليوم عن زامنا راحى
يالله بدربه تسهله
افيدونا بالباقى والمناسبه لان القصيده ناقصه
<<< قاعد يعصر مخ العجوز عصار
====================
ابو جابر العجاجى
يوم جيت السوق والرجل معيوقه
ليت على حاضرن باللى جرالى
ياليت نعرف الباقى والمناسبه
==============
وسلامتكم
وارجو التوضيح