احسن خبر جاني تلقيته اليوم =يوم الثلوث العصر ليلت ربوعي
جانا البشير وقال من مرقدك قوم= إقرا الجزيره وإنتبه لا توعي
تلقا على صفحاتها حروف وإرقوم= إسمن يسر يالشجاع البتوعي
ثم قمت من نومي وجوي به غيوم =علي قد جار الزمان القطوعي
في ماقعن ضيق وانا فيه مظلوم= اخذت فيه إسنين ماهوب بطوعي
وفزيت فزت حر من راس مزموم=حر(ن)لشاف الحباري يفوعي
وقريت صفحات الجزيره عن اللوم=ولقيت فيه اللي يولع شموعي
عقب القهر تبدل الضيم معلوم= زاد إنشراح القلب بين الضلوعي
من إسمن لابو حماد مكتوب مرسوم= من حين شفته سابقتني دموعي
وكتبتله شعري ولخوي ملزوم = اقوله مبروك هاك الاسبوعي
مبروك ثم مبروك ياحامي القوم=ياللي نجاحك غاض بعض الربوعي