السلام عليكم

اشوف اكثرت الدعوات بين الأعضاء للم شمل القبيلة واجتماع افرادها واسمحوا اقول رايي بهالموضوع

هذا نعم الراي وترى السالفة ماتبي شي لاتطولونها وهي ماتحتاج ودقوا الحديد وهو حامي وخير البر عاجله يا اخواني

كنتم تقولون تو الناس و المنتدى ببدايته وأنا أشوف هذا المنتدى ماشاء قام وكل يوم عن يوم يزدهر ويزيدون الاعضاء

اسمحوا لي اقترح عليكم تشكيل لجنة منكم لاتقل عن عشر رياجيل

تزور دواوين الجماعة وتبلغهم انكم حددتوا موعد ومكان لاجتماع او لقاء

اولي لاحظوا ( أولي ) يلم شمل الكثران بالكويت والسعودية

يكون مجرد لقاء تعارف ودي اجتماعي

بدون برنامج ولاكلام عن شيخة وشيوخ ولا مساعدات ولا هم يحزنون

أحاديث ودية وضيافة وتوثيق لأواصر القرابة فقط

وينتهي باتفاق ان هذا الاجتماع يصير كل سنة مرة بالكويت ومرة بالسعودية

هذا الاجتماع ضروري ياجماعة الخير لازم يتم باسرع وقت

ليش تماطلون ؟اشتنطرون ؟ توكلوا على الله اعملوه بالعدد اللي يصير ومع السنين راح يزيد العدد وينضمون كثران أكثر وأكثر

المهم ابدأوا بالخطوة الأولى وهي تحديد المكان والزمان من الآن

بالاتفاق بين أعضاء المنتدى الفعالين من البلدين

ثم الذهاب للدواوين والاعلان عن اللقاء بالوقت والمكان المحدد

ثم عمل اللقاء وافتحوا مجال لنا حنا يالكثران اللي راغبين بالمساهمة اننا نساهم باللي نقدر عليه عشان المصاريف

اسمحوا لي لاتعتبرون هذا تدخل بأموركم هدفي مصلحة القبيلة

ياليت أسمع ردود الجميع من الاعضاء العاديين يشجعون الاقتراح

وياليت أسمع راي الادارة في الاقتراح ...يعني ممكن يطبقونه ؟

والسلام عليكم