ياسلام عليك يابو سعد
مبدع مبدع مبدع
اثبت ولا تسلم عزومك الى ياس ..... يابن العمومة ولاتهدك وساويس
ياهوه وقف لايحطمك هوجاس .... واطلق لسانك مايجي منه تمقيس
حنا بني عمك عريبين بالساس .... نلعن ابو جد من نوانا بتدليس
مقطوع منا عرج حيدر وعباس .... متجذرة فينا العروبة بتاسيس
ثوب المراجل فيه طهر وادناس .... وحنا الطهارة ..مابنا أي تدنيس
حنا نزلزل باطل ونقطع الراس .... ولساننا بالحق ماله محابيس
حنا نروم الوقت خير ونوماس .... حنا هل الطولات فيس الى فيس
ميداننا ماللردى في دواس .... ميداننا حاطته كثر النواميس
وتعصى مراكبنا على فعل الانجاس .... مثل المساجد مايلفيها ابليس
ما للشجاعة عندنا حد ومقياس .... نقدم ولانلهى بحسبات وتسييس
راياتنا تشهد لها ساير الناس .... بيرقنا عمره ماعرف فينا تنكيس
فعلا مثل ماقيل العرج دساس .... حتى الردي فينا على خير تاسيس
ارقد وحنا اتشوفنا وقوف حراس .... ازهلها نردع في منامك كوابيس
واصحى ولاتحمل همومك مع الناس .... بنطهر المجلس من كل الدبابيس
راسي مثل راسك طناخة وقو باس .... افهمك وتفهم فيني كل الاحاسيس
لاصار حبك داخلك يلفظ انفاس .... اكتب وصية لايخون الكواليس
ولاتحتري منهو عشقته بوسواس .... ولاتكتب الدمعة عليه بقراطيس
نفسك عزاها اتشوفه في كل مجلاس .... ولا تشوفه صاير احلا المعاريس
الحب ماهو صافي لكل الاجناس.... والوقت حكمه مايميز قرانيس
يارب دربي جنبه كل هوجاس .... وابعد شياطينه مهل والوساويس
صح السانك يابو سعد وعلا شانك قصيده جزله من راس جزل وكل بيت فيها اروع من الثانى...
|