البارحة ونيت من ضيق بالي = وين المطير وين يا ربي أروح
ما من يونسني بحضرة مجالي = الا يزود إجروح ومشاهد إنبوح
والا يقول إفلان بفلان قالي = جليس سوء ما يجي منه مصلوح
تنقا العنابر مغبرات الليالي = وتبقي أرسوم اجسوم بوصاف ذرنوح
ويلاه وين المستحين الرجالي = اللى فنا واللى من االفقر مطروح
عيني وقلبي بينهن الجدالي = كثر النزاع وقال للحق ما روح
القلب قال العين سبة ظلالي = احصل النيه على غير مصلوح
والعين قالت منك خبث الفعالي = يسول الشيطان لك وانت مشفوح
لشك يوم اذكر خطات الغزالي = والردف كالحزفين والبطن كاللوح
سرجوف كنه من شواياه خالي = ماغير ما تقفي وتقبل به الروح
ريقه حلا من درب عرب متالي = مستأنس راعيه بالقيض ممنوح