|
طلب للكثران
يعجز اللسان عن وصف الشعور وتعجز الكلمات عن تسطير حروفها وتعجز الافكار عن ترتيب مضمونها اخوانى واخواتى بنى عمى ولا بتى وعزوتى وسنايدى كما تعرفون ان المنتدى منتدى الكثران ولا فيه اى منه الاى شخص على بنى عمه بتأسيس الموقع.. وبصراحه ماكنت متوقع الاقبال على المنتدى وشى يشرح الصدر لما اشوف بنى عمى مجتمعين ..القريب منهم والبعيد لما اشوف شخص من بلده بعيده يدخل المنتدى الان المنتدى يحمل اسمه ويدخله وهو رافع راسه وكله فخر ان كثيرى من بنى لام ويتكلم براحته ويفتخر بناسه وجماعته واخوانه الاهداف واضحه واهمها جهل ابناء القبيله بتاريخ قبيلتهم والتعارف والتواصل وطرح مواضيع مهمه تهم كل كثيرى . والموقع له اهداف ساميه ورح نتكلم عن كل شى يخص القبيله بس عندى طلب يالكثران.. ..الحاضر يبلغ الغايب.. يعنى الله لا يهينكم نبى اعضاء اكثر نبى اهتمام اكثر وانتو ماقصرتو ورايتكم بيضه ويكفى من بعض الاخوان تسجيلهم .. بس نبى اهتمام وتبليغ الناس اللى ماتدرى.. بالمسجات وغيرها .. نبى مكان يجمعنا نبى نصير مثل غيرنا ولاهم اطيب منا.... اكيد ان فيه ناس تدخل منتديات لقبايل ثانيه ويشوفون الحماس والحميه وودهم ان بنى عمهم مثلهم.. حنا صحيح اننا تفرقنا وفرقنا الزمن بس قلوبنا ماتفرقت والدليل الجمعه اللى انتو الحين تشوفونها.. الحمد لله خلال اربع ايام تم تسجيل 80يوزر والله رقم قياسى بالنسبه للقبايل الثانيه.. هذا يدل ان قلوبنا مع بعض ومحتاجين نعرف بعض اكثر فى تعطش للجمعه ولمعرفه تاريخ القبيله وموروثها.. بالنهايه يا اخوان ويا اخوات.. الموقع موقعكم ويمثل كل كثيرى ومانستغنى عن اقتراحاتكم وافكاركم وتقبلوو منى جزيل الشكر اخوكم ابو خالد |
ألف شكر يا بوخالد كلمات للأمانه تبـث .. روح الحماس والتفائل والرغبـة في التواصـل .. والتقارب والتعارف بين أبناء العمومه ألف شكر يابو خالد لك ومليوووون شكر لكل من ساهم بإنجاح المنتدى والمشاركة ولو بحروف قليلة تحياتي لكم يالكثران ونبــــــي الهمـــــه تحياتي لكم .. |
تسلــــــم
(يابو نـــــــــور) انت ماقصرت وتحملت امور كثيره انا اطلق عليك ( الجندى المجهول) وعسى الله لا يحرمنا منك ومن الشباب اللى ماقصرو بتأسيس الموقع وبالمشاركات حنا كلنا همنا واحد وهدفنا واحد وسلام |
لاهنت وبنجتهد وبنبلغ كل مانقدر عليه
ونحاول انجمعهم هنا لاهنتو |
همتكم ياشباب الكثراان
على قوله الاولين (اظهورهن يالنشاماااااااااااااااااا) |
سوو اعلاان بمنتديات طيء وراح تشوفون الاقبال علىآ اصوولهـ..
ولاهنت يالكثير تحياتي . |
اقتباس:
مصلحتنا القبيله انا اشوف ان بالوقت الحالى صعب الاعلان الانه رح يدخلون ناس كثير من قبايل ثانيه وحنا للحين مارتبنا نفسنا رح يدش علينا كل من هب ودب ورح يربكنا ويخربط افكارنا حنا لحين ولا قصور بالشباب الموجودين مانقيناهم واقصد بالنقوه بكل منتدى قبلى تلقى فيه كتاب متخصصين غير الشباب المشاركين هذا اللى ابى اوصله ابى شباب متخصيصين وكتاب نشطين ومتواجدين على طول او وقت الحاجه الاننا ياطويل العمر رح نواجه كلام وهجوم ونقد حالنا حال اى موقع قبلى حنا لازم بالاول نستعد ونكون قاعده تفيد ابناء القبيله بكتاباتها وبنفس الوقت اقلام قويه تقدر ترد على اى شخص يناقش بالامور القبيله من خارج القبيله اتمنا تكون وجه نظرى اوضحت |
انا سبق وقلت حنا معاكم قلبا وقالبا
وبرسم الخدمه .. ومستعدين نشارك في تأسيس المنتدى اما بالجهد او بالمال ... وكلامك يابوخالد عين العقل ... المفروض مانعلن عن وجود هالمنتدى الا بعد مانوقف على اساس صلب وبعد مانسيطر على كافة الاقسام وبعد مايتم التفاهم بيننا .. اهني نكون مستعدين لأي زائر او ضيف لاينتمي لقبيلتنا .. وبالتوفيق ....... .......... |
لاهنت يا الكثير على كلماتك التى اثلجت صدورنا
نحن معك فى رفع اسم الكثران بيض الله وجهك وترانا نعين ونعاون أختك حروف القصيد |
اقتباس:
كلامج عين العقل وماتقصرين يالكثيريه وجعلج ذخر ومانبى الا تشجيعج للشباب الشباب فيهم البركه ورجال ومايخيبون الضن وحنا مانبى الا رايكم واقتراحاتكم الباقى خلوه للشباب |
| الساعة الآن 07:18 PM بتوقيت مكة المكرمة |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
