للوصل يبرق لي أمل صحا لي اسبات الغرام =من بعد خطه ماوصل وأرسل لنا حمامته ..
توه درى بأن الندم بالعشق دمعه وإنقسام =وإن إبتعاده لو كبر ،، تكبر معه ندامته ..
طيير هوانا للشقا .. وأجواء عذالي عسام=وعلى مدرج مانوى بالعشق ،، تهبط هامته ..
ليت الحصان اللي ركض للموت في حرب الملام =ماعاش صدماته عقب فعل" يشرف قامته ..
بأيام وسنين الوغا ضربت في حد الحسام=أذبح قلوب" لامته وأدحر نفوس" لامته ..
يدفا على نار حطبي وأحميه من برد الكلام=وأرتاح لامنه غفا << رغم الرياح الشامته ..
يشرب فرح من دمعتي ويعيش لذات المرام =وروحي ضمت في يومها واليوم الآخر صامته ..
كم بعت راحة مرقدي لجله وخاويت الظلام =وشريت بأسبابه سهر والنوم عيني سامته ..
معنى الحياة بنظرته ضحكه ولعبه وإنسجام =وأكثر سؤال يفرحه من وين شاري خامته ؟؟
كان يتوسد لعبته وينام في ريش النعام =وتمسي دقايق موعدي أرشيف في رزنامته ..
شفته ركب يخت الكبر وأبحر وخالف للنظام=حتى وصل دار الجفا والظلم عيني نامته ..
عاش بحياته مغترب وإحتار من كثر الزحام =((والحين جابه مالقى ) ماجابته شهامته ..
ماقصدي غربة ناظري تلويح رغبه وإنتقام =وما أقول يوم إنه رجع يقسى على كرامته ..
ولاردني كود الغلا والعطف وأطباع الكرام=وسيل" على خده نزل وأسقى ضواحي شامته ..
يامرحبابه عد شعري ماصحا فيني ونام=وعد القصيد اللي سرى .. وأمرح على وسامته ..
رحبت به مثل الفرح مثل الأمل مثل السلام =في شعب حربه طولت وده على سلامته ..
لو ماصحا من غفوته وإلا على الدنيا السلام=والله ليقعد بالندم وتقوم فيه قيامته ..
عادت حمامة وصلنا للشوق وأعشاش الهيام =وإستعذبت هديلها ذيك الجروح الصامته ..
دام الهوا عندي رجل ملزوم أخصه بإحترام =مانتركه لأنه // وسم بقلوبنا علامته ..
الطيب يبقى مافنا والطعن بالميت حرام =وإن قال معروفي سلف }} قولوا نبي سلامته ]

المشاركة الأصلية كتبت بواسطة نبهانيه (المشاركة 11734) تامرون امر انسق ليش ماانسق ...قصيده تستاهل وان شاءالله يعجبكم التنسيق ... وتقبلوا مروري ...وتنسيقي.... نبهانيه.. ***** *** * مرت من هنااااا

المشاركة الأصلية كتبت بواسطة المظهري اللامي (المشاركة 11809) صح الله إلسانك