امانه مع الجميع بالسعوديه والكويت ......
 

ياإخوان سواء من السعوديه او الكويت


اللي يمر بهم الطريق على عفيف تراكم غير مسموحين إذا مريتو وتعديتم ابناء عمكم في هذه المدينه وهم كثر ولله الفضل ولم تزوروهم ولم تتعرفوعليهم .. واراء الحج فرصه مناسبه


**هيا امانه معاكم الا تمرونا وتتعدونا وانتم لم ترونا ونراكم

ترا مافيها مخاسير ولا كلفه المقصد معرفتكم وشوفت الوجيه السفره
ودمتم بصحه وعافيه

وانا إخوكم الصغير من ال مظهر من البصيص من الشقيم ,, من سكان عفيف

إسال وتلقى من يدلك

والبيت واضح موقعه ومعروف (( اغلا زوار والله ))

والله يابو محمد انك اصيل ولد اصيل كثيرى اصلى...:)

بادره طيبه ...الله يجزاك خير..ولا قصور بالكثران اهل عفيف كلكم تسدون عن بعض..

مو غريب الطيب من اهل الطيب...

وطبعا مو معذورررر الى يمر عفيف ولايمركم يتشرف بشوفتكم ...





وهذا طبعكم وحنا ربعكم......

المظهري اللامي ...
والله شوفتكم تسعدنا , ونتمنى زيارتكم
واذكر اني برمضان قبل الماضي , رحت عمرة مع شباب بسيارة (( وانا اعرف ان في كثران بعفيف , لان احد اخواني كان مسافر مصر اظن بعد تحرير الكويت , وتعرف على كثيري هناك وقاله حنا من عفيف )) .
المهم لما مرينا بعفيف بعد صلاة العشاء ومشينا بشوارعها ,نسيت ربعي اللي معاي بالسيارة وصديت عنهم وقعدت اطالع السيارات اللي بالشارع والناس اللي يمشون , واحاول اميز الكثران , وكل ما اشوف رجال يفز قلبي واقول بنفسي : كأنه هذا كثيري ؟
بس كان ودي بهذيك اللحظة اني اشوف كثيري واحد .........بس كثيري واحد .

تسلم يا أبو محمد

في العمرة الماضية تغدينا في عفيف

والعمرة التي قبلها أفطرنا في عفيف

العمرة القادمة إن شاء الله سيكون المبيت هناك



نشكرك على الدعوة الطيبة

كثر الله خيرك

كريم ولد كرام ولا هو غريب الطيب من اهله

الله لا يهينك وانت راعي الاوله ومو غريبه عليكم ياعيال عمنا اللي بالسعوديه

إن شاء الله المره القادمه غداك عندنا وهذا شرف لنا

ومبرك منها ولا ساعة