تحظر البعض بالكلام بشكل ماصخ !!
 

أخوي غدي الشر

هذي وانا أخوك لهجات تختلف من منطقة الى أخرى وشيء طبيعي ان تستنكر بعض اللهجات وخاصة إذا كان الشخص متعود على لهجته المحلية وسافر مثلاً الى الشمال او الى الجنوب سيجد اختلاف ولن تعجبه بعض الكلمات أو بعض الحروف ،، لكن الشخص المقابل الذي يتحدث بلهجته لايدري انك تستنكرها كما أنك لاتدري أنه يستنكر بعض لهجتك
وهذا أمر عادي جداً

وخذ عندك مثال من موضوعك : أنت استنكرت من يستبدل حرف ( ج ) بحرف الياء مثل قولة مسيد ( مسجد ) و ( رياييل ) رجاجيل وننطقها نحن بمنطقة نجد ( رياجيل ) يعني استبدلنا حرف وتركنا حرف ،، وكل منطقة لها لهجة وهكذا
ولم تسنكر انك استبدلت حرف ال ( ك ) بحرف ( ج ) بقولك جبدي ( كبدي ) لأنك متعود عليها

إذن المسألة مسألة تعود على لهجة معينة حسب البيئة المحيطة ،،،


تقبل مرور أخوك

حلوه


اخوي المشير



حنا كل الكويتيين نقول جبدي بس موكلنا نقول ( ج ـ ي) .

علما بأن كثران الكويت كلهم من بيئه وحده وبنفس مستوى المعيشه

وبنفس المناطق السكنيه.

وتقريبا كلنا مرتبطين مع بعض من ناحيه النسب والجيره والرضاعه .

وعندنا مثلا العجمان ليلحين محتفضين بلهجتهم حتى الجهال ويفتخرون فيها .

كفيت ووفيت

حياك الله على المرور واظن اخوي الاصيل شرحه كان وافي وتسلم

شكر عالشرح الوافي وتسلم على المرور

ههههههههههههههههههههههه
دمغتين وغسل يغسل هالحلق والله كلامك سليم جدا واوفقك الراي والله يا شاعرنا انها تنمرس جبدي لا قريت ياي ومن هالكلام وحياك تؤوبرني

وسع صدرك غدى الشر ,,,,,
مثل ما قالوا الاخوان : (حسب البيئه)
في كثران معاشرين حضر , اوساكنين في مناطق حضرية , او تحضروا اصلا ,
واختلف مع اصيل في لهجة العجمان , لان بعضهم خاصة اللي في مناطق الحضر او اللي يشتغلون مع حضر تغيرت لهجتهم .
ويا جماعة كل قبيلة فيها حضر وبدو . وفيها نفس المشكله .
واذا زعلانين على لهجتنا , ليش ما نزعل على اللغه العربيه اللي هي لغه القران .ولغتنا السابقه .
وتقبل مروري...............وتحياتي