شخصيتك من مسلسلك الكرتوني المفضل
 

(توم وجيري)
أنت إنسان مهستر يعني بايعها وما تنتفع مع المغامرات والمطاردات ولك ماضي رصاصي فاتح مع المدرسين ايام الدراسه , تحب الحيّل والمقالب,مزحك ثقيـل تحب تنكتّ وتضحك على روحك وكل شي من حولك يضحكك .



(جورجي وسالي وليدي ليدي والربع كلهم)
أنت إنسان رقيق المشاعر ودلوع وتتمتع بحس مرهف إذا كنتي بنوتة فأنتي تحبين تحطين غرتك "غرة يعني جذي " على عيونك وتهفينها كل شوي وإذا كنت ولد فأنت تعاني من عقده نفسيه لإن أيام الطفوله كانوا دايما يخلونك تلعب دور (البنيّه) و أكثر مايتابع هالنوعيه هم البنوتات .


(غريندايزر و سانشيرووو والعمالقة واخوانهم)
انت إنسان واثق من نفسك وتحب تشتري العاب جديده وتلعب فيها قدام عيال الفريج وتستعرض وان كنتي بنوتة فانتي من النوع اللي تقصين شعرك بوي على طوووووول مع عيال الفريج تاخذين العلوج منهم .



(بومبو والسنافر والشناكل)
أنت إنسان رومنسي تحب الخيال من النوع اللي ممكن وانت جالس مع اهلك فجأه تجلس تسولف على عمرك وتلعب بأصابعك بحماس ويرتفع صوتك وتنسى العالم.



(ماروكووو)
أنت إنسان مطنّش أبو أمّ الدنيا هذي وعايش بـ جو خاص فيك .. إنسان شقي وقلق تحب تلعب لحالك.. ومتعب اهلك معاك.


(السيدة ملعقة وعقلة الاصبع)
أنت إنسان خيالي .. تحب تفلسف وتطول المشاوير وتسوي نفسك فاهم.. إنتبه لنفسك لانك ممكن مع الوقت تصير مثقف وتألف كتاب بأسم ( خريف البحر) وترى احتمااااااااال وارد انك تبقى وحيد... << ترى ها .. انا حذرتك مو تقول ما قلت ^^


(طمطوم)
أنت شخص طمووح وتبي تسوي عمرك بطل باللي هي به لدرجة ممكن انك تتبرى من اهلك علشان تقول انك ولد الملك... نصيحتي لك راجع نفسك ترى ما طار طير وارتفع الا مثل ما طار طب وكسر رقبته



(لولو الصغيرة)
أنت إنسان بسيط وقلبك طيب جداااااا لدرجة تخولك إنك تتخلى عن 300 فلس الفسحه لتصبح 100فلس من أجل إدخال البهجه على قلب غيرك ... يا ابن الحلال خل عنك هالفزعات باجر راح تحتاج ومحد راح يعبرك ويدري عنك



(عدنان ولينا)
رومانسي لآخر درجة وبصورة مو طبيعية ولكن مزاجي بشكل خيالي على الرغم من طيبة قلبك .. تحب تتميلح وتتمصلح على غيرك وممكن جدا انك في يوم من الايام تاخذ أخوك وتلصقه في الطوفة بس جذي مزاج .. نصيحتي لك انتبه ترى مو كل مرة تسلم الجرة.



(سوار العسل وبشار وزينة ونحوول )
أنت إنسان رقيق المشاعر جديّ شوي ودايمآ تشيل اغصان الشجر والحصى اللي بوسط الشارع وتمسك يدين الشيبان والعجز عشان يقطعون الشارع وتعطي الكل ماي وفلوس كل ماشفته (يسمونك المؤدب احيانآ بس لا تهتم واصل



(باباي)
أنت انسان جريء جدا .. قوي ولكنك غبي وأهبل واحيانا تصير وقح وأيضا مغروووور بس أحلى شي فيك انك تتقبل كل شي بروح رياضية وكل شي وأي شي عندك

شكررا دايــم الــسيف علـــى المشــاركه الــطيبه











تقبل مــروري

(سوار العسل وبشار وزينة ونحوول )
أنت إنسان رقيق المشاعر جديّ شوي ودايمآ تشيل اغصان الشجر والحصى اللي بوسط الشارع وتمسك يدين الشيبان والعجز عشان يقطعون الشارع وتعطي الكل ماي وفلوس كل ماشفته (يسمونك المؤدب احيانآ بس لا تهتم واصل

بس ماشوف كل هاذا فيني
شكراً على هالموضوع

ما في جونكر :(

أنت إنسان رقيق المشاعر ودلوع وتتمتع بحس مرهف ....


شكرا ,, :mad:


:D

طيب انا احب ( رامي الصياد الصغير )

يعني وش فيني :)



لا هنت يا زيبان


..

حياااكم الله ويا هلا ومرحبا وابشرو بالجديد