قصيده بالفضول للشاعر نواف التركي الفضلي
 

نواف تركي الغريزان الفضلي من شعراء الفضول الرائعين وتعجز الكلمات عن وصف جمال شعره ومن اجمل قصائده هذي القصيده وحبيت انقلها لكم

لا تبـــطن كـــلامك تحســب أني غبــي
..........................................ساكتٍ عنــــك حشمــــه للوجيــــه الكــرام

مــاني بتــبع لاحّد وانــت ماأنت بنبـي
..........................................أقصر الهرج وأركـــــد لا يطـــول الكلام

لا تجـــيني تطـــاول منكــبك منكــبي
..........................................والله أني عزيــــز و والله أنــــك خمــام

ولــد تـركـي لسـاني بالحـداء يعربي
..........................................والذنب مــــا يــقارن يــا ذنــب بالسنام

عارف أصلي وفصلي لاذكرت نسبي
..........................................من سلايل مطـــيع أليـــن تاصــل للام

عـــاربٍ مانـــي بمتستـعربٍ وأجنبي
..........................................ربعي أهل الظفر ياللي نويت الخصام

ياخيول الفضـــول وخيل لام أركـبي
..........................................للسعد والله أن الخيـل ترقــى العدام

قـــوم خلـــك كفــو لا تنبطـح وتحبي
..........................................يوم ولّع فتـــيل السالـــفه لا تنـــــام

بس قلي من اللي جسّرك يـــا صبـــي
..........................................وأنت تعرف عمامك جعل مالك عمـام


منقول من موقع الفضول

صح لسان الشاعر وسلميت ايدين الناقل

صح لسانك ونعمين بالفضول الكرام

صح لسان شاعرنا نواف التركي

صح لسان الشاعر و سلمت يد الناقل

صح لسااااانك وماعليك زود

مشكورين كلن باسمه وصح بدنكم وطلبك يامهل البيه قريب وسلامك اعتبره واصل

ياخيول الفضـــول وخيل لام أركـبي
..........................................للسعد والله أن الخيـل ترقــى العدام

والله ومليون نعم بالفضول
ونبي منك طلب ياولد العم تجيبلنا قصائد الشاعر أبو تركي كله