لعيون راكان ( رد سعد الشقيم على راكان القرناس )
 

سر ياقلم بالطيب والا إجباري
لعيون راكان أي مطلوب لبه
وإلا وصلته قل ياذيب الغداري
العبد في صبره يجازيه ربه
ويامرحبنبك قلتها بختياري
ومعها تحياتي وزود المحبه
إن كان تتعب من طويل المساري
كم واحدٍ قدمك الريع ذبه
ولحدٍ قدر يقراء ولاهوب قاري
ومثلك عرف نهر الفرات ومصبه
وأنا تراء معك الخوي المباري
من طبعنا تراء الخوي ما نكبه
خوينا ياما عشانه نداري
ولا فالشقيم اللي خويه يسبه
عند النخاوي نشبه الانتحاري
نتبع رضاه ولو رمانا بغبه
والامر لله والقدر والجواري
تصير واقرب من زراره لعبه
والحر يشهر عند شوف الحباري
لاصاح قناصه بصوته ونبه
ومن يرمي بندق بليا عياري
ماعذور راميها لاونه بخبه
عند الختام إقبل جميع إعتذاري
ياللي حبيبه صوب حائل وجبه
قرمٍ بحبه ما يهل العباري
ولاهوب فالحب فكره لعبه
سعد وراكان مافيكم حيله وكان الله في عونكم وعوننا والمسلميييييين امييييييييين

السلام عليكم ورحمة الله وبركاته ... ابيات اسندها
لسعد الشقيم

نصيت دارك يا سعد وأنت داري
غلاك .. في عوج الحنايا مصبه .. !

أن كان جرحي يا ابيض الوجه ضاري
شعرك تراه علاج همي .. وطبه .. !

كم ليلة ٍ في ظلمة الليل ساري
عن القصيد وذكريات الأحبه ... !

ولا غلاهم لا جرى الدم جاري
يهب لي .. بالليل وأغلي مهبه .. !

وأن جاء لأبن عمي مع الناس طاري
أن ما مدحتة يا سعد ما أسبة .. !

شاريك من بد العرب وأنت شاري
ونارك على رجم الكرامه تشبه

وأن عشتها في رغبتي وأختياري
دنياي غدارة وأنا مخلص ٍ به

و راية قصيدك فوق روس السواري .. !
أشتاق له وأقرى حروفه وأحبه .. !

يا المظهري بالجود مالك مباري .. !
بالأرض لو دورت شرقه وغربه .. !

مودتي ..سعد وراكان مافيكم حيله وكان الله في عونكم وعوننا والمسلميييييين امييييييييين

صح لسانك ياعمدة الشعار وننتظر ديوان شاعر الكثران بالمنتدى

صح السان الشاعر

والقرناس يستاهل

صح السانك والسان راكان

ونطمع منكم بالمزيد

بالحقيقه تفخر القبيلة بأمثال هؤلاء الشعراء

نريد المزيد من القصائد

شكرا لمن نقل وصح لسان الشاعرين

صح لسان ابو محمد وبيض الله وجهه

وصح لسان ابو سلطان وبيض الله وجهه

وبارك الله فيهم جميعاً .. ويعطيك ألف عافية يا بو سعد على نقل القصيدة ..

تقديري واحترامي ..

صح السان الشاعر الكبير ابو محمد

وصح السان راكان القرناس

وشكرا