كلمة لابد منها
 

اخوي الفضلي

صراحه ما فهمة المقصود من الموضوع لوجود تناقض بين اول الموضوع واخره

مره عن شيخة الفضول ومره اخرى عن اخذ راى الشيبان ووووو

ولا يعرف هل انت تستفسر او توضح وجهة نظرك

والمعذره هذا ما فهمته من كلامك

ارجو التوضيح

حياك الله يا اخوي مهلي الفضلي بس كـ لامي من عامة بني لام اللي حضروا الاحتفال بمناسبه مرور عام على انشاء المنتدى احب اوضح ان الاحتفال كان ((امسيه شعريه )) وليست (( ملتقى )) . وكان الهدف الرئيسي منها هو نفس الهدف من انشاء المنتدى وهو الدعايه للقبيله والتعريف فيها وابراز اسمها . واغلب الناس اللي ما عندهم احكام مسبقه واهداف خاصه فيهم وباخصين زين اهل المنتدى من اداريين ومشرفين عارفين هالشي ودعموا الامسيه من هذا المنطلق . والحمد لله تحقق الهدف اللي كنا نتمناه . اما قولك ( آما ما اسمعه ويتردد آن المقصد ادعاء الشيخه لآحد ما ، او ان ينسب احد زورا لغير ابيه ) واقحامك شيوخ الفضول خاصه في الموضوع مع ان الامسيه لبني لام كافه . فانا بصراحه ياعزيزي ماني فاهم قصدك لكن اتمنى الناس ما يحملون الامسيه اكثر مما تحتمل لانها كانت شعر وشعراء ودعايه للقبيله فقط لا اكثر ولا اقل . لا شيخه ولا شيوخ ولاهم يحزنون . واللي عملوا وبرزوا في الامسيه حسب ما شفت منهم بعيوني وسمعت باذوني كان عملهم بالنسبه لهم تكليف مهو تشريف ومن طيب معدنهم وحبهم لبني عمهم عملوا اللي عملوه وتكبدوا اللي تكبدوه ومحد منهم طلع وقال انه شيخ . وشيوخنا معروفين من ايام ابانا واجدادنا وخلونا نحط ايدينا بايدين بعض وننظر للجانب المشرق وايجابيات الامسيه ولا نلتفت للمحبطين والمتشائمين واصحاب المصالح الخاصه والله يوفق الجميع للخير ياولد العم .

لاحول ولا قوة الا بالله العلي العظيم
ليش الانانيه ليش الناس ميته قهر؟ ترى كلها امسيه وكل القبايل والاجواد سوتها. هذا بدال ما يشجعون الشباب اللي سووها وتعبو فيها طايحين فيهم حش من غير وجه حق (ايحب احدكم ان ياكل لحم اخيه ميتا فكرهتموه) واي شيخه يسولفون عنها يبا هذي امسيه والصلال نفسهم انا مقابلهم ومستانسين منها ومن الشباب اللي سووها والمذود حضرو شنو باقي بعد؟ ماتستانسون اذا اسم قبيلتكم طلع وخلق الله عرفوه والله هذي غير سالفه وشي غريب لكن مو غريب على قبيله انعرفت بالحسد بين بعضها. وبعرف الناس يومنهم يتكلمون ماهي خدماتهم للقبيله ماذا فعلو لرفع اسمها وجمعها؟ علموني شنو سوو؟ ليتهم سوو واحد بالميه من شغل الشباب قبل لا يتكلمون عنهم وياكلون لحمهم بالغيبه؟
يبا ماعليكم ولاتلتفتون لاحد يا شباب ترى طريقكم صحيح وممشاكم ينومس وعلمكم غانم ولا تلتفتون للحساد ترى معروفين وتاريخهم مليان بالمشاكل والحسد واذا سمعتو كلامهم ماتمشون خطوه جدام
الشيخ مشعان بن هذال يقول
الطيب سندا والردى ذاك ملاش
واللي يريد الطيب ماهو بمردود

سجل لمشاهدة الروابطاقتباس:سجل لمشاهدة الروابطسجل لمشاهدة الروابطسجل لمشاهدة الروابطسجل لمشاهدة الروابطسجل لمشاهدة الروابطسجل لمشاهدة الروابط . واللي عملوا وبرزوا في الامسيه حسب ما شفت منهم بعيوني وسمعت باذوني كان عملهم بالنسبه لهم تكليف مهو تشريف ومن طيب معدنهم وحبهم لبني عمهم عملوا اللي عملوه وتكبدوا اللي تكبدوه ومحد منهم طلع وقال انه شيخ . وشيوخنا معروفين من ايام ابانا واجدادنا سجل لمشاهدة الروابطسجل لمشاهدة الروابط



بيض الله وجهك على التوضيح والرد الكافي والشافي

اللي شفناه ان مافي احد من شباب المنتدى قدم كلمه او قيل

اسمه او اجروا معاه لقاه لا بالامسيه ولا عبر القنوات التلفزيونيه ولا باي وسيلة اعلاميه اخرى

وهذا ان دل يدل على حسن نيتهم ونبل اهدافهم الا وهي ابراز الكيان اللامي فقط

الله يكثر من امثالكم يا من حملتوا مسؤليه ابراز الكيان اللامي بين القبائل العربيه