منتديات قبيلة آل كثير اللامية الطائية

منتديات قبيلة آل كثير اللامية الطائية (http://www.alkether.com/vb/index.php)
-   ديوانية القبائل العربية (http://www.alkether.com/vb/forumdisplay.php?f=57)
-   -   لقيت بالعتبان خمسة عذاريب (http://www.alkether.com/vb/showthread.php?t=11446)

الكايدات نعسرها 05-09-2009 04:52 AM

لقيت بالعتبان خمسة عذاريب
 
أصيب ثامر بن فلاح بن شامان الشمري إصابة ادخلته المستشفى
وكان في دورة عسكريه مسؤلها المقدم تريحيب العازمي العتيبي واثناء وجوده في المستشفى
كانت قد اوشكت الدوره على الانتهاء وطلب والده من المقدم تريحيب
تمكينه من التخرج مع خوياه ،، وكان له ما اراد ،، وبهذه المناسبه أتى ابو ثامر
بهذه القصيده وسلمها الى تريحيب



سـلام منـي للمقـدم تريحيـب=اعداد ما خط القلـم بيـد كتـاب
وعداد ما غنوا هل الفطر الشيـب=بأرضٍ خليه ما بها غير الاعشاب
وأعداد ما ذعذع نسيم الهباهيـب=وأعداد ما سجيت رجلي للاقـراب
ما هي غريبه منك يا كاسب الطيب=حلياك من نجمٍ تبيـن ولا غـاب
شريف ما يدخل على ساسك العيب=من يفعل الحسنا بالاجواد ماخـاب
لقيت بالعتبان خمسـة عذاريـب=الطيب والنخوه وتقدير الاجنـاب
دون الخوي يا طون حر اللواهيب=وان حدت الدنيا يفكون الانشـاب


وجاء الرد من : تريحيب بن سويلم العازمي العتيبي


حي الكتاب اللي من الشمري جيب=اقولها بالصـدق مانـي بكـذاب
يا مرحبا عد النجـوم المراقيـب=ترحيب مشتاقٍ ليا شاف الاحبـاب
بكتاب ابن شامان رجل المواجيب=فيه الجواهر بين صايغ وحسـاب
بنيت له بأقصى ضميري دواليـب=هذا الرصيد اللي كنزته وراء الباب
من شأن ثامر يرخصن المطاليب=خوينا الطيب له الحـق غصـاب
خوينا ننصاب مثلـه ليـا صيـب=نمرض معه ونطيب مثله ليا طاب
يا عل ما يفتق على مثله الجيـب=والله يجيره من صواديف الاسباب
__________________






منقول,,,

صقر بن عدوان 05-09-2009 05:10 AM

رد: لقيت بالعتبان خمسة عذاريب
 
صح الله لسان الشعار قصايد وافيه وجزله
وتسلم يمينك عالنقل المميز

إخو هذلاء 05-09-2009 05:22 AM

رد: لقيت بالعتبان خمسة عذاريب
 
شـكــ وبارك الله فيك ـــرا لك ... لك مني أجمل تحية .

أبو شموخ 07-11-2010 02:04 AM

قصيده وافيه


بارك الله فيك


الساعة الآن 03:35 PM بتوقيت مكة المكرمة

Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir

Ads Management Version 3.0.1 by Saeed Al-Atwi

اختصار الروابط