الــــوداع

رحلت عنا يا نجم كيف ننساك ** غيبتك عنا يا بومبارك طويله
عسى لجنان الخلد اليوم ملفاك ** والعين هلت بالدموع الغزيره
يا بومبارك بعد السفر ليت شفناك ** وجانا الخبر اليوم ما فيه حيله
كل القبيله لك تودع وتنعاك ** يا حيف يا صقر الحباري رحيله
يا بومبارك بالمواقف عرفناك ** ومن طاح شيله ابومبارك يشيله
واليوم والله يا بومبارك فقدناك ** ومنهو اللي بعدكم نشتكيله
لو الفداء يرجعك بكل شي فديناك ** ابكل ما نملك والله قليله
ما هو قصور بالجماعة ( خسرناك ) ** خسارتن ما قدرنا نشيله
العين تبكي كل ماجا طرياك ** روحتك عنا يابومبارك ثقيله
يا رب توسع قبر ضيفك طلبناك ** ابومبارك اللي طوانا رحيله
في جنة الفردوس يا نجم مثواك ** أبجاه اللي ما لغيره نسيله
يا بومبارك حتى الاجانيب تنعاك ** وقلوب ربعك مثل نار المليله
وصار الموادع يوم للقبر شلناك ** يا بومبارك تنعاك كل القبيله
حار القلم وشلون أذكر مزاياك ** عسى لرياض الجنة نزيله
يا قبر وسع مدخلك له ننخاك* ** والحكم لله ما يخلي دخيله
لو شفت دمع القصايد يوم ننعاك ** والقلب حار ولا عظامي تشيله


الشاعر
ردام بن كريدي بن مرضي
10 - 9 - 2002م