منتديات قبيلة آل كثير اللامية الطائية - باني على ربعه يهـوز الطويـلات

بديت باسـم الله بديـع السمـوات
الواحـد الهـادي عليـه اتكالـي
خالق سماء الدنيا به رجوم و آيات
وزود ن على زينه جمال و كمالي
الوذ بك يا منهـا لجـة أصـوات
متشدق ن مالـي بصـده مجالـي
دنياي حدتني على غيـر مشهـات
لين أمبلج سـر ن يهـد الجبالـي
وأرزمت لين أستقعدو جـن وردآت
من حر مابي قلت مالـك ومالـي
أبمدح الطيب على صوغ الأبيـات
بيت ن على بيت ن ولا هو يبالـي
باني على ربعه يهـوز الطويـلات
حاز الثناء لا قيل جالـك و جالـي
باني على ربعه خشوم ن مظـلات
ينطح سموم القيظ وعوج الليالـي
باني عبرها لين روس المنيفـات
ولا عبرهـا ليـن شـال الثقالـي
ما عاقه اللي قد زرع له مطبـات
يبغى يعوقـه ميـر يـا هملآلـي
هو يحسبنه ناشد عـن سلامـات
أبزعمه أنه بـس روحـي تعالـي
تراه أخو وضحى و سبره بعيـدات
عينه على اللي يحتمون التوالـي
أنا أشهد إنه لالجمالـه علامـات
متصدر ن لألمـد و العمـر بالـي
ترجمت ما خالج فؤادي بنسمـات
شي ن سمعته غير شي ن جرا لي
لون بعض الهرج ما منـه فكـات
متجاهله قصدي شموخ و تعالـي
وختامها صلوا عدد من حيا و مات
على شفيع ن يوم ما بـه ظلالـي
محمد الهـادي ختـام الرسـالات
نوره تلالا فـوق روس الجبالـي

الشاعر
فهد بن حسين الحميدي الكثيري