سلام مني على من قال انـا لامـي
ومن يفتخر في قبيلة لام وماضيها
سلام حلـوٍ يزيـل همـوم الأيامـي
كمـا شمـوسٍ تغيّبهـا لياليـها
سلام مِن مَن شهد له حبر الأقلامـي
في حب لامٍ وحـب اللـي يدانيها
قال الكثيري سلامه لاهل الإسلامـي
تحيّـةٍ للحـرار ومــن يوفّيـها
أفشي سلامي على من قـام قدامـي
تحيّتي بالقصيدة يـوم انـا القيها
وألقي قصيدي عليكم يابن الأعمامي
مستانـسٍ مـن بدايتهـا لتاليـها
يا قوم ابن مذود وجالـي ولزّامـي
يا اولاد الاكرام نظهرهـا ونخفيها
شوفة رجال القبيلة تروي الضامـي
وتسقي كبود العطاشا ليـن ترويهـا
ويالله من فضلك ومن فضل الاكرامي
بعض الجوارح تشافت وانت مشفيها
كثران كثران مـن قديـم الأعوامـي
إعلومهـم غانمـة ماحـدٍ يسويها
عرفت فيهم رجـالٍ تشفـي الدامـي
لا قالوا اصله كثيري قلـت راعيها
ماهو غريبٍ وهو تاريخهـم سامـي
أفعال نفخر بهـا واليـوم نحكيهـا
يا رايـدٍ بالكـلام وعلـم الإفهامـي
تبهر مسامع رجـالٍ منـك توحيهـا
واخلاقهم عالية نارٍ علـى اعلامـي
مذكورةٍ عقب مـا شفنـا مواريهـا
اللي تشبَّه بهم قد عاش الاوهامـي
والشمس تعمي عيون اللي يراعيهـا
يا من طلبت العلا قد عشت باحلامي
لين النوايا بوسط القلـب تصفيهـا
عين الرجل هي دليلك وقت الإبهامي
والنيّة الصافية فـي وجـه راعيهـا
والعين إلى منها شافت لهـا لامـي
لاشك لاشـك فرحتهـا تجـي فيهـا