الايافهد كانك على صاحبي مريت=فسلم عليه وحب كفه على شاني
وقل صاحبك لاهوب حي(ن) ولاهو ميت=مريض (ن) ولايقدر يجي لك وصاني
وقل له يسامحني اذا ني عليه اخطيت=واذا مت لايبكي عليه وينساني
انا خابر اني مخطين فالذي سويت=وهو لو جفا معذور (حقي وماجاني)
انا اللي بديت الهجر يوم انني صديت=وسلمت قلب(ن) حبه لواحد(ن) ثاني
ونا خابر انه حبني فوق ما حبيت=وانا ماعطيته يافهد كثر معطاني
ولو ان كلمة لو تنفع وكلمت ليت=لحرم كلام(ن) غيرهن ينطق لساني