بيض الله وجيهكم يالمعازيب=آهل الكرم والجود آهل المعاني
قبيلة عاشت على العز والطيب=وعن شكرها يعجز عليا اللساني
نعتز في ذكره بوسط الاجانيب=وفعل المغيره باينن من زماني
حمايت للدار من لام ليا كليب=جتهم بحد السيف ما جت عواني
واللي يخذل الدار في عرفهم عيب=الدار مثل العرض لازم اتصاني
تكاتفوا في بردها واللواهيب=ومن فعلهم شيد عليها مباني
ورجالهم جامع جميع المواهيب=يموت ولا يرضى عليه المهاني
دروب المراجل ماخذينه بتدريب=ماهي بضربة حظ وإلا تماني
وببيوتهم تلقى الكرم والمواجيب=ذباحة الحايل كبار الصواني
ودلالهم تعدل مزاج الشواريب=ميرادها صنعاء ودار اليماني
متوارثين الطيب ذيب بآثر ذيب=جمالة عند اللقاء والبياني
حماية التالي وغز الآصاحيب=في موقف فيه إبتلا وامتحاني
والحر يظهر بالليالي المصاعيب=ينآى بنفسه عن مكان الطماني
وحنا نلبي من دعانا بترحيب=وشعاد لو آبعد علينا المكاني
وحنا لبعضنا دون شك ولا ريب=من دور لام بالمعزه آخواني
وترا التلاحم به معزه وبه هيب=تعتز في عزه جميع العواني
ومن يامن الدنيا تراها دواليب=دنين اتغير حالها بالثواني

بيض الله وجهه من نقل وصح لسان شاعرها

استلم
واسمحو لي على التقصير
ولا هنتوا

ونعم بالجميع

صح لسان الجميع قصيده جزله من ابونواف ورد وافي من ابوحمد

مشكور ياحمد الحيص علي نقل القصيده