الحمدلله اللي جمعنا بكثران السعودية
 

دعوة الاخ "المظهري اللامي" للحجاج من الكثران بالمرور عليه بديرته ، و"ابو سلمان" لما دعا الكثران لانتهاز الحج والالتقاء ببعض ، وقبلهم زيارة "ابو خالد" لاثنين من الاخوان اعضاء المنتدى بالسعودية ذكرتني بموقف صار قبل كم سنة
كنا معتمرين بعطلة الصيف ورايحين بالسيارات وبعد ما انتهينا من العمرة بحمدالله قررنا ناخذ لنا جم يوم بالطايف والشفا بالتحديد
ولما وصلناها نزل واحد من الشباب ياخذ لنا سكن لما رد ، قال تصدقون من شفت بالمكتب (شفتلي واحد كثيري سعودي)؟
فزت قلوبنا وفرحنا جنه قايل لقيت مليون دينار وانهالت عليه الأسئلة.. وينه.. ؟اشلون شكله..؟ كلامه..؟ اش لابس..؟ جان كلمته..! جان عزمته.. ! جان تعرفت عليه..!
قال : فشله .. ما أعرف الرجال استحيت أكلمه ش اقوله !
كنا شفقانين على شوفة بني عمنا اللي نسمع عنهم ولا بعمرنا شفناهم
لكن الحين لقاءنا معاهم بالمنتدى قربنا منهم وان شاء الله يجي اليوم اللي نواجهم ونتعرف عليهم أكثر وأكثر
لاوبعد طلع في كثران بسوريا ..هذا بعد شي ما كنا ندري عنه أو أنا ماأدري عنه
ومرة ثانية أقول (الحمد لله اللي جمعنا فيهم )

الحمد لله وهذا بفضل الله ثم بفضل القائمين على هالمنتدى الله يوفقهم..

والله يجمعنا في جنات النعيم قولوا آميين,,

هذي من حسنات هذا المنتدى الكثيرة

الله يطول اعمار من ساهم في قيام هذا المنتدى

اخواني اللي شاركوا بالرد على الموضوع كلن باسمه شكرا على

مشاعركم النبيلة ودعواتكم الصادقة

واخص بالرد مشاركة الأخ رحال

وأقوله أهل الكويت والسعودية واحدهم يكمل الثاني

مثل اليد ماتصفق بروحها

والقبيلة مثل الطير جناحينه أهل الكويت والسعودية ما يطير بدونهم

وانتم يابني عمنا رايتكم بيضاء وجهودكم واضحة في أقسام المنتدى

نشكر جميع الاخوه الكثران

فعلاً اضافة المنتدى لنا رائعه وجميله حيث يتعارف أبناء العمومه ويتم التقارب بينهم وحيث أنني من منطقة سدير

نتمنى من الجميع تحديد مراكز تواجدهم سواء في السعوديه او في الخليج

ولكم مني كل الامنيات الصادقه.

سجل لمشاهدة الروابط

هذا الموضوع للنوخذه و تقريبا اكثر الاعضاء مسجلين فيه اسم العايله والمنطقه للتعارف بينهم