|
ردا على قصيدة فاضل القطوا
السلام عليكم ورحمة الله وبركاته ردا على قصيدة ابن العم الشاعر فاضل آل قطوا الفضلي من أحد أبناء العمومة الشاعر / يـحـي بن حـمـد بن خـلـيـفـة الـعـوده من أحفاد الشيخ عــوده بن بخيت بن مقرن ال بويت رحمه الله تعالى .. القصيدة : قم يا نديمـي هـاك طـرس وودة لفاضل القطوا رفيـع المتاريـس لاهنت يا راعـي العلـوم المجـده لاهنت يا مسطر ذهب في قراطيس نفخر بشعرك يا بن عمي ونـوده لاقبل علينا مدح راعي النواميـس امراحنا باتت علـى المـدح مـده واشعلت يافاظل علينا الفوانيـس لاثـار منـك المـدح لازم نـرده نرد مدح ابمدح ونسيـر العيـس لاهنت ياراعـي كويـت المـوده فضلي ولد فضلي شديد المقابيـس يشهد لك اللي اقشر الوقـت حـده وامسى على سود الليالي المعابيس يلفـي عليـك وكـل هـم تصـده بالدله الصفرا وطويل المحاميـس لك موقعٍ ما احدٍ من الناس سـده عمر القطا ما سد وكر القرانيـس الناس جزر البحر ولا انـت مـده يهناك يالفضلي اربوعٍ اشاويـس لو كبـر الغافـل احـدود المخـده بتنا على خشم الفتيلـه مجاليـس يموت فينا القـرم مابـاح سـده لو ماتوا اعياله جواعى مناكيـس حنا افضـول وطبعنـا مـا نهـده نموت دون العرض ما جاه تدنيس حنا اعيال الشيخ وشعبه وجنـده اللي حكم شعب المراح الدهاريـس وسلامتكم |
السلام عليكم ورحمة الله وبركاته
صح السانك ويستاهل ابو نواف |
صح الله اللسان شاعرها وتسلم يمين ناقلها ولاهنت يابن العم وعساك عالقوه ويستاهل ابو نواف والقطوا جميع |
صح لسان حفيد معشي الطرفا ويستاهل الشاعر فاضل القطوا المدح
|
صح السانك ابيات جميلة ويستاهل المدح ابو نواف
|
اقتباس:
وعليكم الـسـلام ورحمة الله وبركاته حي الله ابن العم خويران الكثيري وشاكر لك مرور الكريم .. حفظك الله بحفظه |
اقتباس:
تسلم يمناك طال عمرك ولا تهون يا ابن الـعـم ويستاهلون القطوا وجميع أبناء العمومة من فضول وكثران ومغيرة |
اقتباس:
تسلم يا طويل العمر ولك شكري وتقديري |
كفو على هالابيات يا اخ ابراهيم
وصح الله لسانك تقبل تحياتي |
[quote=مشعل العشيران;84551]صح السانك ابيات جميلة ويستاهل المدح ابو نواف[/
quote] يا مرحبا ومسهلا مشعل العشيران صح بدنك طال عمرك |
| الساعة الآن 06:52 PM بتوقيت مكة المكرمة |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
