منتديات قبيلة آل كثير اللامية الطائية - اخطاء فادحه بقصيدة حسين بن باني الكثيري

بسم الله الرحمن الرحيم
السلام عليكم ورحمة الله وبركاته
اخواني اعضاء منتدى الكثران
نشر في جريدة الجزيره ليوم الخميس الموافق 23/1/1429 هـ القصيده المشهوره لـ حسين بن باني الكثيري في صفحة مدارات شعبيه بعنوان ورقه قديمه وتم نشر القصيده باخطاء فادحه فقمت بتعديلها وارسلها لهم ونبهتهم على الاخطاء التي حصلت في القصيده وطلبت منهم يعيدون نشرها بصوره صحيحه لأن بصراحه الاخطاء شوهت القصيده وشوهت معانيها
القصيده كتبت كالتالي
ياحشر ولم طبخة للمساييــــــــــــر .... قبل يروحون السايير عنا
ادغث لها ولها على الله تياسيــــــر ... للهيل حط وكثره لا تونا
كان اقبلو من خشم كبشه إلى النير ... بيوتهم يم الخنابج تبنا
وجونا هجن سوات المظاهيـــــــــر ... يبغون زاد القصر والعلم منا
قصر لنا بين الهضاب المزابيــــــر .... لابد مانغنى وهن يعيدنــــــا
ولا بد من قصر عليه الحفافيــــــر ... وتذكر بما سويت يابو مهنا

والقصيده الصحيحه هي
ياحشر ولم طبخة للمساييـــــــــــــــر .... قبل يروحون المسايير عنـــــا
وادغث لها ولها على الله تعابيـــــــر ... وبالك بحط الشاذلي لاتونـــــا
وان حطبو من خشم كبشه إلى النير ... وبيوتهم يم الحنابج تبنــــــــا
تجيك ركبان سوات المظــــــــاهيـــر ... يبون زاد القصر والعلم منــا
زاد يحوفنه بنات غنـــــــــاديــــــــر ... يرهن عليه السمن من غير منا
وقصورنا بين الهضاب المزابيـــر .... لابد مانفنى وهن يقعدنـــــــــا
ولابد من قبر عليه الحفــــافيـــــر .... تذكر بما سويت ياخو مهنــــــا
قارنو بينهم وبتشوفون الاختلاف الكبير وتغيير بعض المعاني ونقص بعض الابيات اللي شوهت القصيده وغيرت من مجمل معانيها
اللي ابيه منكم يا اخوان نكون يد وحده ونرسل على الايميل حقهم كل واحد منا عنده ايميل يرسل ويطلب تعديل القصيده لان اليد الوحده ما تصفق انا ارسلت اكثر من رساله للبريد الالكتروني الخاص بصفحة مدارات شعبيه
صراحه اخطاء ما ينسكت عنها ولازم يعرفون ان الشاعر هذا لازال له قبيله تدافع عن شعره وانتم عارفين القصيده هذي وعارفين شهراتها انا ما ابي اطول الكلام هذا ايميل الصفحه
madarat@al-jazirah.com.sa
ارجو يا اخوان ان الكل يشااااارك

وعلى دروب الخير نلتقي