يابلادي عيدي عيدك اليوم المجيد=ياوطن عيد الثمانين فرحه للجميع
عيدي ياديرتي والبسي ثوبٍ جديد=عيدي في ضل ابو متعب الحر الشجيع
والعضيد اخوه سلطان يانعم العضيد=حامي البيتين والحق عنده ما يضيع
ونايف المحبوب معروف كلٍ به يشيد=درعنا درع الوطن لا نده جينا سريع
والامير الفيصل الفذ له رايٍ سديد=عز ديرتنا وقلبه لنا دايم وسيع
نايبه سيفٍ شطير ياعسى عمره مديد=هم سيوف الحق حافظهم الرب السميع
كل من ياطاتراب الوطن يصبح سعيد=خيره أمغطي جميع البشرحتى الرضيع
خيرها الي عمنا ياعسا خيره يزيد=ارضهاخصبه وملبوسها شي بديع
والتطور شاهدٍ له قريبي والبعيد=والخضار الي كساها تقل دايم ربيع
دينها الاسلام والشرع دستوره مجيد=والصلاة الخمس يصدح لهاصوتٍ رفيع
كم وكم رجال لاجل الوطن اصبح شهيد=عاهدو وتعاهدو كلهم محدٍ يبيع
ابشري ياموطني مانبيعك بالزهيد=من عصر صقر الجزيرة ولك حصنٍ منيع
ويالله انك تبعد الي بغا داري بعيد=تبعده عنا وعن كل من لله مطيع
والختم صلو عدد من تعيد كل عيد=على محمد سيدي هو حبيبي والشفيع