/ سلام للحيص مني عد ماهب نود /
السلام عليكم ورحمه الله وبركاته
مشاركتي لهذا اليوم ابيات اهديها الي الاخ العزيز/عايد الحيص الكثيري لمى له عندي من معزه وتقدير وابو عبدالله يستاهل اكثر واتمنى انني اوفيته حقه من القدر والتقدير وشكرأ لكم "جتك البيوت" ســلام للحـيـص منـي عـد ماهـب نــود = وعداد ماناحه الورقا على اغصانها من طيب شرواك ياعايد وطيب الجدود = جتك البيـوت اتسابـق وانت عنوانـها مـاردهـا مركـز الرقـعـي وحـد الحـدود = ولوهـم بـغـو ردها صعبٍ يـردونـها من شان يالحيـص قـدرك كل يومٍ يزود = عنـدي وعنـد الرجـال الي تعرفونـها يـومٍ مثـلك عـزيــز وغـاليــنٍ لـه نـقـود = الطيـبـه مثـل قـود الخيـل بـرسـانــها ومن هاجـسٍ لا بغـيـتـه كـل يـومٍ بزود = يـوفي مع الي مثـل شـرواك يوفونها ولا الردي مذهبه معروف مذهب زيود = خـوة خـويـه يبـيـعه يـوم تـشـرونـها ودك ياعايد هذا وشـكله بـوسط اللحــود = ماله على الارض ذكرولا يطرونها هذا جزاء كـل نـذل وكـل رجـلٍ جـحود = اللـي تـغر العـرب والناس بالسانـها نـاسٍ ذمـمها تـباع وتـشــتـرى بـالـنـقود = وتـقاد مثـل الذبـيـحه لعنـبو ديـنها والاانت يالحيـص جعـلك دايـمٍ بالوجـود = اقـولها لك وجر الصوت بالحـونها يـومك ياعايد علـى ماقيـل تـرقى سنــود = وتـفخر بشرواك لام وكـل كثرانها الشاعر/ عبيدبن صحين بتال الكثيري |
صح السانك يابو طارق
ويستاهل ابو عبداللة المدح |
صح الله لسان الجميع ياخويران الكثيري وابوعبدالله يستاهل شكرا لمروركم ولاهنت ارق التحايالكم |
صح السانك ياشاعر الكثران
ويستاهل ابو عبدالله عايد الحيص المدح وجعل الطيب من ربعنا |
ونعم بالمادح والممدوح
الحيص يستاهل المدح وانت تستاهل الطيب |
صح السانك يابوطارق تستاهل النوماس ياطيب الجد
ذكرتني بقصيدة للشاعر مبارك الهاجري الى يقول فيها امـدح بـنـي عـمـي طويلـيـن الأشـبـار##والـمـدح تـزهــاه الـوجـيـه السـفـيـره ربع(ن)لهـم صـولـه وجـولـه وتـذكـار##يــوم السنـيـن وكـــل جـــار وجـويــره لاشك بأن المدح لبني العم مرجله ونوماس ,, |
صح السانك يابوطارق ونعم بالمادح والممدوح
|
العضيد لاهنت علي المرور ولا هان شرواك وصح الله لسان الجميع ارق التحايا لكم |
صح السانك يابوطارق ويستاهل المدح ابوعبدالله
|
ونعم في عايد الحيص ابو عبدالله
و عزالله يستاهل و صح السانك يا ابن صحين |
الساعة الآن 01:36 AM بتوقيت مكة المكرمة |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir