|
قم يا سعد ( خالد الشقيم )
الأولى للشاعر خالد المظهري سجل لمشاهدة الروابط قم يـا سعـد يانديـب المناعيـر يا واحدِ لاضاق صدري نصيتـه إعجل وعجل وخل عنك المعاذير ما ينعذر مثلـك لامنـي نخيتـه عاير زيوت الجيب وزد فأالتواوير وشيك على الماء وإنتبهلي إليتـه نويتلي طرقه وشفـي لهـا غيـر ما قصدي الدنيـا ومـالاً بغيتـه قصدي بني عمي رجالاً مشاهيـر لشفتهم فـي بـلاد جنـي وليتـه صبيان لام اللي تهـز الطوابيـر اللي لهـم فالمجـد عـزٍ لقيتـه أهل الكويت أهل الدلال المباهيـر قصدي زيارتهـم وذا مـا نويتـه وإن كان طاعوني برايي أبشيـر للي بتدمر ناصلـه وسـط بيتـه ناخذ ونعطي معه ماصار ويصير يمكن نحقق مـأب قلبـي هقيتـه وإختامها قلته وانا إبن المظاهيـر نسل الشقيم اللي يكفيـك صيتـه القصيدة الثانية للشاعر عبيد الكثيري ( أسطورة بني لام ) سجل لمشاهدة الروابط القصيدة الثالثة للشاعر عبيد الكثيري ( الدم الأحمر ) سجل لمشاهدة الروابط يا لام من عقب التشتت فالاوطان = الـعد عــــكسي والسعد بــارقه لاح عز لنا يا لام وامجاد فرســــــان = ما هيب هزّة روس وعلوم وامزاح تاريخنا بالدم الاحمر والاكوان = ما جاء لنا ولجدودنا غير بسلاح وما جاء لنا من حبة الراس وإحسان = جانا عقب طحن المعارك والارواح ياما وياما راح منا من حصان = وياما كسرنا القوم وكم فارس طاح وفرسانها الكثران في كل ميدان = بسيوفها من فوق الارقاب وارماح ولو يرجع التاريخ عصرٍ لنا كان = يا لام ما نمتوا وما جاكم مراح رجالنا دايم على العز ما انهان = ياقف الا جاء العلم وللعلم نطاح فرسان ما هابت ولو وقتها شان = رجالنا لو يونس الموت ما صاح يوم السعد غنا لحون والحان = كم من قبيلة ساقها شيخنا وزاح مر صباح مع شقة النور لابان = ومرٍ هجاد قدم فلاّج الاصباح واليوم يا نجد لنا فيك بلدان = ثوابت تشهد لمجد لنا راح داري ضرية ما بها شك وكدان = حامينها الكثران ما احدٍ لها اجتاح ومسكة بها ربعي طويلين الايمان = دارٍ بها ربعي وبها الكل مرتاح ويم الحريق هناك يا لام كثران = يا طيبهم في كل درب ومرواح ذولا بني عمي لها الطيب عنوان = نحزن اليا حزنوا ونفرح بالافراح وغوطة بني لامٍ عساها للأمزان = اللي تعل اشعابها هي والابطاح ويم الكويت ودار جابر لنا أعيان = من نجد راحوا من قديمٍ ونزّاح حمايلٍ من طيبها يا ابن عدوان = تاريخها محفوظ معها ولا راح رجالهم وان سمع فالقول كثران = يفز مثل الطير وان شاف ملواح وحنا وهم اولاد عمٍ وصدقان = وميزاننا دايم على الحق رجّاح ورجالهم دايم على العز ذيبان = ما ضاع حقه وازرفه كل مزّاح واليا دعى الداعي ونادى يا سلطان = يبشر بعزه والسعد له والارباح كثران والله ما نراوي يا سلمان = ولا هي لنا الهيبة ولانيب مدّاح وباق القبايل ما يهونون يا اخوان = فيهم شغاميم بها الطيب فوّاح وصلاة ربي عد سيلات وديان = على النبي واعداد ما طايرٍ ناح |
كفوووووووووووووووووووا ببومحمد خالد الشقيم وكفووووووووووووووو ببوطارق عبيدالبتال
وارقووووووووووووووووووووووووووووو سنووووووووووووووووووووووووووووووووووووود والله لايهينك ياتركي ولك مني حبت خشم ..... |
كثران والله ما نراوي يا سلمان = ولا هي لنا الهيبة ولانيب مدّاح
صح لسانك ولسان قايلها,,,,,,,,, تسلم يالغالي |
من أجمل القصائد ولها ذكريات حلوة شكرا على النقل والنعم بالشعار وصحت ألسنتكم والنعم فيكم ولاننحرم من قصايدكم يا لابتي
|
رد: قم يا سعد ( خالد الشقيم )
ابداعات لا تنسى
|
| الساعة الآن 08:58 AM بتوقيت مكة المكرمة |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
