منتديات قبيلة آل كثير اللامية الطائية - "يامهل ياسيفٍ على العز مسلول"

- منتدى شعراء وفرسان آل كثير (http://www.alkether.com/vb/forumdisplay.php?f=21)

- - "يامهل ياسيفٍ على العز مسلول" (http://www.alkether.com/vb/showthread.php?t=14752)

"يامهل ياسيفٍ على العز مسلول"

بسم الله الرحمن الرحيم

هذه القصيده اهديها الى الاخ وابن العم الشاعر/مهل بن عدوان الكثيري
وابو نهير يستاهل اكثر ولكن القريحه وماجأت به
وتقبلو جزيل التحايا

يــامهل يــاسيــفٍ على العـز مسـلـول
يــاشـاعر الكـثـران مـافـيــك حــيــلـــه

سيــفٍ ومعــروفٍ لــه فـعـول وفــعــول
مـن طيــب سـاسـه طـيـبـاتٍ فـعــولــه

سيــفٍ ومـن صابـه غـدى منه مشلول
يـوقـف الـى جـاء العلم قــوم وقـبـيـلـه

تفخر بـك الكثـران يـالسيـف وفـضــول
فـي كـل محـفـل فالبـيــوت الجـزيــلــه

لن الفـخـــر فـخـرٍ الـي صـار بــزحــول
شــرواك يــاراع العــلوم الجـمـيـــلـــه

وتــفـخــر بــك مغـيـره ولامٍ على طول
فـي كـل مـحـفـل يــازبـون الـثـقـيـلــه

بعض السيوف لو كان يالمع ومصقول
مــايـنـفـع الـلـي فـالــوازم يـشـيـلـــه

راعـيــه لـو سـلـه فـعـلـمـه مـقـتــــول
لـوكـان مـثـل الزيــر عـرضـه و طــوله

الشاعر/عبيد بن صحين البتال الكثيري

صح الله السانك

صح السانك ونعم بالمادح والممدوح وستاهل مهل المدح

صح لسانك يا شاعرنا
والنعم بالمادح والممدوح

صح لسانك ويستاهل ابو نور المدح

صح لسانك والنعم بالمادح والممدوح

صح السانك واكيد فيه رد من مهل وننتظره

سيــفٍ ومـن صابـه غـدى منه مشلول
يـوقـف الـى جـاء العلم قــوم وقـبـيـلـه

وبانتظار رد مهل ...

صح لسانك قصيده جزله من شاعر فحل

وابو نهير يستاهل

وتقبل تحياتي

لاهنت ياسمي السيف وصح الله لسان الجميع

والشاعر/مهل بستاهل المدح بدون قصور بالجميع

وتقبل اجمل التحايا