عزالله اني منك شفت الغرابيل=لاعاد عرفك ياريش العين لاعاد
يابو عيونٍ ماتبي زود تكحيل=والموت لا سلهمت ياغض الانهاد
يابو جديلٍ ناعمٍ كنه الليل= يفوح منه العطر والطيب والكاد
ذبحتني يابو العيون المظاليل=وخليتني بالهم عايش والانكاد
وحرمت عيني لذت النوم بالليل=وعفت الشراب وعفت من هجرك الزاد
حبك شربته مثل شرب الفناجيل=يوم انت بي ماطعت عاذل ونقاد
واليوم منك الصد والهجر والميل=بالعين شفته ياهوى البال يزداد
وان كان مارديتلي بالتساهيل= سدك ترى بالقلب ياغض الانهاد