|
الحيص
قصائد قيلت في حامد الحيص المروت رحمه الله المتوفي (1900) تقريباً جددوا وسم الركايب جابهن حامد نهايب جابهن عطب الضرايب جابهن والنذل خايب جابهن واحذى القرايب قصائد قيلت في حامد محمد الحيص المروت رحمه الله المتوفي ( 1975 ) (1) جيت حامد وأنا عريان ونهجت من الحيص كاسيني يعطي العطا وافي الذرعان ويوفي عن الربع الأدنيني (2) الهجن هجن بأثر درجان يومي بهن تقل هجاني والعصر قلّب بي الديان وتمذهلوا كل عشراني وأبو حمود ماهو وهدان أوفى بها صلب جداني ---------------------------------------- قصائد قيلت في حربي محمد الحيص المروت رحمه الله المتوفي (2000) (1) * مبــداي باللــي لــه هـل الدين زوار اللي لبــــيته دايــم ينـحرونـــه هـــوالذي منـجي محــمد مـن النـار عــلاّم سـد الــغيب مايعلمونـه يامـدبر الســقا وهــو قـــبل مـحـتـار انك تعــاوني بدرب المـــعونه تفك حربي من عظيمـــات الاشــــرار بجــاه الذي لامن نــخو يطلبونــه يـاراكب من عــندنا كــور عــبــار ومن الميارج شايباتن عيونه نصه لحربــي من الربع مخــــتار سلم عليه اكفيت شر المهونه سلامن احلى من لبـــن كل مشـــكار ياشوق من كن الجحويان سنونـه يفداه من ينـسى الجمــايل وبــوار ينسى الجـمايل ياعساها تخـونه يضـحك حجــاجه ان قيل بالبيت خطـــار سهل الجناب ومجلسه يشتهونه حربي الحيـص لاقــلت الابصـــار فكــاك الــردى لاتردت ضنونــه يوم الحرايب بين مسلم وكفـــار حربي بدرب المرجله يمدحونــه يوم الردى يصجر بوسط الاوعار ومن الــرهق شــابــت عــيونــه يوم الفــشق كنه هماليل الامطار ومكــاينٍ تمـــطر علــينا بكونــه يوم النــشاما لــبّدو والدخــن ثار صــاح القبيسي كلهم يسمعونه حربي جلب روحه وماطاوع الاشوار لحيــن قاموا العساكر يتبعونــه حــكي صحيح مايــردد بالانــكار بــان البــيان وماخفى يطلعونــه قالهــا محمد الاعيــدس من السليمــان من العجمـــان عام1941م في ثــورة رشيـد عالي الكيــلآنــي... ----- (2) * نبى نسير دعانا الحيص نجره مع الليل يدعينا والحيص ما بقصه تبقيص والحيص زبدة قهاوينا يوم الغلا يشتريه بكيس ريف المسايير لا جينا وقائلها المرحوم (مروى الباشق) وهو من قبيله الشريفات ----------- (3) * يم حربي الحيص عدو للركايــب شوق مسلوب الحشا رادع شفيـه دايمن نجره ينادي بالجذايـــــــب يعجب اللي راكبن كور المطيـــــه ياعشير الغوش ياريف النجايب كاسب المعروف شوق الغشمريه اخبر العوجان واترك كل خايب واترك اللي مابهم طيب وحميـــــه اجهل العوجان عطبين الضرايب واترك الرديان مامنهم عطيـــــــــــه ملاحظه.... العوجان المقصود بهم بهذه القصيده هم الهجانه قالها الشاعر المرحوم,,, عبدالله ابن زويران الرسيمي الظفيري (4) جمالة الحيص ابو الجود ما انساه لو ما معي شيني لابد ماعنها منشود واسولفه بالدواويني ------------------- هذه القصيده قالها عبدالله عياده الشمري مبتدي بالرب علام جليل رازق الذره بالوقت المحيل يالله الغفران يا رب الوجود طلبة الايمان لا صار الجفيل في سجودي طالبك ربن رحيم تجيرنا من سوء نارك والمليل وبعد ذكر الرب ابديت الاقوال قول صح مابها قولن رذيل انحدر من ضامري شلاله يعوم فيض جاشي قام تسمع له عويل والمراجل بينت يوم الزحام يبذل المجهود يا شان العميل ذاك ولد الحيص بالوقت الصعيب بالوفا والطيب ما بعده خليل خالد اللي يا عسى عمره مديد هو سنادي يوم ضيعت الدليل يا جعل من جاب خالد للجنان يا جعل سيد البرايا له زميل يا عسى الفردوس دايم له مقام في جنان الخلد ينعم بالمقيل وسط حورن عين وخدامن تطيع لولون منثور وصفه بالمثيل في مقامن بين نهرن والثمار بين نهرن وبين ثمرات النخيل راضين في عيشته ربه عطاه من عطى الي بالعطا ماهو بخيل جالسن في وسط روضن والنعيم ما يبي عنها زوال ولا بديل واطلب المعبود غفار الذنوب يستجيب لدعوتي ربن جميل والتحيه ختامها مسكن يفوح للنبي شفيعنا يوم الهويل * نُقِلت من موضوع سجل لمشاهدة الروابط |
يوم الحرايب بين مسلم وكفـــار حربي بدرب المرجله يمدحونــه يوم الردى يصجر بوسط الاوعار ومن الــرهق شــابــت عــيونــه يوم الفــشق مثل هماليل الامطار ومكــاين تمـــطر علــينا بكونــه يوم النــشاما لــبدو والدخــن ثار صــاح القبيسي وكلهم يسمعونه حربي جلب روحه ماطاوع الاشوار لحيــن قاموا العساكر يتبعونــه حــكي صحيح مايــردد بالانــكار بــان البــيان وماخفى يطلعونــه الله يرحمه ويغفرله |
والنعم بالحيص والمروت شيبانا وشباب
|
والعنم والله بالحيص كلهم
جيت حامد وأنا عريان ونهجت من الحيص كاسنيي يعطي العطا وافي الذرعان ويوفي عن الربع الأدنيني |
ونعم بالحيص
صغيرهم وارث الطيب من كبيرهم |
الحيص فرع طيب من شجره وارفه وزكيه وهم يستحقون المدح واكثر
مودتي لك ابو خالد |
والله والف نعم بالحيص
>>صغيرهم وكبيرهم<< |
مليوووووووووووون نعم بالحيص من اكبرهم لاصغرهم ولايكفوووووووووووون
ولاهو غريبه الطيب من اهل الطيب.............. |
تسلم على نقل الابيات
ومليون نعم بالحيص اهل الوقفات والكرم والجود |
والله وسبعين نعم بالحيص ولا تكفيهم
ربع واخوان وقبل كل هذا عيال عم تقدير واحترامي لك ولموضوعك يا بو سالم |
كلمه و نعم لا توفى الحيص حقهم... يعلم الله ان اللى يتعرف على ابناء الحيص . يعرف ان كل كلمه مدح و ثناء قيلت لهم هى قليله فى حقهم... ما اقول الا والله ان اكبر مكسب للقبيله كون الحيص منها... و يعلم الله مكانتهم فى قلبى ... كفو يالحيص كفو يالحيص. كفو يا ابناء الحيص كبار و صغار
و نعـــــــــــــــــــــــــم و نعــــــــــــــــــــــم و نعــــــــــــــــــم و نعــــــــــــــــــــــم |
اقتباس:
----- قصيدة قيلت في خالد خلف الحيص (1) المراجل بينت يوم الزحام يقدم الصنديد اليا هاب الذليل والكرم والطيب يبقاله ارجال هو سنادي يوم ضيعت الدليل ياجعل من جاب خالد بالجنان وياجعل سيد المرايا له زميل وياعسا الفردوس دايم له مقام في جنان الخلد ينعم بالمقيل قصيده قالها عبدالله عياده الشمري |
والله ونعم بالحيص من كبارهم إلى صغارهم
|
وهذه قصيدة قيلت في خالد خلف الحيص ابو حمد
يا بو حمد بفتح لك اليوم صندوق وأكشف لك الخافي يمين ويساره انسم حالي واصبح الجسم مطروق في ضامري نارن تزايد شراره ياكبر همن داخل القلب محروق يشبه محول وانفجر في عماره اسهر طوال الليل والصبح وشروق واجاوب الورقا بليل ونهاره واجاوب الونه خلوجن من النوق لا طوحت صوته تكسر عباره مضى ثلاث ايام ما صح لي ذوق سبت زعلك النفس ضاقت مراره الوقت ضدي والزمن صارلي عوق حتى الجدي ضيعت يمت مداره ابي التسامح منك يا اعز مخلوق ياللي على الطولات عندك جساره خوتك تاجن لي على الراس من فوق خوتك مربح يوم غيرك خساره معدنك يا ناريز لا طبو السوق واحد بعد عشرين حطوا عياره وان كان الزعل طال بممشاه طاروق عزي لحالي صار عمري خساره |
وهذه القصيدة قيلت في
براك خلف حمد الحيص وقد قالها خالد بن شطيط سنة (1994) الله يبيض وجهه براك جيته بحاجه ومشاها يا بن خلف طيبن ملفاك بالخير والطيب تلقاها يالحيص جعل الردي يفداك واللي كثارن حكاياها من لابتن تدمح العراك كثران وهذي سواياها |
وهذه القصيده قيلت ايضا في
براك خلف حمد الحيص قالها بدر القرن الحربي سنة (1998) يا بوخالد كتبت اعلان امدحك والنفس مشتاقه جعل يفداك ابن عجلان اللي تردى بسواقه تشوف زوله مع الدوشان أمير مير الردى عاقه |
وايضا هذه القصيدة قيلت في براك خلف حمد الحيص
وقد قالها لافي جاعد الجاسمي الظفيري من البحرين في 1997م الحمدلله يوم جيت بسلامه مني لبو خالد كثير التراحيب عدوك لا عدو فحول النشامه يا ماخذن في صفة الجود ترتيب مكانتك يا صاح عالي مقامه غالي ولا شفنا بشخصك عذاريب غني فرح ثم ارقصي يالحمامه وطشي ورودن فوق روس الرعابيب ابي لواليش الفرح بابتسامه دامه رجع لج راعي الجود والطيب براك هو عون الخوي هو حزامه يوقف اليا زادت عليك المطاليب من لابتن تخضع لها كل هامه لاجيتهم بالعون نعم المعازيب الحيص ونعومك بوقت القرامه اللي تعلو فوق روس المراقيب انتم هل العادات واهل الشهامه وانتم هل الكلمه وحسن الاساليب |
والنعــــــــــــــــــــــــــــم والله بالحيــــــــــــــص .......اهل الكرم ..والمواقف اللي تبيض الوجه
|
الحيص والنعم والنعمين @@@@@ بفعالكم يا السنافيه
كفوا اخوان حمده |
وايضا في قصيده قيلت في اخوان حمده يعرفونها الشيبان
اخوان حمده هم اهل الزين عدوهم تسهر عيونه اذا ما تعرفونها اسألوا شيبانكم يا الحيص واكتبوها لنا |
ونعم والله بالحيص ,,,,,,,,من كبيرهم لصغيرهم
الله يعطيك العافيه يالغالي......... |
كفو اخوان حمده
نبي نسير دعانا الحيص......نجره في تالي الليل يدعينا |
والنعم باخوان حمده كبير وصغير اهل المواقف والكرم والطيب والحميه ودايم اسمع من اجدادي انه شيبانهم كلهم اهل دين...
|
بشريط الاهداءات اعجبتني هالابيات وهي خاصه ببراك الحيص
فارجو ان تتقبلوا هذه الاضافه يا الحيص عبيد الكثيري من غياهب الفروه الى ابو خالد/انتظروها عن قريب/ ياطيب الراس يابراك&يامعدين كل مشرافي& تفخر بيوتي بك وشرواك&يالحيص يانسل الاشرافي& براك جعل الردي يافداك & لوهو من الربع ينعافي& لك سيرتن ربنا ياقاك&يشهد لكم كل عرافي |
الشباب كفو ووفوا بالمدح ولا على كلامهم كلام ونعم بالحيص
|
وهذي في ( حمد الحيص ) الله يرحمه
الشعل طيرت الوبر ترد اللهابه والحفر حمد تنومس ما انعفر ياراعي البوش العفر |
أعذروني مانتبهت للموضوع الا هالحين ولا أقول الا والله ومليووووووووووووون نعم بالحيص |
رد: الحيص
أبيات من قصيدة للشاعر عودة عبدالعزيز العودة يا راكب اللي يطوي الخد لا راح =من صنعة الكافر على الدرب مضمون راعيه ما دور فيه السوق بارباح = امكلفه غاية ما يتمنون إليا مشوا من عندنا وقت الصباح = العصر عند أهل الكويت يتمشون منصاك أبو عواد حربي و تنساح = عقب التعب تشوف الناس يسلون سلم عليهم عد ما بارق لاح = و اعداد ما ينبت من النخل من لون إلى أن يقول و من لامني في حبهم للعدا طاح = ياللي عسى ماله قبيله يطرون مالي بطول الهرج و الصدق وضاح = حربي ويش اللي لدكم ما تزورون من عقب ما قلتم تزورون بمراح = ماهوب واجبكم علينا تشحون لازم تجون و كل هم بينزاح = قبل زلة العطلة اللي تقولون |
رد: الحيص
صح لسـآن الشعراء
بصراحه يحق لنا الفخر دام الحيص مننا وفينا سنافيه ورجال وقفات من اولهم إلى تاليهم ويشهد علي الله ان كلامي ماني قاصد فيه مجامله بل شهادة حق وتقال تحياتي مفلح الفهاد |
| الساعة الآن 02:45 AM بتوقيت مكة المكرمة |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
