|
عرضة الكثران
بسم الله الرحمن الرحيم فيض خاطر بمناسبة دعوتنا لحضور ملتقى الكثران الأول في عفيف أذكـر الله والـي أفـضـال مـديـمـه ____أرحبوا ثم أرحـبوا يالحاضريـنـي بيّض الله وجـه مـن قـام بعـزيمـه ____والجـماعـــة دون عـدٍ ثـايـريـنـي مـن ريـاض العـز سلمان حكيمـه ____ لبـوا الـدعــوه لهـا مستأنـسـيـنـي فـي حريـق الجود شجعان مقيمـه ____لين جاهم ضيف عوّد لـه حنيـنـي فـي عفيـف لي بنـي عـم كـريـمـه ____وفـي الديـار البـاقية ياسعد عينـي في ضريه طيب ورجال فهيمه ـــــــــــــــــــــــــــ حقهم وافي من الدنيا وديني صـوت منـادي عفيـفٍ للــوليـمـه ____ومـن أهل مسكه مذبحة السمينـي قـوطـروا مـن كـل فــج للـغنيـمـه ____يـاصـلون الـرحـم لله طـايعـيـنـي مـن بـنـي لام وطـي الحــشـيـمـه ____الكــــثيري نافـلٍ فـي كـل حيـنـي عـايشيـن بخـير وعـزوم قـديـمـه ____كاسبين الصيت بالسيف السنينـي المـقـاصـد عـز والـنـيـه سـليــمـه ____ما يطيح مقـلّـهـم مـتـعـاضـديـنـي رافعين من الوطـى عمود الخيمه ____في سبيل الله سهروا حـارسـيـنـي الوطـن غـالي وتـفجيره جـريمــه ____والعـدو بمشـوك لـه نـاطـحـيـنـي هـم بني عـمي مبشـمة الصريمـه ____لـلمـلـوك آل سـعـود مبـايـعـيـنـي ماضي اجـدادي ملـوك مستقيـمـه ____وحاضر أولادي لبو متعب يميني المــلك غـالي وأيـاديـه الكـريـمـه ____يالله انـك تنـصـره نصـرٍ مبـيـنـي نـرفـع الرايـه ونحتـمي الـوسيمـه ____مـع رجـالٍ فـي الـوغى متمكنيني يـاحسـيـن الـدل يازيـن البـريمـه ____فـدوتك روحـي وما تملك يديـنـي العـيون إن سلهـمت شبيه الريمـه ____مـايسات القـد والمـبسـم حسـيـنـي ستركن ضافي من رجال العكيمه ____لابـتـي ليـثــار دخــان مـتــيــنــي ارجـي الله يشـفي قلـوب سقـيـمـه ____المـراكــب سـايـره والله عـويـنـي والصـلاة ختـام في وقــت نقيـمـه ____للـرسـول اللي هدانا مـن سنـيـنـي بقلم الأستاذ/ محمد بـن ناصر بـن راشد الكثيري الحريـق _ الريـاض ربيع الأول عام 1429هـ |
اقتباس:
رائعهـ جداً .. :) شكـــــــــــــــراً .. |
مشكوور يابو نايف
كلمات رائعه جداً جداً ولقت تفاعل كبير جداً من الجمهور |
بيض الله وجهك يا محمد بن ناصر عزالله انك شعللت ملتقى المظهر
بالعرضه وحضورك وحضور ال محمد كلهم زاد من جماليه الملتقى |
بيض الله وجهك ولا هنت
|
صح لسان الشاعر
و يا سعد عيني بشوفكم يا الكثران |
بيض الله وجه من شال العزيمه بالقصيده والشيل الهجيني
من حريق العز محمد حكيمه ولا هان اللي معه رايحيني |
بيض الله وجه من شال العزيمة................بالقصيده والشيل الهجيني
من حريق العز محمد حكيمه .................ولا هان اللي معه رايحيني |
صح السانك يا بونايف وماقصرت بيضت وجيه آل محمد كلهم وعلمك غانم
والله اثلجت صدورنا بالشيله والصوت الرائع والقصيد الجزل.......... |
تحية طيبة للجميع :
حقيقة قصيدة أبو نايف وشيلته كانت في غاية الروعه بدليل تفاعل الجميع معها وخفة دم أبو نايف الله يسلمه ومبروك عليه البشت يستاهل والله الهدية لقرم من قرم .. وصح لسانك يا أبو نايف . أخوكم أبو فيصل |
صـــح لسانك ولاهنت قصيده اكثر من رائعه رائع رااااااائع راااااااااائع راااااااااااااااااااااااائع يابو نايف |
صح لسانك يأبونايف
وبيض الله وجهك على الحضور والمشاركة |
صح لسان من قالها
روووووووووووعه |
قصيدة ابو نايف قومت الجماعة وبدون شعور
الله يعطيه الف عافيه على القصيدة |
الله يبيض وجهك يا بو نايف
صح لسانك......ذهب كلامك عرضه مافي اروع منها |
الإخوه المشرفون الكرام آمل اضافة هذا البيت بعد البيت الخامس وفقكم الله ورعاكم حيث ان اهل ضريه يستاهلون ولا عليكم زود ولا مانع لدي من ذكر اسم اي بلد مع البلدان المذكوره فكم وددت ان اذكر اسم كل بلد في بيت خاص به فأنتم يا الكثران تستاهلون اكثر ولا فيكم حيله في ضريه طيب ورجال فهيمه ______ حقهم وافي من الدنيا وديني |
عزة كثران هذا واجب و وجودك هو الأروع ابو عبد العزيز العواد يابو عبد العزيز العز بوجودك وشكراً على التفاعل رحال الملتقى جميل بك وبآل مظهر وما انا الا واحد منهم العسافي انت الذي لا هنت يومك كويتي ...... غز لنا في ديرة ابن الصباحي اخو وضحى ولنا السعاده يا ستر وضحى ...... يومك قريت القيل في الشاشه |
تركي الكثران ابدا بحمد الله عظيم الجلالي .... واطرب واغني من سلايل لحوني واقول يا تركي فداك الحلالي ..... الله يفكك من صدوف العيونـــــي مهل الكثيري صح بدنك يا بن عدوان ..... وانت المهل وبكل مهل يالكثيري اسامه صح بدنك يا شبل آل محمد الله يسعدك ويديم الافراح ابو فيصل ابو فيصل يا عريب الساس .... يا رايع في كلامه ليه البشت يستاهله كل حساس .... عروق دمـه كثيريــه |
ارق سنود وانت اروع في سنودك عسى الطيب فالك كثيري من الحريق صح بدنك ووجهك ابيض ما يميزني لقب صح لسانك ابو بندر الكثيري بشعورهم قاموا محيني ..... كل الذي لبوا الدعوه والف عافيه لك عادل الدعاس وانت ألماس المحبيني .... يا رايع يا بن دعاس |
صح لسانك يابو نايف وو جودك أضفى جمالية على اللقاء
|
صح السانك على القصيده الرائعه والله لايهينك
|
فراس العروج صح بدنك وجودك هو الاجمل عثمان الشقعان صح بدنك وجودك هو الأروع |
صح لسااااانك ولد عمي
ومو غريب عليك هالتميز يسلم راسك |
صـــــــــح لســـــانك ياولد العــــم قصــيدتن جزلة عزالله إنك شعللت الصـــــــالة وهيضت الشياب قبــــــــــل قبــل الشباب بيض الله وجهك بيض الله وجهك بيض الله وجهك تقبل مروري . |
ونعم والله يابو نايف وصح لسانك
والوعد عند المجاهيم |
تسلم ولا هنت والعرضه كانت جميله جداً
|
تسلم يا قباني الكثيري وتميزي بكم وبلقياكم وصح بدنك ووجهك ابيض يا فهد يا وجه السعد ولولاكم ما تهيضنا |
راعي المجاهيم والنعم بك وبكل كثيري ارحب وحياك الله والوعد عهد بن كثير الله يسلمك وانت الأجمل |
صح لسانك ويعطيك الله الف عافيه |
بس لو كنا دارين وجبنا سيوف معنا
لاكن الملتقى القادم ماعنك وعن العرضه يابونايف وياليت تشرفنا بالهلاليه |
صح لسانك يابونايف على الشيله الحماسيه
كثران يعز ابوي وجدي |
ابو نايف راعي الكايف
سنعوس زين الوصايف |
صـوت منـادي عفيـفٍ للــوليـمـه $ ومـن أهل مسكه مذبحة السمينـي
كفو يابونايف وبيض الله وجهك ورايتك بيضاء يابونايف حتى ما شاء الله عليك خليت شيبانا يلعبون ويعطيك الـ1000ـف عافية وتقبل تحيااااااااتي |
بيض الله وجهك ياولد محمداشعلت الحظور وصح لسانك يابونايف
|
صح السانك واعتلى شانك
|
باسل محمد الشقيم الكثيري صح بدنك والله يعافيك العواد انتم سيوف الدار من دون بتار ..... وانتم ذرانا من هبوب الشمالي ودي بجيتكم على سبر واطيار ...... حب الهلاليه لجا في الخيالي دار لابن عواد عز لمن زار ...... فيها الكثيري مرخصٍ الحلالي المناع الكثيري صح بدنك عزيز وغالي خالد بن ناصر اشكرك على اطرائك الجميل مسكاوي الجيب الابيض شب ناره بجنبه ..... متحري للضيف والا المسافر جيب الكثيري كل ريع يذ بـــــه ...... يقوده اللي للمسافات خابر غالب بن دعيج وجهك ابيض وصح بدنك لام 6 شانك اعلى وصح بدنك |
| الساعة الآن 03:39 AM بتوقيت مكة المكرمة |
Powered by vBulletin® Copyright ©2000 - 2025, Jelsoft Enterprises Ltd. Designed & TranZ By Almuhajir
