" خــالــد بــن راشد " في دائرة الضوء .....
 

بسم الله بدأنا وعلى ربنا توكلنا

اخواني السادة الاعضاء

بعد السلام


اولا : اشكر العضو الرائع :كحيلان على تجاوبه وتفاعله مع اسألة الاعضاء


ثانيا : ضيفنا لهذا الاسبوع شخص في قمة الاحترام ,,
عرف بأقتراحاته التي يستفاد منها ,,
ردوده جميله وهادئه ,,,
ضيفنا لهذا الاسبوع هو اخوي " خالد بن راشد "

ومنتظرين اسألتكم وتفاعلكم



مع الالتزام بالشروط التالية:

1- الالتزام بالأدب في طرح الأسئلة
2- يمنع منعاً باتاً توجيه أكثر من عشرة أسئلة للعضو/ة في المشاركة الواحدة وتحذف باقي الأسئلة عشوائياًَ إن زادت عن المعدل المطلوب
ويمكن السؤال أكثر من مرة بعد أن يجيب العضو على أسئلة المرحلة الأولى ..
3- الإلتزام باللغة العربية الفصحى قدر المستطاع (غير إلزامي)
4- لضيفنا او ضيفتنا حق بالامتناع عن الإجابة عن الأسئلة الشخصية أو الخاصة دون إبداء الأسباب
5 - يرجى عدم احراج العضو الضيف بسؤال مارأيك فيني وسيتم حذفه اذا ماذكر دون ابداء الاسباب


واسمحولي

ابدأ بسؤاله اخوي خالد عن البطاقه الشخصيه .......

نرحب بالأخ الغالي خالد بن راشد ونقول ياهلا فيك في دائرة الضوء

وننتظر اجابتك على البطاقة الشخصية وهي كالتالي

الإسم : طبعاً معروف
العمر:
مكان الميلاد:
الوظيفة:
المؤهل :
الحالة الإجتماعية :

حي الله ضيفنا في هذا الحلقة

عطنا البطاقة الشخصية لااهنت

وش يعني لك التالي ...؟
الهلال :confused:
النصر :confused:
أبو عواد(كونة أفضل عضو حسب ماأشوفة فوق المنتدى :) :) ) :sha6er:heyaa:heyaa:sha6er
النوم
الــقــهـــوة :ward

في كل مره يضعنا دايم السيف مع شخصيه من منتدانا وفي هذا اليوم يذهب

بنا الى ابن من ابناء مسكه مسكه معدن الرجال اهل الكرم قال اميرهم


ياحشر ولم طبخة للمسايير && قبل يروحون المساير عنا

تجيك ركبانن سواة المظاهير && ناسن يبون العلم والزاد منا

زادن يحوفنه بناتن غنادير && يرهى عليه السمن من غير منا

تاليمو من خشم كبشة إلى النير && وبيوتهم لم الحنابج تبنا

قصورنا بين الهضاب المزابير && لا بد مانفنى وهن يقعدنا

ولابد من قبرن عليه المحافير && وتذكر على ماسويت ياخو مهنا

هذا جوابي مايجي فيه تقصير && خله قراحن مروي اللي زبنا


الامير / حسين بن حسين بن نايف المعروف ببن باني


احسنت الاختيار ابو راشد من المتحمسين للمنتدي

والاسئله

متى يتفرغ ابو راشد لمنتدانا فقط

اطلب 3 طلبات من اداره المنتدى

كلمه توجهها لجميع الاعضاء


ابو راشد اجوبتك الله لا يهينك اول باول لا تعلقنا

دايم السيف ..

اشكرك على الاطراء

وليتك قلت لهم من ظمن الشروط .. عدم سؤال الضيف عن اي شي <<<<<< اجل وشوله حاطينك :)


بسم الله وعلى بركة الله ..

أسئلة اخواني دايم السيف والمشير

الإسم : مصطفى امر
العمر: في 25/2/2008 ادخل 27
مكان الميلاد: مــــســــكــــه
الوظيفة: ممثل ادارت حالات في مستشفى <<<< ودك تسمع بالاسم بس :)
المؤهل : دبلوم معهد اداره عامه ( ادارة مستشفيات ) <<< ما اقول لكم ودك تسمع بالاسم
الحالة الإجتماعية : عزابي

..

اخوي السامر ..

حيالك الله ياولد العمه

الله يبارك فيك ياولد الخال


ماسبب تسميتك بـ ( عيني ) ؟

ايييييييييييييه .. هذا كان اكره الالقاب ( لانها كانت عياره :) ) عندي والحين احبها

وسبب التسميه كنت العب كوره وشات واحد الكوره وصقعت في عيني ..

سألني اخوي وش فيك قلت ( عيني ) ومسكوها علي



ماهو الشخص المحبوب لديك بالمنتدي ؟

مـــســـكـــاوي بدون قصور في الباقين



عطني بيتين من ابياتك المعروفه يابو راشد ؟

حبيبي عوز له سكر .. ومنين اقيب له سكر .. والواد بتاع السكر حبسوني وحبسوه :)



ونبي قصيدة ( لا ترمش مع الذيب ) ؟

هذي اسأل قايلها .. والا انا ويني و وين الشعر


ولاهنت


..

ابو عواد

الله يحيك يالبناخي

اديتكم هيا .. ايش هادا

ما حببني في الهلال الا صالح النعيمه خاصه في اخر مباره اللي قبل امس مع الاهلي

احسن ما فيه شعار الجزيره

اخ .. كان الفضل في اخوته هو المنتدى

خلوه مع الاحلام و بعض الاماني .. ومفر من اليوم


كيف .. بس لا يتعدى ثلاث فناجيل الا في بعض الحالات :)

..

رحال ..

اتمنا ان امثل مسكه خير تمثيل

والله المنتدى اذا ما تفرغت له فعلياً فأنا متفرغ له حسياً


1- الرضاء علي
2- السماح عني
3- قسم للحوار


الله يجمعكم على عز ومعزه ..

..

معرب الجدين ..

الثنين :)


..

شمـــ كثــيــريــة ــــوخ ..

لا احب ان امحي اي صفه من صفاتي .. بل احب ان اكون كما انا

عدا صفه واحده .. قد يعتبرها البعض نعمه

النــــســـــيــــان

لما سببته لي من احراج :(

مشكوره يابنت العم

..

اخوي الغالي خالد الملقب بــــ ( عيني ) :D :p

لمن تقرأ ( شاعر _ كاتب ) ,,,

عاده يوميه منذ الصغر ,,,

عضو تتمنى ان تقابله وتجلس معه ,,,


ولي عوده ...

اخوي الغالي خالد بن راشد

احب اسئلك :

من متى وانت تفكر تدخل نادي الفروسيه ؟؟؟ ولا دخلته وما هو السبب؟؟؟

وما تعني (الحيـــــــــــــــــــــاه) بالنسبه لك؟



انتظر الردك وبفارغ الصبر يا (عيني و ......)

ابي رايك بالتسليه في المنتدي هل تؤيد انها من اهم الاسباب لبث ال اللافه بين الاعضاء

ورايك بالشخصيات الكرتونيه حنظل وطنطل رغم اني ابصم بالعشره ان كثير من الاعضاء

يحسبنا من الكويت وحنا من..................


على فكره خالد يقول فايز وين قطه الاستراحه

فضحتنا يالمخفه ياحنظل

ابوراشد كيفك ( ياعيني )

ابسالك زواجك بعد رمضان ولا قبل <<<<<<<<<< لا تلف وتدور اعرف اخوها

اجل يوم الخميس بالليل معزوم اجل نشوفك الجمعه باليل بس والله لو تمد يدك مو احسن لك خخخخخ

بصراحه مادريت عن هذا الموضوع إلا اليوم الخميس بعد الظهر
ويشكر الاخ دايم السيف على هذا الوصف للعضو وهو كذلك والعضو يستأهل
وسؤالي : لله العلي العظيم ان يوفق عضونا لما يحب ويرضاه وإن يرزقه الاخلاص والصواب في جميع اقواله وأفعاله

دايم السيف ..

سم .. امر ياعيون عيني :)



ظالم لنفسي من ناحية القراءه


كل يوم انام و اقوم من النوم والحمدلله :)


كل الاعضاء اتمنى ان اقابلهم واجلس معهم .. وهذه ليست مجامله



بانتظارك .. بس لا تحمس :)


..

BANI ..

هلا وغلا بأخوي الصغير قه :)

احب اسئلك :

الصراحه .. لي يمكن اكثر من سنتين والسبب الدوام :(


جريده يوميه :)



ماخليتوا شي .. فضحتوني وانا ما اعرف اسذب

..

حنظل .. وطنطل

انتم توئم والا تشابه اسماء :)

بس شكل طنطل يومه صغير ما خلى لحنظل حليب .. شف وشلون عيونه بنقز من النعمه :)


منتدى التسيله جدا مهم بس مو لـ اللافه .. للألفه <<< ما الومك ياحنظل طاقك الجوع



بعدين قل لفايز .. يبطون يشمون ريحة القطه :)
..

مسكاوي ..

ياهلا والله

سؤال شخصي امتنع عن الاجابه :p

نظارتي .. جبها

سؤال شخصي

اكيد .. دايم الحلا في الاخير

الدوام لله


بالله تسمي هذي اسئله


..

اخوي وقدوتي و عزوتي ناصر ..

كل الشكر لك على هـ التأييد

آآآآآآآآآآآآآآآآآآآآآآآآآآآمين

والله يرزقك بالمثيل ويجزاك خير الجزاء

لاهنت

..

عضونا خالد سلام عليك من الله ورحمته وبركاته
اتمنى ان لا تزعجك اسئلتي

س / كلمة توجهها لإدارة الموقع ؟
س / هل انت ممن يحب البر . وما هو الشي الذي يعجبك فيه ؟
س / ماذا تعني لك هذ الكلمات . السياحه الخارجيه . موقع الكثران . اجتماع المظهر .الاستراحات ؟
س / هل تتوقع ان يستمر الموقع بهذه الصوره .
س/ بما انك مراقب في الموقع ما هي ابرز سلبيات الموقع وابرز ايجابياته بدون تحفظ .

اخوي خالد ,,

ترا في اعتراض مني ومن الاعضاء ,,

نبغى الاجوبه بشفافيه الله يرحم والديك ,,

ترا كلنا لاحظنا انك تتهرب من الاجوبه ,,,,, :p

اخوي ابو محمد ..

وعليكم السلام ورحمة الله وبركاته ..

لا ازعاج ولا شي .. اعز من يسأل

عساكم على القوه .. وتوقعوا كل شي ؟؟


نعم وبقوه .. بس الوقت ما يسمح والسياره بعد :)

يعجبني في البر .. الهدوء عند شروق الشمس , النشاط في النهار والراحه بعد غروب الشمس




لا .. بل بصوره افضل

ابرز سلبياته .. اثارة الفتن وهذي شي متوقع من ضعيفين النفوس

ابرز ايجابيته .. هذه الفتن ما أثرت ولن تأثر فينا


لاهنت


..

دايم السيف ..

ما تحرقوناش بأه :)

..

السلام عليكم ورحمة الله وبركاته

ممكن اعرف شنو هوايات المفضله

اخي خلف بن فدغم ..

التصــويـــر الفتوغرافي

..

اخوي النوخذه ..

على الرحب والسعه

وكلي فخــــــــــــــر


..

السلام عليكم يابو راشد والله اني أحبك في الله ولك مكانه كبيره في نفسي وبس
وأسئله ماعندي أسئله بس شفت الموضوع وكلمة قامت تقرقع بصدري وقلتها

اخوك/ لااااااااااااااااااااااااام6

1- برأيك هل لغة تعبير القلم والكتابة تعبر أكثر عن لغة العيون ؟

2- ما رأيك في المقولة الشهيرة " اتقي شر من أحسنت إلية " ؟
وهل واجهت بيوم من الأيام موقف جاء مطابقا لهذا المثل وتكون النتيجة عكس ما توقعت ؟

3- كيف ترا مستوى الثقافه بصورة عامة بين أبناء هذا الجيل في وقت كان فيه الكتاب خير جليس ؟

4- رأيك بمستوى الكتاب وبعض الأقلام التي تكتب بالمنتدى ؟
وماهي الأقلام التي تحوز على اعجابكم في كتابة المواضيع والردود والمشاركات ؟؟


5- ماذا يمثل لك ِ العمل في طاقم الإشراف مع بقية الزملاء ؟؟
وهل تغير شيء في داخلك أو نشاطك بعد تولي مهمة الإشراف وخدمة المنتدى ؟؟

6_ اسأل نفسك سؤال وجاوب عليه ؟؟

ازيك ياخالد


عدنا .. والعود أحمد


اول شي ابيك تجاوب بصراحة وثاني شي لاتقعد تفلسف علينا وتهرج مصري عشانا مساكين ولانعرف لغات مثلك :(


1 / فيه مقولة تقول : الغيرة مسألة كرامة .. وليست مسالة حب !!
وش رايك انت ؟

2 / وش أحسن حي في الرياض ؟ من وجهة نظرك ؟

3 / اللي بيدور شقة في الروضة من تنصحه يروح له ؟ <<<< صيغة السؤال غبية بس مشها

4 / فيه ناس تفضل الرز واللحم كغدا .. وفيه ناس يقولون انك اذا كثرت رز ولحم يعتبرونه تخلف .. انت وش رايك ؟ وهل تحب تجاري الناس والا تسوي اللي تشوفه انت ؟ بصراحة قلنا

5 / وش أطرف المواقف اللي صارت لك في القاهرة ؟ وفي بوكيت بالمرة ..

6 / لو قالوا لك اختر أي دولة وخذ معك ثنين محفول مكفول .. وين بتروح ومن بتاخذ وليه ؟

7 / يقولون انك دايما ً ودك تقرا كتب .. وتاخذ كتب من الناس كلهم .. ومع ذلك ماتقراها .. وش السبب ؟

وسلامتك وارجو الاجابه على كل الاسئله لو سمحت

ابو علي ..

احببك الله بما احببتني فيه

والله ان الشعور متابدل وانا اخوك

على راسي يا ابو علي

وشرفتني زيارتك

..

دايم السيف ..

في كلتا الحالتين انت تعبر عن احساس داخلي .. ولكن من القادر على التعبير

وكلا منهما يرتبط بالموقف الذي يعتبر زناد التعبير المرسل .

احيان يكون الكتابه ابلغ و اسلم .. واحيان تكون العيون


لا أأومن بها .

لا ولله الحمد وان شاء الله ما تواجهني

لاني لي سياسه خاصه في التعامل مع الاخرين

بصراحه .. احيان اقول ياكثر المثقفين بهالجيل واحيان ياقول ما عندك احد


هناك من اتطلع لكاتباتهم .. لروعتها


اعذرني .. لا اريد ذكر اسماء خشية ان انسى احدهم

ولكن .. الاغلب مبدعين


تشريف و تكليف

قد تكون هذه سيئه .. ولكن

لم يتغير شي فهمتي هي همتي وحماسي هو نفسه

الشيئ الوحيد الذي تغير ان لم اعد اراسل المشرفين و ( اقلقهم ) :)


كيف تقيّم نفسك في المنتدى ؟

مقــــــصــــــــر


..

طنطل ..


الحمدلله .. ازيك انت ياد يا طنطل

احمد والا محمد <<<< سماجه وعلى قولت اخوانا الكويتين ملاغه


وش اسويلكم .. هذا مو ذنبي اني ولدت في مسكه وترعت شوي بمسكه وشوي بالرياض وصرت اعرف اهرج مصري <<< وش دخل مسكه بالمصري :)



في بداية الحب تكون الغيره مسألة حب .. اما بعد مرور السنين على الحب قد تكون مسألة كرامه

على قولتهم ( بعد هـ العمر يلتفت لهذي / لهذا )


حي الربوه عشان فيه شارع اسمه ( شارع مسكه ) :)


3 / اللي بيدور شقة في الروضة من تنصحه يروح له ؟ <<<< صيغة السؤال غبية بس مشها

لمشعل نامي


انا امشي بالحكمه او المقوله اللي تقول

( البس على ذوق الناس وكل على ذوقك )


في القاهره .. جاني بزر يشحذ قعد اومي له براسي وقول له ( ام ام ) يعني اني اطرم وما اسمع

واشر على خويي يعني خذ منه .. طبعا ابو رشيد كرشه وقال له ( والله ما اعطيك ولا ريال )

بيني وبين نفسي اقول لـ ابو رشيد ( قل ولا جنيه ترانا بمصر ) :)

المهم رجع لي البزر ولزق فيني وانا بس اقول له ( ام ام ) يعني ما اسمعك

قال ( طب اديني الساعه ) اوميت له براسي يمين وشمال يعني ( لا )
قال ( شمعنا دي سمعتها )

فجرتها ضحححححححححححححححححك

بعدين الديره الثانيه شلها لا تفضحنا :cool:


ياخي اشك من اسئلتك انك ( مسكاوي )

دامني محفول مكفول .. ما ينفع يكون دولتين :)

ودي اروح القطب الشمالي .. وبالخذ معي ( رحال والمظهر اللامي )

عشان اشوف بعز البرد هم يتهاوشون والا لا :)


صحيح اني ودي اقرا كتب بس ما اخذت من الناس كتب ..

انا طلبت من بعض الناس كتب هم يقولون انها عندهم ومفيده

والله مدري ليش ما قريت .. ما عندي سبب مقنع صراحه

الله يسلمك


..