هذه القصيدة بمناسبة زواج زميلي العزيز سعود بن وسمي الرويلي في يوم السبت 3-5-1431 الموافق 17-4-2010 في منطقه الجوف مدينه سكاكا


يالرويلي خذ سلام(ن)مع تهاني ** من زميل (ن)ما نسا خوة زميله

القصـيد الابغيه ما عصاني ** القصيد يفز فزات الاصـيله

جيت ابارك وهني من دعاني ** مثلكم لا من دعا لازم نجيله

لجـلكم مـا هـمني بعـد المـكاني ** ناصلك لو صارت السكه طويله

نمشي للطيب ولو هو في عماني** ما تـعذر بالـبعـد ولا الوسـيله

ما جـذبني يمكم حـلو المباني ** ما جذبني كود ربعك والقبيله

الغلا ياخوي صرح بة الساني ** الغـلا بالقلب ولسـاني دلـيله

ياسعد من جاك ياسهيل اليماني ** يا حكيم الراي يا زبنت دخيله

سـاعـتن بوجودكـم كـنه ثوانـي ** لا جلست اوصرت في دارن فضيله

والبيوت أتجر بعضه بالمعاني ** والشعر يسهب الا صار ابعميله

الفعول الطيبه تبي التفاني ** ما تبي هرجن مرده للفشيله

وفعلكم طيب وشوفه يوم جاني ** فعلكم سيل (ن) تحدر من مسيله

المعالي ما تجي باحلا الاماني ** المعالـي حمـل وانت الي تشيله

ياعسى ما تشوف ويلات الزماني** ودايم(ن) في خير وأيامك جميله

ياسعود اعذر خوي(ن) جاك عاني ** اعـذره بالنقص وبيوت(ن) هزيله

واخر الابيات خذ كل التهاني** من زميل(ن) مانساء خوة زميله



ولكم تحياتي

اخوكم عبد العزيز بن محمد الكثيري

المشاركة الأصلية كتبت بواسطة خالد الكثيري (المشاركة 111969) صح الله السانك وقصيدة وافيه

المشاركة الأصلية كتبت بواسطة صقر بن عدوان (المشاركة 111970) لجـلكم مـا هـمني بعـد المـكاني ** ناصلك لو صارت السكه طويله كفو كفو وصح الله لسانك وعتلا شانك والله انك نوماس يالقرم

المشاركة الأصلية كتبت بواسطة رفيق المطانيخ (المشاركة 111980) كفو وصح السانك

المشاركة الأصلية كتبت بواسطة اخو وضحه الدويجني (المشاركة 111981) صح لسانك و اعتلا شانك .. و يستاهل الرويلي

المشاركة الأصلية كتبت بواسطة محمد بن سعد الشقيم (المشاركة 111996) دائم مجملنا يابو سعود

المشاركة الأصلية كتبت بواسطة بتال الكثيري (المشاركة 112069) كفو وصح السانك

المشاركة الأصلية كتبت بواسطة alajaji-q8 (المشاركة 112078) صح الله لسانك يابعدي