بسم الله الرحمن الرحيم

لما ارى من تزاحم ابناء العمومه في مجال الشعر

احببت ان تشاركوني هذه القصيدة



×?°يابــــــــوي ×?°

يابوي خانتني الظروف وتعنيت = ودي نهار العيد يصفى كدره
اتكتم على صدري الاجيت واقفيت = اخاف من نفسي تموت بقهرها
ماعالجه يابوي كثر التناهيت = صارت تزود لوعته لازفرها
من مرها يابوي وافت تواقيت = جفني مهاجر لليال وسهرها
واحترت أنا مابين غربه وتشتيت = حتى الدموع الغاليه محتقرها
معاد ينفع صوت لامني ناديت = صفحة حياتي باليه من دهرها
وان كان فزعه دور اللي لهم صيت = راحو هل البيضا بغبة بحرها
مراجلن تبحر علينا بتوقيت = قاد السفينه جاهلن ماخبرها
صارت حياتي بين ويلن وياليت = مارتفعت الا والحظوظ تحدرها
ودي اسايس بالامور وتناسيت = ان الهموم الكايده تنتظرها
من كثر ماهوجس عن الضيق سجيت = اسابق الفكره واضيع أثرها
عزلت نفسي ماابي قولة اخطيت = الناس ماتستر وربي سترها
رسمت للدنيا معاني وسويت = مير الزمن عيا علي يعتبرها
شفت الحزن يشكي علي يوم خطيت = وش فيك متضايق وتبدع صورها
من عقبها يابوي بالقاف جريت = لوعة حياتي والسنين وقدرها
كان المواجع زادت القلب تفتيت = حزة نهار العيد تنثر حمرها
وش يبق لي في دنيتي لامن ازريت = الا رضاك اللي يوقف خطرها

اخوكم الشاعر : محمد بن حسين بن شعيل الكثيري

]~*¤ô§ô¤*~ارحب ثم ارحب
ياذيبان ما قصرت يابو حسين وصح الله لسانك وبيض الله وجهك

خابرك شاعر وجدك شاعر ولا تحرمنا من الجديد والمزيد من هذه القصائد

ولكم خالص تحيتي،،،

لــــاـــ 2 1 5 مـــــ

السراج المنير مسكاوي لامار



شاكر لكم المرور وبيض الله وجيهكم