|
رجال القبيلة
سمعت عن بعض رجال القبيلة الكثير من البطولات والمواقف التى تمتاز بالشجاعه والكرم..
ولكنى لم ارى من احفادهم اى بادرة او كلمة وفاء لهم يذكرون بها افعال اجدادهم الطيبة ومن هنا اود ان اذكر بعض الاسماء التى تحضرنى واعتذر من الباقين الذين لم اذكرهم واتمنا من باقى الاعضاء اضافة على هذا الموضوع من قصة او اسم لشخصية كثيرية.. الا يستحقون هؤلاء الرجال الذين نحتو بصفحات ذاكره التاريخ الشى الكثير من بطولات ومواقف وشجاعة وكرم.. من حقهم علينا ان نذكرهم حتى لو بالأسم.. ساجى الجويد الدبجلى الكثيرى مشعل هادى المذود العتيق الكثيرى محمد بن نومان الدبجلى الكثيرى يتيم الدلعان الغنوى المساعيد الكثيرى الهيلم الغروب العساف الكثيرى مهذل الفريج العساف الكثيرى رجا الشقعان الدبجلى الكثيرى خليف النويف المساعيد الكثيرى محمد الدعاس العتيق الكثيرى رحيل العدوان الدبجلى الكثيرى جالى الجريد العتيق الكثيرى رغيان الجريد العتيق الكثيرى زعال العمشا الغنوى المساعيد الكثيرى معاشى العمشا الغنوى المساعيد الكثيرى غازى العمشا الغنوى المساعيد الكثيرى رغيان الظلماوى الغنوى الكثيرى حمد الحيص المساعيد الكثيرى جدوع الحادث المساعيد الكثيرى مبارك العجاجى العراعره الكثيرى اعتذر مرة اخرى من نسيان بعض الاسماءهذا ما اسعفتنى بة ذاكرتى وارجو تزويدنا بباقى الاسماء مع ذكر قصة او قصيدة ولكم جزيل الشكر.... |
ماعليك زود يامهل العدوان ارجو ان تذكر لنا قصص واسماء بعض الشخصيات من العدوان فى الجزيزة فقد سمعت ان لهم صولات وجولات وبطولات يفتخر بها كل كثيرى
فلا تحرمنا من هذا النوماس.... يابعدى يانبيهــــــــــــــــــــــــــــــــــــــــــى. ...... |
للعلم ان ابن دعاس وابن نومان عقدا ايام المغازى وعليهم قصايد كثيرة
لكن للاسف ما احفظ منها شى وياليت الى حافظ شى يقول اكتفى ببعض الابيات.. من ذاكرتى:) منها على ابن دعاس امس الضحا شد ابن دعاس\\مذكور بالخير ياامحمد وايضا: جماعتن عند ابن دعاس\\درب الردى عنّهم ساير ومحمد النومان: قيلت بة عده قصائد منها يابنت شومى لبن نومان .............................كانك من البيض عشاقه يسلمى ساجى وابن مشعان ............................ ألي على الموت دلاقه ساجى الجويد وابن مشعان الى هم الشقعان وايضا الهيلم الغرب قيلت به قصيده لا اذكر اول بيت ولكن باقى الابيات: قاد الهيلم جنبها .....................مايتحلا الضلالى العبيلى ياحشيمه ...................وارجحيلى بالدلالى سيف ابوك الى مجرب ....................ماضيٍ لة بالفعالى وايضا: الصفرا باول الغاره .....................عليها حس اخو ساره |
الله يعطيكم العافية رجال نفتخر بهم جميعاً الله يرحمهم جميع
وكثروا لنا من هالعلوم الطيبة تحياتي |
تسلمون يا عيال العم
ضاحي عياف الدويجني الغنوي المساعيد الكثيري جعيلان عياف الدويجني الغنوي المساعيد الكثيري ولهم دور بارز بحماية ابناء جراح ومحمد اخوة امير الكويت السابق مبارك الصباح الملقب (بالكبير) من القتل داود خلف الفدغم الغنوي المساعيد الكثيري من فرسان الكثير و قتل بكون الخرسان ان لم تخني الذاكرة و يا ابو نهير عطنا من القصايد اللي ما انكتبت بالمنتدى |
وهذي القصيده في سليم الحادث
شدوا الكثران وأتلاهم سلامه= راعي المعروف ياجزل العطيه يوم قط البشت عندي وانتخالي = قال انا شيلك وانا زبن الونيه لعنبوا يالبيض من عافت سلامه = جعل ابوها بنار واره له شويه |
يعطيكم العافيه
|
اقتباس:
س/ نوره الطواله شمريه ولا تشابه أسماء وسعد الضلب وشو؟ |
اقتباس:
اما الهضلب هم من الغنيه من المساعيد حاليا منقطعين باقي منهم حرمه وحده الله يطول بعمرها ننتظر اضافات الاخ مهل :) وهذي القصيده بشطي الغروب الله يرحمه
الصفرا بأول الغاره=عليها حس اخو ساره ياشطي ذاعت اخباره=ياقرناس ولد حرِ(ن) ياحر(ن) جاذبه خاله |
هلله هلله والله الواحد يتنومس بالقصايد هاذي
|
يعطيـكم العــــــــأإفيـــه..
وجزآكــم اللــه ألــف خيــر ولآتحروووومــنـآ من هالفخـــر.. شي يرفــع الرآإس.. ننتنــظر جديــدكم وهمتــكم يآشبــآب:) |
بيض الله وجيهكم على العلوم الى ترفع الراس
ونبغي اذا كان هناك قصص لهم ان تذكر بقصائدها اذ كان لها قصايد [ ابحثو يا بني كثير فموروثكم وافر بلبطولات ] |
قصيدة لى:هليل التوم السويط
الحادث والجريد والقعود والغريزان والمذود والغروب وهليل التوم السويط كانو شايلين يبى يقطنون قالهم جالى الجريد نبى نقطن على (بصية) فيها مكان به ماء وقالو القعود والغريزان حنا نبى نكمل طريقنا وانتم انزلو وحنا سارين..
تحدرو ربع ابن مرشود=ركبو مراذين ومردوفه نتلى موارث هل الماجوب=قط الذرى وقبت الحوفه ياريف هجنِ يجن عرجود=كم خططوهن ابمنحوفه |
فى قصيدة لحربى الزيد اعرف منها بيت واحد بس واعرف قصتها...
ياليت ياشباب تجيبون باقى القصيده.. القصة:راحو الكثران يغزون مطير وهم حربى الزيد وجدوع الحادث ومعاشى العمشة ومجبل القعود وقال حربى الزيد: واهنى منهو اجتمع هو والكثيرى ........................................جايبين الذود بأيام الضحية ××××××××××××××××× .........................................حبتن للراس وزودن للعطية |
الله لا يهين الشباب ياليت تكملون لنا السوالف
|
اقتباس:
|
سبيت الحيص ينخا مبارك العجاجى...
قصتها طريفة وفيها من عفوية البدو..
واعذاب القلب والخيره خفيه=كانها بالبعد عنى ونتحوبه مذهبٍ لي بكرةٍ يم الغنيه=ويش اسوى كان قفوا وطمعوبه لاهى بالابيات ولا هى مع رعيه=ولدرى وين القاهم كان مشودوبه شبة وضحا ظهّرت ماهى حذيه=ماحلبها الجنايب ودبدوبه من سلايل هود ماهى بجنبيه=خزنه التجار الى اغتنوبه بنت من يثني ليا شاف الرديه=فى نهار الكون ربعه إتّقوبه دونها الأشهب وفرحان البليه=منتوين الحرب لو ما سولفوبه تكفا يامبارك عليهم بصبعيه=ماحلا ضرب المشوّك وعذروبه الجدير بالذكر ان مبارك العجاجى اخذ البندق( ام اصبع ) ولحقهم:) (1)الغنيه: فخذ فرعى من المساعيد وهم فخذ من افخاذ الكثران (2)الاشهب:رجل من عائله الشهبان من الدباجله من الكثران (3)فرحان البلية:فرحان الحايط واعتقد انه ظفيرى (4)مبارك :مبارك العجاجى من العراعره من الكثران |
الموضوع هذه اسمه من روائع الكثران
|
اقتباس:
واهني منو اجتمع هو والكثيري جايبيين الذود بايام الضحيه والكثير وهم اهل الموجباتي حبتن لراس وزودن للعطيه |
وهذه قصيده لسبيت الحيص
اسمها يجذب اللي عانين من بعيدي كأنها البيرق اللي بالنقا ينهضونه يوم طبت وطبن لابسات الجديدي كن قلبي تولع يا هلي وزاد كونه في نهار المزاحم واجتمع كل صيدي والفشق بالمدافع والتنك يرقعونه |
وايضا هذه ابيات من قصيده لسبيت الحيص
اسمها اللي بالصناديق يا حربي وسط قصرن واهله غلقوا بابه واسم اهلها يماري لماضي الطيبي قوتن والحق ما عاد يمشابه |
وهذه قصيدة ايضا لسبيت الحيص رثاء بزوجته الحربية من بني علي من الفقوع
عندما توفت ودفت بالقرب من قبر جالي بن جريد عشقتي خليتها غربي حصونه عندها الويوان تطنب في عواها وعندها اللي كل ربعه يذكرونه حبت الخاطر على ربعه خذاها |
اقتباس:
شاكر لكم يا اخوان وقصيدة الغروب هي الصفره بأول الغاره عليها حس اخو ساره والهيلم شاعت اخباره يا جرناسن ولد حاره يا حرن جاذبه خاله في ناس تقول القصيده لشطي وناس تقول للهيلم |
قصيده قيلت بالنومان
طبعنا من خلقت الدين مطلبنا يفزع الفزاع وينكس وهو خالي حالف(ن) ماعاد نعطي ركايبنا لويجينا الموت قصاف الاجيالي من الضحى للعصر خيل(ن) تجالبنا صوتو بالمنع عند ابن هذالي عين غرون بالموده يلاعبنا ترخص الحبه على ماضي الافعالي {والي يعرف سبب كتابت هالقصيده يفيدنا} |
يعطيك العافيه وما قصرت
|
آآآآآآآرخو نبيــــــــــــــــــــــــــــــــــــــهى.....
وتقال ايضا. آآآآآآر خ بيهـــــــــــــــــــــــــــــــــــى.... نخوه النبهان من الكثران... اى انا اخو نبهان:) |
الكثران فى السابق اذا اهدو اى شخص هديه ولا يريدون من وراءها جزيه:)
قالو... جتك عطيه نبيهيه او اذا طلبت من كثيرى شى وخفت انه يطلبه منك مره ثانيه قوله نبيهيه اذا قالك نبيهيه اعرف انه والله لو يطلع ابوه من القبر مايرجعها |
فى قصيد للغزوات منو يعرفها ياشباب ..
اول اذا غزو الكثران قامو يقصدون بس للاسف مانى عارف القصيده وهى تبث فيهم روح الحماس اعتقد مطلعها شيدنا بحد الالواح \\ونخزى كل قماح موضوعها مهم ارجو من الجميع سؤال شيبانهم |
القصيده لها قصه طويله لا يسع المجال لذكرها قالها احد رجال المساعيد
لاتنثري الدمع ياساره=وراك رجالن معاضيدي الهضلبي ناخذ بثاره=وحنا عيال المسيعيدي |
محمد عبيد بن نومان الدبجلى النبهانى الكثيرى
خواله البراعصه من مطير أحد عقدا الكثران كانت له بطولات بالمغازى وقيلت به عده قصائد وإليكم هذى القصيدة
الي كسبها ابن نومان=الدبجلي راعي الطيبي مع لابتن كلهم شجعان=من فوق حمرالعراقيبي يوم انتخو لابتي بنبهان=زادت عليه المكاسيبي |
سمعتها من احد الشيبان .
وقال لى ان حربى الحيص سير عليه واحد من خوياه مطيرى والمطير ماعنده ذلول وكان يبى يروح لهله وعطاه الحيص ذلول (بكره).. وقال المطيرى..
يابكره الحيص هجيبى=خوذى مع الدو لج شله يم ابو خالد تعديبى=نلقاه على عاقب الدله الحيص جيته يهليبى=كريم ومجلسه مانمله |
رجال وقصائد
وتاريخ حافل يرفع الراس شباب لا احد يبخل علينا بااللي عنده سوا قصه او قصيده او حتى بيت واحد وتقبلوا تحياتي . |
قصيده لابو جابر نومان العجاجي
يوم جيت السوق والرجل معيوقه ليت علي حاضرن باللي جرالي جاني اللي ماخذ المعروف بوقه حطني في كشنها وانساح بالي والسنافي كل دربن ما يعوقه لين فك الباب بي عند العيالي وابو جابر جعل يومه ما نذوقه عند كل الناس نضربه مثالي |
وهذي قصيده بضاحي مبارك العجاجي ( ابو صالح )
لا وا حلالاة يا ضاحي عريفنا دامح الزله لا عاد طيب ومزاحي يفداه من عاف ربعله واليوم عن زامنا راحي يالله بدربه تسهله عساه طيب ومتعافي والرزق كله حواليه |
للظلماوي
ياراكب سمحة الذراعان حمرن من الهجن عمليه.. لجيت رحيل ابن عدوان لقطان طب الشنافيه.. لاوالله الا انحبس لقطان صكوا عليه السواريه.. الغوش ركبوا على القعدان ربي يسمحلهم نيه.. ركبوا على محرق العدوان فلاح رد الخبر ليه.. ودو خطوط لهل عمان وصار السعد للكثيريه.. |
وهذي من قصايد يتيم الدلعان..وهم بدخينه..
ان شبت النار قالوا لا تشبه .. وان طفيت النار قالولي رقود.. ابي افر شوي بالمنقل واشبه.. غدي حمو النار يدفي لي جدودي.. وان حديتوني على المحرم واذبه.. واجهل النبهان لصرت محدودي.. وهذي ثانيه وهو يبي يروح بالعيد عند اهله بالبر وهو بدخينه.. في نهار السبت شفنا به زهيدي.. صابرن ياذعار لو قلبي صفاتي.. حرك السكان والسايق شديدي.. مع الظلام الليل شب اللايتاتي.. مصبحينن بالجرع ماهو بعيدي.. فيه حفاف الرمث من حد غضواتي.. مطربينن نفسنا بايام عيدي .. وشايفينن اللعب ورقوص البناتي.. |
موضوع يستحق وسام التمييز :)
ياليت يتثبت |
لا هنتوا على الموضوع
|
اقتباس:
بن غنية نبي القصة يا ولد العم |
اقتباس:
ياهلا ياخو وضحه.. القصه واضحه من الابيات اخذ ثار بس صعب نذكر اسماء فيها.. للعلم هالقصه هذى لها 150سنه او اكثر.. |
| الساعة الآن 02:03 AM بتوقيت مكة المكرمة |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
