يومِ ولد اللاش يطرد دخيله=ولد الكثيرى زبنه لا عدمناه
منير همه مالقا من يشيله=ولا لقا منو اذا ضاق ينصاه
قبلان ولد منيف راح يعنيله=وعطاه من خير النعايم وعشاه
خمست عشر يومٍ ولا تزيد ليله=قبلان ضيفه داخل الدار خباه
وعطاه بندق زاهبه بالفتيله=والجيش مل ومالقا ماتمناه
مرحوم ياعودِ رقا للطويله=امزبن العانى اذا دش بحماه
فعلك ينومس لابتك والقبيله=ومثلك قليل ونادراتِ مزاياه

المشاركة الأصلية كتبت بواسطة راكان القرناس (المشاركة 89836) مخرج : الطيب والوقفات والعز والدين أميرها يا شيخ .. يا نسل الأحرار نسل الرجال الطيبين الكريمين اللي لهم في سيرة المجد تذكار طحاشل ٍ قد حازوا المجد مجدين قطع الرقاب ! وردت الغدر بالثار ومْنيف .. أبن جعفر سقم للمعادين زبّن دخيلة يوم ضاقت به الدار أخوان سارة .. فعلهم والسلاطين واحد وله في سيرة المجد مقدار

ما عليـــــك زود .. يا حفيـــــد القــــرنـــاس ..