رد: جيتكم فزاع وخيالن مدلي
 

حياك الله يالسعيدي بتسجيلك معانا وتسعدنا متابعتك ..

اما القصيده اللي قلت اننا نسبناها فأعتقد كما قلت انت كل واحد يقول من حفظه وايضا كل واحد ينسبها للي له مثل ما نسبتها انت لعمك ونسبها الاخ ليتيم الدلعان

لكن القصيده لابو مياح الله يرحمه ومازال من شيبانا الموجوديين اللي يرون لنا القصه وتاريخها وسبب مقولته لها


وارجع واقول الله اعلم وبسأل وتأكد

رد: جيتكم فزاع وخيالن مدلي
 

القصيدة نسبتوها للمرحوم يتيم الدلعان الله يرحمة وهذا غلط والصح
انها مسندها له عمي محمد حمد سيف الحمد السعيدي الله يرحمة

ياحمد منك الصميدي مايذلي
ياحمد ياكود نقصر من هجارة

حياك اللة يالسعيدى بمنتدي الكثير

يابن العم انت تقول / انها مسندها له عمي محمد حمد سيف الحمد رحمة الله

اى ان عمك رحمة اللة مسندها الى رحمة يتيم

لكن مطلع القصيدة يثبت عكس ذلك بدليل انها تقول

ياحمد منك الصميدي مايذلي
ياحمد ياكود نقصر من هجارة

والاقرب الى الواقع انها كما افاد العضو وثائق انها مسندة الى حمد الصانع

وعسى ربي يرحم شيبانا ويغفر لهم

رد: جيتكم فزاع وخيالن مدلي
 

الله يعطيك العافيه

رد: جيتكم فزاع وخيالن مدلي
 

قواكم الله ومشكورين على الترحيب

اول شي مافي شي اسمة حمد الصانع حنا الصناع وحنا نبجنا الحمد والصناعة ماعابتنا ولله الحمد
وخويك يا يتيم محمد الحمد مو حمد ... فينا حمد توفا بالعجرشي وهو ابو محمد وفينا حمد الاول
وثنينهم لاشافهم لامحمد ولاييتيم لان محمد ماشاف ابوة انذبح بالعشرشي قبل لاينولد
تقصدون بحمد ( محمد الحمد ) وشيبانكم اللي تنشدون عسى الله يطول اعمارهم
اذا يعرفون يبي يعرفون محمد بس الظاهر متوهمين لانها لمحمد الحمد ولاهي ليتيم الله يرحمهم
(( ومستحيل واحد لاحق على يتيم الدلعان ويعرفة عدل ومايعرف محمد الحمد ))

رد: جيتكم فزاع وخيالن مدلي
 

واللة يابن عمي الشياب راحو ياللة حسن الخاتمة
واللي بقي الحين كلهم طابين الفيضة

وحنا وياك ( ان تفاهمنا ) ماحنا متهاوشين على هالورث مايسوى

لكن حنا نبي نقول انة لشايبنا رحمة يتم وانت قول انة لشايبكم محمد حمد سيف الحمد السعيدي الله يرحمة
غير هالحجى باجر يصير الدم للركب ،، وانت بكيفك

رد: جيتكم فزاع وخيالن مدلي
 

لا ياوليد عمي السالفة موثقة بالمجلس الاعلى لثقافة والفنون
وابزرقلهم بهالقايلة ابرفع قضية ادور الشكاوي لوول ...

الله يا هالورث اللي يستاهل الطلايب من تقراه اصلا تحس بالفقر والنقر

لا يابعد زولي لاركب ولادم ومدري شطرى عليك هالسالفة ..!!

احنا نكسر من هالسوالف لا اكثر ولا اقل واذا كانت عند ابو مياح فهي عند عمي بعد

اما الشياب اي والله مامن شياب
شايبنا بالدوان ابو اربعين سنة :)

انتهى وعساكم عالقووووووووة

رد: جيتكم فزاع وخيالن مدلي
 

هلابك وغلا واللة انا فرحنا بجيتك ومداخلتك بالموضوع وعساك تعودها دوم
مير حياك الله ابن عم وغالي والمحل محلك

رد: جيتكم فزاع وخيالن مدلي
 

انا سئلت والمعلومه اكيد الف بالمية

القصيدة ليتيم الدلعان وكذا شايب سامعها منه مباشرة

ويعطيكم العافية :)

رد: جيتكم فزاع وخيالن مدلي
 

والنعم فيك وبعمانك وفعلا اللي لاحقين على ايتم الدلعان يعرفون محمد الحمد ومعيدي ويعرفون حتى ديرتهم ام الظيان والسنافي وحيصامه وكابده

و لما سالتهم قالوا ونعومك ويامال الجنه البارده

اما الورث ما زال الخلاف قائما عليه كذا مصدر سالته واكدلي انها لابو مياح الله يرحمه

رد: جيتكم فزاع وخيالن مدلي
 

الله يرحمك ..


يا بو مياح ..


و شاعر فحل .. و له رديات كثيره مع بو طاهر رغيان الله يرحمه