يالله ياللي يعطي العبد لا سيل=يا عالمٍ ما بالخفا من مسرّه
ارجوك ربي صادقات المخاييل=تعم شِعبان الحريق ومجرّه
تسقي لنا هدب الغروس المظاليل=اللي بها للجار حق ومبرّه
اللي إلى جونا ضيوفٍ مهاشيل=نبذل لهم مجهودنا لو نطرّه
ندن نجرٍ فوق سمر المعاميل=لو كان ما في الجيب مثقال ذرّة
نصبر على ضيم الدهر والغرابيل=والفقر باليني كفى الله شرّه
يالله ان تعدلها عن الضلع والميل=ولا ان تميّلها على الناس مرّه
أحدٍ عشاه القرص ومفطح الحِيل=واحدٍ رغيدٍ يلعط الجوف حرّه
واحدٍ طوال الليل يعمل محاحيل=وانا طوال القيظ ما صبّ كرّه
واحدٍ يلاعب لابسات الخلاخيل=وعندي عجوزٍ ذقت منها المضرّه

الاخ م\عبدالله بن حمد الكثيرى... يعجز اللسان عن الشكر اثريت منتداك يالكثيرى بقصص وقصائد لم نسعها وحين سمعناها ازددنا فخرااا بما سمعنا... الله يرحم العم: رشيد بن زيد الكثيرى ويسكنه فسيح جناته.. وارجو منك اخى عدم التوقف لاننا نفخر ونطرب لما نسمع منك