|
دعمكم وتأييدكم شرف نعتز فيه يابناء العم
وبدون حضوركم لا معنا للامسيه اعلانك زادنى حماس وحسيت بالروح اللاميه والكيان الامى حسيت بوجودكم من حولنا.. نسأل الله أن يوفق الجميع |
اشوش وارفع الصوت واقط عقالى تحيه من قلبى لكم يالفضول رفعتو روسنا بدعمكم وتأييدكم ابن العم زيد ابو رحمة المدير العام لشبكة الفضول وابن العم رياض الفضيلى والله انكم نوماس وترفعون الراس والله يبارك بــ "مهل العدوان الكثيرى" يوم أنه عزمكم وبلا شك هذى الأمسية شى نفتخر فيه ومبادره طيبه من ابناء العم الكثران.. وهى تمثل كيان "لامى طائى" ونجاحها من نجانا وفشلها من فشلنا .. انا على يقين باذن الله بعد مالمست رده الفعل خارج المنتدى من الفضول والكثران وبعد ماسمعت انها ستعرض بشكل مشرف وهناك ضيوف من كبار الشخصيات ونقل تلفزيونى واعتقد هناك فعاليات كثيره ومفاجأت كثيره والحضور غير متوقع وهى ناحجه والى مايحضرها خسراااااان تكفووووووووووووون يابناء العم بطلب منى ومن ابناء عمكم الفضول فى الكويت نطالب ان ينظم لطاوله الامسية ولا قصور بباقى الشعراء الفضول شاعر نجد عبدالله السويلم الشلال الفضلى "ابوجهاد" نرجو تبليغه رغبه ابناء عمه الفضول بالكويت أن يمثلنا بالأمسية او ارسال رقمه على الخاص علشان نجيه بجاهيه:) |
اقتباس:
جزاه الله خير ## |
مواقف رجال مشهوده لكم يالفضول
حضوركم دعم وتاييد لبنى لام كافه الله يوفقنا على العز والمعزه والطاعه |
هذا أقل الواجب مادامت الأمسية للجميع ، وبيّض الله وجيه اللي قايمين عليها واللي نظموها واللي بيشاركون فيها ، الله يوفق الجميع ويبارك فيهم وينفع بهم ، آمين . الغالي أبو أثير ، آمين ، وما عليك زود يا بعدي . أخوي الغالي وشاعرنا الكبير ، آمين ، الله يقبل ما دعيت ويقبل من الجميع ، ويشرفنا والله إنا نشارككم في أي مجال وكلنا اخوان ، ولي رجاء خاص إنه يكون لك مشاركة في الأمسية مثل ما قال بعض الإخوان لو على الأقل بقصيدة على المنبر يا بعدي ، ومثل ما يقول المثل ( ما على كريم تشرّط ) ، أسعدني كثير تواصلك وعسى الله يجمعنا بك على خير ويجمعنا مع باقي الإخوان ، آمين . مستعدين بالدعم ، وايدينا ايديكم ، واللي تبون حاصل إن شاء الله . أخوي الغالي مفلح ، ما عليك زود ، والشك زايل ، بارك الله في الجميع . الغالي مديرنا وكبيرنا ، يشرفنا تواجدنا وإياكم ، وهذا أقل الواجب ، وفعايلكم ترفع الراس يا بعدي ، وما عليكم زود ، وما سوينا شيء يا ابن العم ، وتشريفكم لنا في أي وقت يسعدنا ، ونفخر بأهل الطيب شرواكم ، وسلامك يبلغ إن شاء الله ، وعسى الله يجمعنا بك على خير ويجمعنا مع باقي الإخوان ، آمين . الغالي أبو مشعل ، بارك الله فيك ، الله يقبل من الجميع ، ودايم سابق يا وجه الخير ، وشاعرنا يستاهل الخير وتواصله يشرفنا ، الله يجزاك ويجزاه بالخير ويوفق الجميع ، آمين . أخوي الغالي ناقد شعرى ، الشرف لنا يا بعدي ، وهذا الواجب ، الله يوفق الجميع ويبارك فيهم ، آمين . أستاذنا الغالي محمد الغزي ، ما يبي لها يا بعدي ، هذا أمر واجب علينا ، ويشرفنا المشاركة فيه ، وما عليكم زود ، والفائدة من هذا الحدث العظيم واضحة وملموسة ، ويكفي فيه نشوف الوجيه الطيبة ونتواصل مع إخواننا وأبناء عمنا وهذا أمر مطلوب في كل وقت . ابشر باللي يوصل طلبك إن شاء الله لشاعرنا الغالي أبو جهاد وهو ما يقصّر ، عسى الله يوفقه ويبارك فيه وينفع به وبالجميع ، آمين . أخوي الغالي الفجر الكثيري ، ما قصّرت يا بعدي وابشروا بالخير بإذن الله ، بارك الله فيكم ووفقكم ، آمين . أخوي الغالي ابن الحريق ، ما عليكم زود يا ابن العم ، وهذا الواجب علينا ، عسى الله يقبل ما دعيت ويبارك فيكم ويوفقكم ، آمين . وعسى ما أكون نسيت أحد من الإخوان ، كلن له حق وكلن منكم قدره عالي ، الله يوفقكم ويجمعنا بكم على خير ، آمين . أخوكم / زيد بن محمد آل رحمة |
السلام عليكم ورحمة الله وبركاته
أخواني الاعزاء -- لا تنسوا أن الاخ الفاضل والاستاذ القدير ابو الفضل ( زيد آل رحمة )هو شاعر فحل بكل ما تحتويه الكلمة من معان - وهو شاعر لكل المناسبات ومن هذا المنبر - أطالب بان ينظم لطاولة الامسية - وهو أهلٌ لذلك ولا قصور بباقى شعراء الفضول - ولكن زيادة الخير خير - وفقكم الله متشوقين للقياكم |
يلومونى بحبك يالفضول
كفو كفو كفو رجال عيال رجال شهادتى فيكم مجروحه انتم اهل الحميه واهل الفزعه وسباقين ومعروفين بمواقفكم الثوره الاميه قادمه باذن الله يابنى لام |
والله إنكم ترفعون الراس كلكم يا بني لام
والامسيه ناجحه إن شاء الله |
يا هلاوين ومرحبتين
هذي والله الساعة المباركة حي والله بني عمنا الفضول جميع والله يجمعنا على العز والطاعة |
كفو يالفضول وهذى الهقوى فيكم وتشرفونا بمحلكم
|
| الساعة الآن 12:48 AM بتوقيت مكة المكرمة |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
