|
اقتباس:
ماخليت وراك شي ياعبدالله عشان نقوله ,, ماشالله ذكرت جميع اللحظات والثواني الماضيه :inlove: ... |
هلا بو سعد
ياليت يابو سعد تكتب عن منطقتك وذكرياتك نبي نعيش ايام قبل ملينا من جيل هالوقت هههههههه ماله طعم ياخوك ملل بملل حتى الجهال الصغار مالين وين قبل ووين الحين فرق وربي . تحياتي |
مشكوووووور والله يعطيك الف عافيه
|
الشكر لمرورك الكريم ابو شموخ
لا هنت |
صغير وكانت الجهرا سوالف عن غريب الدار .!
كبرت ! ولا لقيت إلاّ : سوالف كانت الجهرا .!! هنا .حلمك / و مدرستك / . هنا ربعك / سنين قصار هنا ماتت ملامحكم : وعاش الخووف من بكرا .!! تنفس من صدى صمت المواجع وأطلق الأنظار . هنا الأشياء : تتعاتب مع الأشياء لو تقرا .!! تلفـّت وش بقى غير البيوت [ الطين ] والأسوار. ! ورجل ٍ ورّث عياله دلاله وقهوة ٍ شقرا !! صحيح العذر : هو ديـّه كريم ٍ يقبل الأعذار .. ولكن مابقى درب ٍ كريم ويقبل المسرا .!! يطوف العمر : عشرين الأماني وأبكي اللي صااار وعشريني على [ ميهاف ] كذب الليل والقمرا ! تضيق الأرض : في وجه البدو من شحّت الأمطار ! واضيق بحزني الصادق وأسولف : تونس الخضرا .!! أنا الدرب الطويل الممتلي بالخوف والأسرار ! وآحس الناي : تنهيدة غريب وجرح ما يبرى .!! أنا المحتاج : لو كذبة أمان تكمّـل المشوار وصرت أحتاج أي لون بحياتي يرسم الذكرى !! شربتك يابلد ساده وكنت بسكـّرك أنهار ! رحلت : وكانت أسئـلـتي على طول الزمن عذرى شوارعنا الحزينه : ذكريات الحيط : والأشعار ! وصبح يبلل أطرافه تفائـلـنا وما يجرا ! طفوله محزنه لكن : كـتبناها : ندا وأزهار .! وكان الحبر : هو ذنب الورق واتساقطت عبرا .!! كثير عيون تبكيني : وأنا من بكيها : منهار وكثير دموع أبكيها على أشياء لو تطرى !! رضيت أكذب على نفسي : وأقول الدار لهل الدار ! كبرت ولا لقيت إلاّ : سوالف [ كانت الجهرا ] .!! منقول |
اذكر السوق الطويل كان بمثابة الافنيوز حاليا
الحين تقريبا صار بمكانه اوتاد اذا ماني غلطان والكاتب ذكر صيدلية الخالد ونسى صيدلية النور كانت من احد معالم الجهره ، وبمركز خدمة المجتمع حاليا كان يقام مهرجان العوده للمدارس بس على الطريقه البدائية طبعا واخر شي اذكره محل ابو ابراهيم للملابس الجاهزه كان اكشخ نوفتيه بزمانه مايبيع الا البدلات الامريكيه ووقتها البدله على ١٤ دينار ووين راسها بعد تقريبا كان مكانه عند منطقة طلال السعيد مو بعيد عنهم |
اذكر السوق الطويل كان بمثابة الافنيوز حاليا
الحين تقريبا صار بمكانه اوتاد اذا ماني غلطان والكاتب ذكر صيدلية الخالد ونسى صيدلية النور كانت من احد معالم الجهره ، وبمركز خدمة المجتمع حاليا كان يقام مهرجان العوده للمدارس بس على الطريقه البدائية طبعا واخر شي اذكره محل ابو ابراهيم للملابس الجاهزه كان اكشخ نوفتيه بزمانه مايبيع الا البدلات الامريكيه ووقتها البدله على 14 دينار ووين راسها بعد تقريبا كان مكانه عند منطقة طلال السعيد مو بعيد عنهم |
وقبل الغزو تقريبا
كان فيه حوطه او مزرعه مقابله المحدود قطعه واحد واثنين عند مستوصف الجهره القديم والمعتصم كانت تنافس الشويخ والفروانيه بالاثاث ؛) يبيعون فيها غرف نوم واثاث وسجاد وسورها شينكو ومكشوفه يعني البضاعه رايحه فيها غبار ووصاخه ومع هذا قايم سوقها بس صار الغزو وخرب كل شي |
اقتباس:
لا هنت على نقل القصيده البرنسيسيه في معناهااااااااااااااااا تسلممممممم على الموضوع السعيد والحزين بنفس الوقت .. فديت الجهرااااااااااااااا واهلها وشوارعها .. بيت بيت ودار دار وزنقه زنقه :shiny::shiny::shiny: . |
اقتباس:
وتذكر القصر الاحمر والعرضات الي كانت تقام فيه بكل عيد .. وحضور الشيخ جابر الصباح الله يرحمه .. وعرضة الشيوخ فيه ..في صباح كل عيد .. .:icon26: |
| الساعة الآن 04:43 AM بتوقيت مكة المكرمة |
Powered by vBulletin® Copyright ©2000 - 2024, Jelsoft Enterprises Ltd. Designed & TranZ By Almuhajir
