جيتكم فزاع وخيالن مدلي

[وثائق]

هذه القصيده حسب ما سمعت انها ل يتيم الدلعان رحمه الله (( ابومياح))

وقد قالها عندما سمع ان احد شعراء الظفير

كتب قصيده يفدي فيها جميع البيض (( البنات )) بساره !!

فقال ابو مياح :

جيتكم فزاع وخيالن مدلي
لو يهج للنفد ماعني نياره

فزعة للبيض لوهن ما نخني
فزعة اللي به سعاطير ونماره

ول يا مسمار يا جعلك تولي
كيف كل البيض تفداهم بساره !!

ياحمد منك الصميدي ما يملي
كود حنا يا حمد نقصر هجاره

ملاحظه: حمد المقصود به حمد الصانع

[الازرق]

يعطيك العافيه
والله يرحم الشاعر

[سلطان علي الكثيري]

ول يا مسمار يا جعلك تولي
كيف كل البيض تفداهم بساره !!



هههههههههههههه

[لابتي يالابتي]

فزعة للبيض لوهن ما نخني
فزعة اللي به سعاطير ونماره

اللـــــــــــــــه يرحمـــــــــــــــــــه
مشكــــــــــــــــــــــــــور أخوي وثائق

[الكثير]

تسلم على النقل وعتقد ان الشاعر الظفيرى هو مسمار الصميدى الجاسمى الظفيرى او احد احفاده ..

[نوماس]

الله يرحمة ويغفرلة ابو مياح

ياليت لقصيده تكون كامله هى و الرد ويعطيك العافيه

[وثائق]

الاخ نوماس ما حذف من القصيده الا بيت ممنوع من النشر

اما الرد عليها ما سمعت انه عليها رد

وشكرا لكم

[الرسام]

السلام عليكم اخوي البيت اللي ما عرضته وهو فيه كلمه ترا القصد من المفردة مو اللي نفهمه بالوقت الحالي وهي كانت تعني حمار مو شي ثاني وجزاك الله خير على نشر ولا تحرمنا من اي جديد

[صقر بن عدوان]

الله يرحمه ويسكنه الجنه
ويعطيك العافيه على القصيده

[علي السعيدي]

السلام عليكم

ومساكم الله بالخير

توضيح للاخوان او بالاحرى تصحيح لمعلوماتهم

بدايتة عسى ربي يرحم شيبانا ويغفر لهم
القصيدة نسبتوها للمرحوم يتيم الدلعان الله يرحمة وهذا غلط والصح
انها مسندها له عمي محمد حمد سيف الحمد السعيدي الله يرحمة

ومعروف ان دخيل وزعال الدويج العمى ويتيم الدلعان ومعاهم عمي محمد ربع وكلهم شعار
وبينهم رديات كثيرة

القصيدة اللي انذكرة سمعتها من الشياب بكذا وجه فكل واحد يقول من حفظة وممكن يغيرون فيها
لسلاستها ولضعف ذاكرة بعضهم

ياحمد منك الصميدي مايذلي
ياحمد ياكود نقصر من هجارة
فازعن للبيض لوهن مانخني
ينخن اللي بوه صعاطير ونمارة
ول يامسمار ياوجه المجلي ( او ياجعلك تولي )

وفيها ان ليش تفديهن بسارة الى اخر ماقال الله يرحمة
والى اخر السبب اللي هم تعددة الرؤوى حولة

:) والاكيد انها مجرد غشمرة بينهم

ومن الردياة ايضا قال ليتيم

يا يتيم ماتجوز من العيارة
لاتعدد عجزنا ترهن كثري
العلف جبناه من راعي العمارة
مابقى الا العجز وباقي .. الخ

( يمكن اذا سالتوا الشياب يعلمونكم لان صراحة ماذكر الباقي )
وشيابنا اللي يعرفون يطلبونكم الرحمة

لي حبيبن منزلة بأرض الشقايا
يلقط الفقعات في كم العباتي
لاركب تنبيل براق الثنايا
ولا جنالة رادون فوقة يهاتي


______

ومن قاصيدهم ايضا لا اعرف منو فيهم

تل قلبي تل هرشينن ونايا
يسمرن الليل وهن مصقعاتي

قصده البعارين اللي يهربون عليها تتن لمن يصقعونهن
او يربطون حلوقهن عشان لايطلع صوتهن ويكشفونهم الدوريات
فيوصف حالة بحال هالبعارين ليل ومصقعات .. وهالحجي اتوقع اواخر الثلاثينات

وايضا

يابعد الجرع وصفي العرادي
والجليب اللي بجلاوة يذكرونه

ويمااال السيل يهالديااار


وسلامتكم

واللي عنده ملاحظة على اللي قلت

اخوكم علي معيدي الحمد السعيدي

tv.k@hotmail.com

[واحد من الناس]

حياك الله يالسعيدي بتسجيلك معانا وتسعدنا متابعتك ..

اما القصيده اللي قلت اننا نسبناها فأعتقد كما قلت انت كل واحد يقول من حفظه وايضا كل واحد ينسبها للي له مثل ما نسبتها انت لعمك ونسبها الاخ ليتيم الدلعان

لكن القصيده لابو مياح الله يرحمه ومازال من شيبانا الموجوديين اللي يرون لنا القصه وتاريخها وسبب مقولته لها


وارجع واقول الله اعلم وبسأل وتأكد

[خويران الكثيري]

القصيدة نسبتوها للمرحوم يتيم الدلعان الله يرحمة وهذا غلط والصح
انها مسندها له عمي محمد حمد سيف الحمد السعيدي الله يرحمة

ياحمد منك الصميدي مايذلي
ياحمد ياكود نقصر من هجارة

حياك اللة يالسعيدى بمنتدي الكثير

يابن العم انت تقول / انها مسندها له عمي محمد حمد سيف الحمد رحمة الله

اى ان عمك رحمة اللة مسندها الى رحمة يتيم

لكن مطلع القصيدة يثبت عكس ذلك بدليل انها تقول

ياحمد منك الصميدي مايذلي
ياحمد ياكود نقصر من هجارة

والاقرب الى الواقع انها كما افاد العضو وثائق انها مسندة الى حمد الصانع

وعسى ربي يرحم شيبانا ويغفر لهم

[إخو هذلاء]

الله يعطيك العافيه

[علي السعيدي]

قواكم الله ومشكورين على الترحيب

اول شي مافي شي اسمة حمد الصانع حنا الصناع وحنا نبجنا الحمد والصناعة ماعابتنا ولله الحمد
وخويك يا يتيم محمد الحمد مو حمد ... فينا حمد توفا بالعجرشي وهو ابو محمد وفينا حمد الاول
وثنينهم لاشافهم لامحمد ولاييتيم لان محمد ماشاف ابوة انذبح بالعشرشي قبل لاينولد
تقصدون بحمد ( محمد الحمد ) وشيبانكم اللي تنشدون عسى الله يطول اعمارهم
اذا يعرفون يبي يعرفون محمد بس الظاهر متوهمين لانها لمحمد الحمد ولاهي ليتيم الله يرحمهم
(( ومستحيل واحد لاحق على يتيم الدلعان ويعرفة عدل ومايعرف محمد الحمد ))

[خويران الكثيري]

واللة يابن عمي الشياب راحو ياللة حسن الخاتمة
واللي بقي الحين كلهم طابين الفيضة

وحنا وياك ( ان تفاهمنا ) ماحنا متهاوشين على هالورث مايسوى

لكن حنا نبي نقول انة لشايبنا رحمة يتم وانت قول انة لشايبكم محمد حمد سيف الحمد السعيدي الله يرحمة
غير هالحجى باجر يصير الدم للركب ،، وانت بكيفك

[علي السعيدي]

لا ياوليد عمي السالفة موثقة بالمجلس الاعلى لثقافة والفنون
وابزرقلهم بهالقايلة ابرفع قضية ادور الشكاوي لوول ...

الله يا هالورث اللي يستاهل الطلايب من تقراه اصلا تحس بالفقر والنقر

لا يابعد زولي لاركب ولادم ومدري شطرى عليك هالسالفة ..!!

احنا نكسر من هالسوالف لا اكثر ولا اقل واذا كانت عند ابو مياح فهي عند عمي بعد

اما الشياب اي والله مامن شياب
شايبنا بالدوان ابو اربعين سنة :)

انتهى وعساكم عالقووووووووة

[خويران الكثيري]

هلابك وغلا واللة انا فرحنا بجيتك ومداخلتك بالموضوع وعساك تعودها دوم
مير حياك الله ابن عم وغالي والمحل محلك

[الرسام]

انا سئلت والمعلومه اكيد الف بالمية

القصيدة ليتيم الدلعان وكذا شايب سامعها منه مباشرة

ويعطيكم العافية :)

[واحد من الناس]

(( ومستحيل واحد لاحق على يتيم الدلعان ويعرفة عدل ومايعرف محمد الحمد ))


والنعم فيك وبعمانك وفعلا اللي لاحقين على ايتم الدلعان يعرفون محمد الحمد ومعيدي ويعرفون حتى ديرتهم ام الظيان والسنافي وحيصامه وكابده

و لما سالتهم قالوا ونعومك ويامال الجنه البارده

اما الورث ما زال الخلاف قائما عليه كذا مصدر سالته واكدلي انها لابو مياح الله يرحمه

[اخو وضحه الدويجني]

الله يرحمك ..


يا بو مياح ..


و شاعر فحل .. و له رديات كثيره مع بو طاهر رغيان الله يرحمه

[وثائق]

شكرا لمرورك على موضوعي وهذا شرف لي ووسام على صدري

[الجموح]

الله يرحمهم جميعا,,,,,,,,,,,,,,,,,,,,,,,,,,,,,,,,,,,,,,

[ذيباان]

في البدايه اشكر الاخوان ومداخلاتهم واحب ان اؤكد ان المعني في البيت الاخير هو الشاعر حمد بن شويش السويط
حيث حصلت قصائد بينه وبين مسمار الصميدي عندما بدأ مسمار في قصيدته مطلعها

ياحمد حطيت رجمك مرقب لي ** يوم حدتني على المرقاب ساره

ورد الشاعر حمد بن شويش السويط مطلعها

ليه يا مسمار ترقب مرقب لي ** ... و ... جدان ساره

حيث ان مسمار حط رجم حزام مرقب له وهو نفس الرجم الي تغنى به حمد بن شويش السويط قائلا
نطيت رجم بناه حزام ** وأسرد الثوب واومي به
الخ...

[ذيباان]

اضافه : المعنى بالشطر . ياحمد منك الصميدي ما يملي / اتت بعدة جهات مره ما يذلي

والمعنى ياحمد .. ان مسمار ما يمل من الرد عليك يابن سويط بالقصايد وان الشاعر راح يقفل المساجله

علما ان قصائد حمد بن شويش السويط ومسمار الصميدي موجودات عن ساره

اما خلافكم من قائل الابيات لا علم لدي لكن الاكيد ان المعني في البيت / ياحمد / هو حمد بن شويش السويط